دليل ياقوطة لشراء أحسن خلاط مياه
كتبت: منى عوض
خلاط المياه أو الحنفية عنصر أساسي ومهم جدًا في أي حمام في العالم يعني المسمى اختلف والأهمية واحدة، ولكن مؤخرًا انتشار وتنوع الشركات إللي بتنتج الحنفيات دي واختلاف أسعارها بقى شيء مرهق.
ولإننا في ياقوطة بنهتم براحتك هنقدملك في المقال مجموعة نصايح مهم تخليها في بالك وانت بتشتري خلاط المياه، وهنقدملك كمان مجموعة مختلفة وأنيقة من الخلاطات دي تقدر تعرف أشكالها وأسعارها المختلفة من خلالنا، ولو عجبك منتج منهم وعاوز تشتريه تعرف تطلبه وهيوصل لغاية عندك من خلال ياقوطة.
مميزات وعيوب موبايل Samsung Galaxy J4
كتب: خالد عاصم
كتير من المستخدمين اللي بيستهدفوا الموبايلات الاقتصادية عندهم مشكلة مع Samsung وبيتهموها إنها مش بتهتم بالموبايلات الاقتصادية أو الرخيصة لصالح اهتمامها بالموبايلات اللي بتنتمي للفئات فوق المتوسطة والرائدة، والاتهام ده زي ما ليه وجاهته وأصحابه عندهم أدلة عليه بس منقدرش نقول إنه صح بنسبة مية في المية، فالواقع بيقول إن اهتمام Samsung بالموبايلات الاقتصادية ممكن يكون أقل وده ليه أسبابه اللي هنتكلم عنها بعدين، بس ده مش معناه إن العملاق الكوري معندوش موبايلات جديدة في الفئة دي زي موبايل Samsung Galaxy J4 اللي بيعتبر واحد من أرخص موبايلات Samsung الجديدة في السوق المصري.
ليه Samsung مابتهتمش قوي بالفئة دي من الموبايلات؟ الحقيقة إن Samsung بتهتم بالفئات دي بس مش بالقدر الكافي، والسبب الرئيسي مش في الشركة نفسها، السبب في الشركات الصينية الممتازة اللي ظهرت في الفترة الأخيرة وقدرت إنها تستحوذ على الفئة دي والفئات الأعلى وكمان تنافس على الفئات الرائدة، ولأن الموبايلات الصينية أرخص وبتقدم مواصفات ممكن تكون أحسن ولأن Samsung ماتقدرش تخفض من أسعار موبايلاتها قوي لعدة اعتبارات زي تكلفة التصنيع ومكانة الشركة وطبعًا خدمة ما بعد البيع اللي تقريبًا أحسن من أي منافس، بدأ اهتمام الشركة الكورية بالفئة دي من الموبايلات يقل خصوصًا إنها قادرة تفرض سيطرتها على الفئات التانية لحد دلوقتي وأبرزها طبعا الفئة الرائدة وفوق المتوسطة، بس ده مايمنعش زي ما قلنا قبل كده إن ما بين كل وقت والتاني بتطرح Samsung موبايلات جديدة في الفئة دي، زي موبايل Samsung Galaxy J4 اللي هنتكلم عنه النهارده.
صحيح ممكن يكون سعر موبايل Samsung Galaxy J4 أعلى من موبايلات تانية بنفس المستوى وبنفس سعر موبايلات تانية بمواصفات أحسن شوية، إلا أن الفرق ده يكمن في كلمة Samsung نفسها اللي معناها إنك بتشتري موبايل صناعته محكمة مهما كانت فئته وكمان بيقدم خدمة ما بعد البيع ممتازة. النهارده هنتكلم عن موبايل Samsung Galaxy J4 وهنتعرف من خلال المقال ده عن مواصفاته ومميزاته وعيوبه وكمان هنعرف متوسط أسعاره في السوق المصري، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.
