كتب: خالد عاصم

تربية الحيوانات مسؤولية كبيرة، وكتير مننا بيتعامل معاهم على أنهم جزء من البيت والعيلة بنهتم بأكلهم ورعايتهم وصحتهم وكمان لعبهم وترفيههم، وعشان احنا في ياقوطة عارفين أهمية الحيوانات الأليفة للي بيربوها، فجبنالكم في المقال ده مجموعة كبيرة من أبرز وأهم مستلزمات الحيوانات الأليفة المتوفرة على ياقوطة.

ولو المنتجات اللي هنتكلم عنها عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أبرز وأهم مستلزمات الحيوانات الأليفة

الطعام والأغذية

أكل القطط HappyCat Supreme Atlantik وزن ٤ كيلو جرام

أكل ألماني ممتاز للقطط الكبيرة أكبر من ١٢ شهر، مناسب لكل أنواع وفصائل القطط، وبيتميز بانه مكون من مجموعة كبيرة أوي من أنواع اللحوم والخضار المختلفين مع مجموعة من الأعشاب اللي بتخلي الوجبة الواحدة فيها بروتين وألياف ودهون وكالسيوم وكتير من الفيتامينات والمعادن اللي بتحتاجها القطط.

اتعرف على عروض أسعار أكل القطط HappyCat Supreme Atlantik من هنا.

أكل القطط Leonardo Dry Cat Food وزن ٢ كيلو جرام

من أنواع الأكل المميز لأنه مناسب للقط الصغيرة لحد سنة وكمان القطط الكبيرة، والأكل بيعتمد بشكل رئيسي على منتجات الدواجن المزوجة بنكهة محببة جدًا لقط وسهل جدًا في الهضم.

اتعرف على عروض أسعار أكل القطط Leonardo Dry Cat Food من هنا.

أكل الكلاب Fokker Fresh Meat وزن ١٣ كيلو جرام

الوجبة المثالية لكلبك لأنهها بتتكون من لحوم طازجة منها ٣٥ في الميه من الدواجن ومنها ٢٠ في الميه من الدواجن الطازجة ومفيهاش أي حبوب أو جلوتين ومضاف عليها بطاطا وخضروات وفاكهة وكمان زيت السلمون اللي يعتبر من المصادر الأساسية للاوميجا ٣ و٦، يعني وجبة مثالية ومتكاملة للكلاب أكبر من سنة.

اتعرف على عروض أسعار أكل الكلاب Fokker Fresh Meat من هنا.

أكل الكلاب الصغيرة Mera Exklusiv وزن ١٥ كيلو جرام

الأكل المثالي للكلاب من الأنواع الصغيرة والمتوسطة من أول بداية اكلهم ولحد نهاية فترة البلوغ يعني لحد ٥ شهور من ميلادهم، والأكل ده بيتكون من مجموعة ممتازة من المكونات اللي بتمثل مجموعة كبيرة من الفيتامينات والمعادن زي فيتامين سي والأوميجا ٣ و٦  والأحماض المعدنية المختلفة.

اتعرف على عروض أسعار أكل الكلاب الصغيرة Mera Exklusiv من هنا.

اتعرف على عروض أسعار مختلف أنواع أكل الحيوانات الأليفة من هنا.

المكافآت والتدريب

بسكويت الكلاب Mera Dog Good Snack

من أشهر أنواع البسكويت اللي ممكن تستخدمهم مع كلبك خلال التدريب أو كمكافأة، والنوع ده تحديدًا بيتكون من الرز ومن بقايا لحم الديك الرومي، يعني مش بس ريحته وطعمه جذابين لكلابك ده كمان طبيعي وبيقدملهم مكمل غذائي ممتاز بين الوجبات لو استخدمته بنفس المعايير والنسب اللي مكتوبة على العلبة.

اتعرف على عروض أسعار بسكويت الكلاب Mera Dog Good Snack من هنا.

