ازاى تشترى الكنبة المناسبة لبيتك فى 9 خطوات

كتب: رنا كمالي و ترجمة دينا أمير

ياقوطة دايما جنبك وهتسهل عليك كل اختياراتك سواء فى ديكور بيتك الجديد أو حتى بيتك اللى قررت تغير فيه شوية وعشان كده اهم حاجة انك تعرف المساحة و فايدة كل قطعة هتشتريها وجودتها  وسعرها. وعشان نساعدك تختار اكتر كنبة مناسبة ليك اتكلمنا مع مهندس الديكور محمد مروان عشان يقولنا أهم الحاجات اللى تساعدك فى اختيار الكنبة اللى تناسبك.

مروان قال: ” فى عصرنا دا فى أدامنا عدد رهيب من الاختيارات و دايما بيكون صعب تختار الكنبة المناسبة ليك أو أي قطعة اثاث تناسبك من كل النواحى. أنا عارف إن دايما الناس حاسة انها عارفة كل حاجة هى محتاجاها بس أول ما يجى وقت الشراء يحسوا انهم نسيوا كل حاجة و بقوا تايهين بين الاختيارات الكتير. نصيحتى اننا نعمل قائمة بمواصفات الكنبة اللى عايزنها و نشوف اونلاين ايه آخر الموضات و الأذواق و نبتدى نستبعد الاختيارات الغير مناسبة لينا. بعد الخطوات دى هتكون عارف انت محتاج ايه و تدور عليه و تشتريه سواء اونلاين أو من المحل.”

عشان تلاقى الكنبة المناسبة ليك لازم تعرف أسلوب حياتك مثلا اسأل نفسك هتستخدم المساحة فى ايه؟ المساحة دى هتكون لتجمع الأسرة ولا مجرد مكان للتلفزيون؟ و عدد الأشخاص اللى هيستخدموا الغرفة دى عشان تجهز اماكن الجلوس حسب عددهم.

أقرأ الـ 9 خطوات دى قبل الشراء:

1. المساحة   

عشان تختار الكنبة المناسبة لازم تعرف المكان المتوفر للكنبة ايه وعلاقته بباقى العفش اللى حوليه فمثلا لو فى مساحة كبيرة للكنبة وباقى المساحة حوليها صغيرة يبقى بلاش تجيب كنبة حجمها ضخم عشان هتبان كبيرة أوى وهتاكل مساحة المكان. لو هتستخدم كراسى أو أى قطع تانية فى المساحة دى لازم يكون ذوقهم ماشى سوا مع الكنبة عشان ميكونش الشكل غريب.

Sofa + Loveseat + Chair

 2. الغرض

لازم تكون عارف الهدف من وجود الكنبة دى ايه فمثلا لو دى غرفة معيشة هتختلف عن كنبة الصالون. كنبة فى غرفة معيشة لازم تكوت مريحة و تستحمل و تاخد اكتر من فرد و يكونوا مستريحين و خامتها تكون سهلة التنضيف. لو كنبة للصالون لازم شكلها يكون حلو و ملفت و مريح للضيوف لما يقعدوا عليها. عشنا كده لازم تسأل نفسك ايه الغرض منها؟

Reclining sofa3 Seats

 3. الشكل

بعد ما عرفت الغرض من الكنبة ممكن تختار الشكل اللى يناسب الغرض و يعجبك. اختار الشكل اللى هيناسب المكان اكتر لأن شكل الكنبة بيفرق كتير فمثلا الكنبة على شكل L بتوفر مساحة كبيرة ومريحة عشان تتفرج على التلفزيون.. بالرغم من كده وجود كنبتين أدام بعض بيخلوا الجو عائلى وجميل عشان الناس تعرف تقعد وتتكلم سوا ويركزوا مع بعض أو يلعبوا كوتشينة.

Patola Park – Patina. Sofa Set

  4. الخامة

خامة الكنبة من أهم الحاجات خصوصا فى غرف المعيشة و ده بيخلى قدامك اختيارين الجلد أو القماش. الجلد سهل تنضفيه وألوانه ثابتة وأساسية بيناسب كل الأماكن ودايما الجلد الغامق بيكون شيك وعلى الموضة. القماش بيلم تراب اكتر وبيتوسخ اسرع  لكن بيكون قدامك الوان واختيارات وأشكال كتير. لو هتختار جلد لازم يكون طبيعى لأن الجلد الصناعى ممكن يتقطع بسرعة و بيعرق.
و لو عايزين قماش يبقى قماش يستحمل و ميلمش تراب و يبقع بسرعة أو لونه يتغير لو حطيتوا فى مكان مشمس.