حافظ على صحتك مع ياقوطة
كتبت: منى عوض
الصحة من أهم النعم اللي ربنا أنعم علينا بيها علينا ومهم جدًا نحافظ عليها بطرق كتير منها، تناول أطعمة صحية، ولعب الرياضة بشكل منتظم، والمشي، وحاجات تانية كتير.
ولإننا في ياقوطة بيهمنا دايمًا صحتك قررنا أننا نساعدك ونقولك في المقال ده إزاي تقدر تحافظ عليها، وإيه هي الخطوات اللي لازم تعملها عشان يفضل جسمك صحي وسليم.
TOSHIBA Washing Machine Top Automatic 10KG Review
By Amina Azmi & Heidi Soliman
Toshiba is one of the most trusted companies in the market by many users, and its products are diverse and used in many households. When it comes to washing machines, we will find that the company offers many products that meet the needs of most users.
One of these leading washing machines, is the AWE-9790SUP (DS) top loading automatic with a capacity of 10 kilos. It suits many families and households. It’s equipped with a water pump and has two entrances one for cold and one for hot water, for the hot water it needs to get connected to a heater. Also, the washing machine has many other great features that we will talk about in this article.
Yaoota will review the specifications, pros and cons of the Toshiba 10-kilo-dark automatic washing machine with an AWE-9790SUP (DS) pump, with Yaoota’s link provided you can compare prices, and pick the one that best suits your budget. When you finally settle on wanting to buy it, simply click on the link provided, place your order to have it delivered to your doorstep in the fastest time possible.
إزاي تختار واقي الشاشة الزجاجي المناسب لموبايلك
كتبت: منى عوض
شاشات الموبايلات واحدة من أهم الحاجات اللي دايمًا بنهتم بيها واحنا بنشتري الموبايل وكمان هي أكتر جزء حساس في الموبايل وبتحتاج مبلغ كبير عشان تتغير لو اتعرضت لأي خدش أو كسر أو أي ضرر عمومًا. عشان كده مهم نحافظ عليها من خلال إضافة واقي شاشة زجاجي عليها أو اسكرينة زي ما هي مشهورة وسط الناس.
وفيه حاجة مهمة كمان لازم تعرفها وهي أن لو حتى شاشة الموبايل محمية بأي طبقىة حماية إضافية زي Gorilla Glass مثلاً هتحتاج برضه إنك تضيف عليها واقي شاشة عشان تبقى في الأمان.
وعشان ياقوطة بتحب تغطي كل الجوانب اللي بيهتم بيها متابعينها قررنا إننا نوضحلكم في مقال النهاردة أنواع واقيات الشاشة وأزاي اختيار واقي الشاشة الزجاجي المناسب للموبايل وكمان طريقة تركيبه على الموبايل بكل سهولة وأمان.
مراجعة مواصفات وأسعار سمارت كيتشن ماشين
كتبت: أمنية عزمي
لو إنت من هواة المعجنات والمخبوزات والحلويات والابتكارات الجديدة يبقى محتاج تفكر في عجانة قوية وكبيرة تساعدك على التحضير في وقت قليل وتكون خيارك الأمثل اللي يوفرلك الوقت والمجهود. خاصة في المعجنات الصلبة زي البيتزا، والعيش اللي بتحتاج وعاء كبير وموتور قوي. وكمان تحضير الحلويات والكريمات اللي محتاج مضرب سريع يساعدك على نجاح الصنف اللي بتعمله. كل ده مع خامات تصنيع جيدة في جهاز مميز زي الكيتشن ماشين اللي بتقدمه سمارت، بتقدم عجانة بنفس المواصفات اللي محتاجينها. تعالوا مع ياقوطة نشرح بشكل مفصل مواصفات ومميزات وعيوب سمارت كيتشن ماشين SM037 علشان لو لقيت فيه المميزات اللي بتدور عليها وعجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.