كوكيز كبدة الدجاج بالجزر ثري سنوتس

التريتس المناسبة للقطط والكلاب من كل الأنواع والأعمار واللي هتخلي القطط والكلاب يتجاوبوا معاك خلال التدريبات بكفاءة ممتازة.

اتعرف على عروض أسعار كبدة الدجاج بالجزر ثري سنوتس من هنا.

العضم المعالج Chew Bone

بتقدم Chew Bone مجموعة متنوعة من العضم الصناعي المعلوك والمصنوع من أجود أنواع الألياف المليانة بالكالسيوم واللي بتساهم مش بس في تغذية كلبك لا كمان بتنضف السنان وتقلل من التسوس والميزة إن كل ده من مواد طبيعية.

اتعرف على عروض أسعار العضم المعالج Chew Bone من هنا.

مستلزمات التدريب والعناية والصحة واللعب

أقراص برافيران لعلاج الديدان للقطط والكلاب

من العلاجات المهمة جدًا والعناصر الأساسية في مستلزمات الحيوانات الأليفة أقراص برافيران بتيجي على هيئة شريط مكون من ١٠ أقراص وهي العلاج الرئيسي للقضاء على الديدان في القطط والكلاب.

اتعرف على عروض أسعار أقراص برافيران لعلاج الديدان من هنا.

أغطية الكنب للحيوانات الأليفة

معروف لكل اللي بيربوا حيوانات أليفة في البيت إن من أول ضحايا الكلاب والقطط هو الكنب اللي بيحبوا دايمًا يطلعوا يناموا عليه وده ممكن يوسخ الكنب ويملاه شعر، فلو مش عارف تمنع حيواناتك يطلعوا على الكنب هاتلهم الغطاء ده لحماية الكنب من شعرهم.

اتعرف على عروض أسعار أغطية الكنب للحيوانات الأليفة من هنا.

فرشاة التنضيف والعناية بالشعر للكلاب والقطط

 فرشاة ممتزة ومثالية للاستخدام مع الكلاب والقطط فمن خلالها وبفضل شعرها المصمم بذكاء هتقدر تشيل كل الشعر من جسم الحيوان من قبل ما يبتدي يقع على الأرض أو الفرض، والفرشاة مناسبة لكل الأعمار والأنواع.

اتعرف على عروض أسعار فرشاة التنضيف والعناية بالشعر من هنا.

كليكر للتدريب

الكليكر من مستلزمات الحيوانات المهمة جدًا للتدريب فمن خلالها هتقدر تربط الأمر اللي بتديه لكلبك بصوت معين قبل ما ياخد المكافأة بتاعته وده هيساعده على التركيز والتدريب السريع.

اتعرف على عروض أسعار كليكر التدريب من هنا.

لعبة للعض وتوزيع المكافأت

من أحلى الألعاب اللي ممكن تستخدمها مع كلبك وده لإنك بتقدر تحط فيها التريتس والبسكوت الصغير فالكلب بيبدأ يحاول يخرج منها التريتس ود بيخليه يتسلى ويقضي وقت من غير زهق وكمان بتنمي إمكانياته وذكاءه.

اعرف على عروض أسعار لعبة توزيع المكافآت من هنا.

لعبة للعض على شكل عضمة

من الألعاب المهمة جدًا لانها بتساعد على تنضيف سنان الكلب وبتقويها وكمان بتشغله لوقت طويل لأنها قوية ومش سهل تتقطع حتى مع الكلاب الكبيرة.

اتعرف على عروض أسعار لعبة العض على شكل عضمة من هنا.

جوانتي الحموم والتنضيف

صديقك المثالي لما تيجي تنضف أو تحمي كلبك أو قطتك لأنه مصنوع بتصميم هيخليك تقدر توصل بسهولة لأدق المناطق في جسم الحيوان من غير أي صعوبات وكمان ناعم جدًا على جسمهم ده غير إنه بيخليك تتعامل كأنك بإيدك مش ماسك أداة معينة.

اتعرف على عروض أسعار جوانتي الحموم والتنضيف من هنا.

اتعرف على عروض أسعار مختلف مستلزمات الحيوانات الأليفة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.