The Magic Sofa Bed

5. الحجم

لو غرفة المعيشة بتاعتك مساحتها كبيرة مش معناه أنك تجيب كنبة كبيرة تملى المكان لازم تعرف أنت عايز/ة تقسموا المساحة دى ازاى هل كنبة كبيرة و كرسيين؟ و لا كنبتين مثلا حجمهم وسط و خلاص؟ لازم بردو تفكروا فى الترابيزة اللى هتتحط مع العفش و حجمها هيكون أد ايه. لو على الترتيب السهل وتوفير المساحة يبقى الكنب على شكل L لكن لو لترتيب مريح للاسرة و يجمعهم سوا يبقى الكنبة المستديرة اللى بتخلى الكل شايف بعضه و مريحة للحوار.

لو غرفة المعيشة عندك صغيرة يبقى انسب لك كنبة صغيرة و بلاش الكنب الكبير. حاول تختار حاجة عملية و مميزة فى نفس الوقت.

6. اللون

لو عايز الكنبة تكون قماش يبقى اختاره غامق و سادة عشان يناسب معاه كل ألوان المخدات والستاير و السجاجيد اللى ممكن تعجبكم.لازم لون الكنبة يكون ماشى مع لون الحيطة والأرض. لو الأرضيات لونها فاتح يبقى القماش يكون درجات غامقة لكن لو الأرضيات غامقة يبقى ألوان القماش تكون فاتحة و هادية.

لو عايزين تختاروا ألوان مجنونة وصارخة لازم تتأكدوا أنها هتمشى مع باقى الألوان اللى حوليها عشان مش بعد أسبوعين تزهقوا من لونها الصارخ أو شكلها.

7. ستايل ( موديل)

صعب الواحد يختار موديل معين من وسط الاختيارات دى كلها بس لو عايشين مع ناس تانية لازم تتفقوا كلكم على الموديل اللى هتشتروه عشان الكل يكون مرتاح. أهم حاجة اختيارك يكون مناسب ليك و لشخصيتك فمثلا لو انت شخصية بتحب الألوان و عندك نشاط دايما يبقى الكنب الملون مناسب ليك ولو انت شخصية سعيدة و متفائلة دايما يبقى تركيب أكتر من لون مع بعض هيكون مناسب ليك جدا. و لو كنت من الشخصيات الهادية ومش بتحب تفاصيل كتير يبقى كنبة فيها خطوط بسيطة هتكون مناسبة ليك.

Kimstad turquoise

8. السعر

حدد ميزانية للمكان كله من حيث العفش وكل قطعة عايزها تتكلف اد ايه. لو الميزانية قليلة يبقى تجيب الضروريات والغرف الكبيرة الأول و تختار جودة عالية وبعد كده شوية بشوية ممكن تختار باقى العفش والقطع الأصغر و لو مش بتحب القطع الصغيرة يبقى حوش لحد ما تجمع فلوس تساعدك تجيب اللى أنت عايزه.

9. الاكسسوارات

بتفرق كتير أوى مع أى عفش و أى غرفة وهنا الاكسسوارات مقصود بيها المخدات و الحاجات اللى زى كده. فممكن تشترى كنبة سادة و تغير شكلها تماما بالمخدات الملونة و العكس. و لازم تاخدوا بالكم إن الكنبة تمشى مع باقى عفش الغرفة أو تختاروا الكنبة اللى عجباكم وبعدين تجمعوا باقى العفش اللى يليق عليها. و لأن الكنبة أهم جزء فى غرفة المعيشة ابتدوا بيها الأول. مش مهم النظام اللى هتمشى بيه مادام مريحك لكن المهم يكون فى نظام.

نصائح عامة

• اقطع ورقة كبيرة بنفس مقاسات الكنبة اللى قررتوا تشتروها وحطاها مكان الكنبة فى البيت و شوف لو هتناسب المكان ولا لأ.

• لو عايز جو مريح اختار كنبة تكون من نفس درجات ألوان الحيطة و الستاير و الأرض.

• لو حابب تشترى قماش منقوش لازم تكون عارف انه اختيار جرىء و قوى و ملفت.

• لو عايز تشترى جلد اللى الوانه ثابتة و معروفة زى (الأحمر والأسود والبيج والجملى والرمادى والبنى والأبيض) اعرف إنه مش بيبطل أبدا و إن الجلد الطبيعى بيعيش عمر.

• اتاكد إن الكنبة عميقة كفاية عشان تكون مريحة فى القعدة.

• لو الكنبة طولها قصير وقريبة من الأرض اتأكد إن فى اختيارات تانية أطول عشان الناس الكبيرة فى السن.

• لو عندك أطفال صغيرة أو حيوانات يبقى الجلد الطبيعى أسهل فى التنضيف و أحسنلك.

• ارتفاع الكنبة بيعتمد على الغرض منها و على ارتفاع سقف المكان.

دلوقتى الشراء أونلاين سهل الدنيا كتير و ممكن تختار العفش عن طريق موقعنا Yaoota.com و هيكون قدامك اختيارات كتير من المحلات اونلاين.

أشلى 

ايكيا

اريكا

جوميا