كتب: خالد عاصم
وانت في أي مول من المولات المنتشرة في القاهرة أو أي نادي أو مساحات مخصصة للرياضة هتلاحظ إن بقى فيه ملاعب جديدة شبه ملاعب التنس الأرضي ولكن ببعاد وتصميم فيه اختلافات، وأكيد وانت على النت أو بتتفرج على التلفزيون أو مع صحابك، هتكون سمعت عن حاجة اسمها البادل تنس أو Padel Tennis وهتعرف إن اللعبة الجديدة على مصر دي بقت منتشرة بشكل كبير لدرجة إنها بقت تريند وزي ما كنا بنجمع بعض عشان نحجز أرض ونلعب كورة بقى كتير منن يعمل كده مع رياضة البادل تنس اللي بقت من الأنشطة اللي كتير من المصريين بيقضوا وقتهم معاها، وده ليه ميزات كتير في ممارسة الرياضة وقضاء وقت الفراغ في حاجة مفيدة على كل المستويات.
بس على الرغم من إن رياضة البادل تنس جديدة علينا إلا إنها مش جديدة في المطلق، فالرياضة دي تم ابتكارها في مدينة أكابولكو في المكسيك سنة ١٩٦٩ على إيدي واحد اسمه إنريكي كوركويرا، ومن بداية اتبكارها انتشرت لعبة البادل تنس انتشار كبير جدًا في المكسيك وإسبانيا وإيطاليا وأندورا وكتير من دول أمريكا اللاتينية زي الأرجنتين، وحاليًا انتشرت في دول كتير حوالين العالم زي مصر والسعودية والكويت والإمارات وقطر وكتير من دول أوروبا وأسيا.
ونقدر نقول إن لعبة البادل تنس بتجمع ما بين التنس الأرضي والاسكواش، فملعب اللعبة دي بيكون بنفس تصميم ملعب التنس الأرضي بس بمساحة أصغر بحوالي ٢٥ في الميه، وكمان الملعب بيكون محاط بالزجاج اللي ممكن استخدامه داخل اللعب زي الاسكواش مع العلم أنه ممنوع لمسها للساج المعدني اللي بيكون موجود في الملعب برضه.
وبتعتمد البادل تنس في الأغلب على فرق زوجية يعني كل فريق بيكون مكون من فردني، ومن شروطها لعب الكورة في مستوى منخفض مايزيدش عن ارتفاع وسط اللاعبين، ومن الشروط كمان إن الكورة لازم ضرب الأرض الأول قبل ما تلمس أي حاجة تانية سواء اللاعب المنافس أو الحائط الزجاجي وكمان ممكن لعبها من خارج حدود الملعب، ولو انت ليك في التنس الأرضي أو الاسكواش هتلاحظ فعلًا إن اللعبة بتجمع ما بين اللعبتين، كأنك بتلعب سكواش بس على أرض زي التنس الأرضي، أما نظام النقاط في اللعبة فهو مطابق لنظام لتنس الأرضي بدون اختلاف.
وعشان تتعلم تلعب بادل فأنت محتاج لمجموعة من العناصر، أولها التدريب والممارسة إما بإنك تنضم لأي مدرسة أو مجموعة بتعلم اللعبة ودي منتشرة حاليًا في كل مصر، أو إنك تلعب كتير مع لاعبين محترفين أو اتعلموا قوانين اللعبة فعلًا، كمان لازم يكون عندك الأدوات والمستلزمات الخاصة باللعبة زي المضارب والكرات ومثلًا لو انت في البداية هتلاقي كرات مصممة للمبتدئين بتكون أنعم وأبطأ وكمان هتحتاج تشتري جذاء مناسب بيكون مانع للانزلاق خصوصًا إن ملاعب البادل تنس بتكون معمولة من العشب الصناعي.
وفي المقال ده هنعرفك على أهم أدوات رياضة البادل تنس من مضارب وكرات وغيرها من المستلزمات، وباختيار المناسب ليك هتقدر تبدأ تمارس اللعبة اللي بقت ترند قوي في مصر حاليًا.
وما تنسوش إن لو أي حاجة هنتكلم عنها في المقال عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
Read More…