الاختيار الصعب: FIFA 2019 ولا PES 2019
كتب: خالد عاصم
على الرغم من إن اللعبتين الأبرز FIFA وPES بدأوا في وقت مش بعيد عن بعض وعلى الرغم من إن لكل واحدة منهم جمهور وعشاق ومتحمسين، إلا إنه لحد كم سنة فاتت كانت المقارنة شبه محسومة، فرغم إن PES بتطور بشكل كبير إلا إن دايمًا كانت FIFA بتكسب الرهان ودايمًا كانت سابقة بخطوة عن منافستها وده اللي كان بيخلي اللعبة هي الأكتر شهرة وشعبية في العالم، وبقت جملة (تعالى نلعب فيفا) هي السايدة سواء كانت اللعبة هي FIFA فعلاً أو كانت PES.
خلال الكام سنة اللي فاتوا اختلفت الأمور شوية في المنافسة بين FIFA وPES، لأن ده الوقت اللي قدرت فيه Konami المطورة للعبة PES إنها تقفز لخطوات كبيرة جدا خلتها تمشي تقريبًا خطوة بخطوة مع لعبة FIFA ومن هنا قدرت PES إنها تكون قاعدة جماهيرية كبيرة ماتقلش عن القاعدة الجماهيرية اللي قدرت FIFA تحققها على مدى وجودها من أواخر التسعينيات، وده اللي خلى السؤال القديم يرجع يتردد بقوة أكتر من أي وقت فات: إيه الأحسن FIFA ولا PES.
خلال النص التاني من سنة ٢٠١٩ ظهرت لعبة FIFA 19 ولعبة PES 2019 ورجعت الناس تسأل تاني، إيه الأحسن وإيه اللعبة اللي تستحق إننا نشتريها؟ الحقيقة إن اللعبتين في المجمل ممتازين وبيقدموا تطور كبير جدًا في العموم للعبة كرة القدم الأكتر شعبية في العالم سواء في نسختها الفعلية أو في نسختها في ألعاب الفيديو، بس أي لعبة فيهم أحسن فعلًا، وهل تقدر FIFA 19 إنها تقنع عشاق PES إنهم ينضموا لفريقها، ولا هتقدر PES 2019 إنها تخلي عشاق FIFA يتخلوا عن لعب وضع Ultimate Team ويتخلوا عن فكرة إن FIFA هي اللي بتمتلك ترخيص كل الأندية والمنتخبات؟
في المقال ده ومن خلال اختبارنا وتجربتنا للعبة FIFA 19 ولعبة PES 2019 ومراجعتنا لكل تفاصيل اللعبتين هنجاوب على سؤال أي لعبة فيهم أحسن وتستحق إنك تشتريها السنة دي. وبنفكركم إن اللعبتين متوفرين على ياقوطة وتقدروا تطلبوها من خلال الموقع وهتوصلكم لحد باب البيت أو مكان ما تحبوا بأسرع وقت ممكن.
أهم ألعاب البلاي ستيشن على ياقوطة
كتب: خالد عاصم
لو لسه شاري بلاي ستيشن جديد يبقى انت اتفتحلك عالم جديد وكبير من المتعة والترفيه اللي أكيد هياخد كتير من وقتك الفترة اللي جاية. وعلى الرغم من إن بلاي ستيشن PlayStation 4 بقاله دلوقتي خمس سنين في السوق إلا إنه لسه جديد ولسه قادر إنه يقدم متعة ألعاب الفيديو اللي بيستناها كل عشاق النوع ده من الترفيه، ووجوده في الأسواق لمدة خمس سنين مش معناها إنه بقى قديم على قد ما معناها إن إحنا مر علينا خمس سنين بنشوف فيها ألعاب بلاي ستيشن ممتازة كل يوم بتتطور أكتر وبتقدم أبعاد جديدة في عالم ألعاب الفيديو سواء على مستوى القصة أو طبيعة اللعب أو الجرافيكس اللي كل يوم بتتطور فيه عن التاني.
ومن بين عشرات عناوين ألعاب بلاي ستيشن اللي موجودة في العالم واللي بيمارسها عشاق الألعاب كل يوم، اخترنا لكم أهم العناوين وأكترها شعبية واللي بتنتمي لمختلف فئات الألعاب اللي بتتنوع ما بين الرياضة الإلكترونية وألعاب الأكشن وألعاب الإثارة وغيرها من الألعاب الممتازة، واختيارنا ده كان نتيجة لعنصرين مهمين من خلالهم قدرنا نحدد اختياراتنا، العنصر الأول هو رأي خبراء الألعاب المتخصصين اللي حددوا ألعاب بلاي ستيشن الأفضل من حيث الجرافيكس والقصة وأسلوب اللعب، أما العنصر التاني فهو اختيارات اللاعبين نفسهم اللي لما سألناهم عن أحسن ألعاب بلاي ستيشن اللي بيفضلوها، مختلفتش اختياراتهم عن الاختيارات اللي حددها الخبرا نفسهم واللي هنتكلم عنها النهارده.
فمن خلال المقال ده هنتعرف مع بعض عن أحسن ألعاب بلاي ستيشن اللي تقدر تلعبها النهارده على جهازك وتقضي بيها وقت ممتع بأبعاد جديدة في عالم ألعاب الفيديو. وطبعًا لو أي لعبة من ألعاب بلاي ستيشن اللي هنتكلم عنها خلال المقال عجبتك هتقدر تطلبها فورًا من خلالنا في ياقوطة وهتوصلك لحد باب البيت أو مكان ما تحب بأسرع وقت ممكن.
مميزات وعيوب محضر الطعام كاسيل- كيتشن ماشين – ٣٧ عملية
كتبت: أمنية عزمي
لما بنحب نشتري أجهزة أول حاجة بنعملها إننا ندور على المواصفات اللي محتاجينها ونشوف الموجود في السوق ونسأل عنه علشان نوصل لأحسن نوع بالنسبة لنا. ومش لازم أحسن نوع يكون غالي في تمنه لأ ممكن يكون بتتوفر فيه الإمكانيات اللي عايزينها وبسعر مناسب. ويكون فيه المميزات اللي تفي باحتياجنا ومش ضروري يكون فيه مواصفات إضافية مش بنستخدمها. الكيتشن ماشين عبارة عن جهاز واحد لكن بيأدي وظايف كتيرة، فيه خلاط وعجانة، بتقدر تعمل فيه عصاير وكيكات وتفرم فيه لحوم وتقطع الخضار بأشكال مختلفة سواء تقطيع قطع أو تزود تشغيله أكتر لحد الفرم أو شرايح، بتقدر كمان تعمل فيه مخبوزات زي البيتزا، تقدر كمان تكسر فيه التلج وتعمل عصاير سموزي وابتكارات كتير بترجع لمقدرة وتفانين كل واحد في المطبخ.
هنتكلم في المراجعة دي مع ياقوطة عن محضر الطعام كاسيل- كيتشن ماشين – 37 عملية وهنشرح أهم مواصفاته ومميزاته ونتعرف كمان على عيوبه علشان تاخد فكرة كاملة عنه، لو عجبك وحبيت تشتريه هتلاقي عندنا أحسن الأسعار ليه وتقدر تقارن بينهم بنفسك وتقدر كمان تطلبه من خلالنا ويوصلك في أسرع وقت.
لهواة القراءة: أيهما أفضل التابلت ولا الكيندل؟
كتبت: منى عوض
عشاق ومحبي القراءة بتدور بينهم خلافات كتيرة عن أفضلية التابلت للقراءة ولا الكنيدل.
ورغم إن الكيندل جهاز مخصص للقراءة وبيدي تجربة قراءة ممتازة وفعلًا صعب إنها تتقارن بالتابلت لإنه بيعتمد على شاشة اسمها E-Paper، لكن على الجانب التاني التابلت بيدي تجربة قراءة مش وحشة ده كمان غير إنه مميز بقدرة المستخدم على الاعتماد عليه في إجراء مكاملات وممارسة ألعاب مختلفة. ودي بتخلي المنافسة بينهم كبيرة وفي المقال ده هنتعرف سوا على أهم النقط اللي بتميز كل جهاز منهم عن التاني والاختيار في النهاية ليك زائر ياقوطة المميز.
Recent Comments