المقارنة الكاملة بين التكييف الاسبليت والتكييف الشباك ومميزاتهم وعيوبهم
كتب: خالد عاصم
لحد النهارده ناس كتير بتحتار بين التكييف الاسلبيت والتكييف الشباك، وعلى الرغم من أن الأغلبية حاليًا بتفضل شرا التكييف الاسبليت وده لعدد كبير من الأسباب زي شكله المودرن الملائم لديكور البيت ولتوفيره في الطاقة وغيرها من الأسباب، إلا أن لسا برضه فيه مستخدمين بيفضلوا التكييف الشباك وليهم أسبابهم في اختيارهم ده.
من فكرة الأسباب المختلفة اللي بتخلي مستهلكين يختاروا التكييف الاسبليت ومستهلكين تانيين يحتاروا التكييف الشباك، بيتضح لينا إن الاختيار بالفعل متوقف على احتياجاتك وكمان على الميزانية اللي انت محددها عشان تشتري التكييف، وعشان تقدر تطبق احتياجاتك دي على الواقع الفعلي وتختار التكييف الأنسب، لازم تعرف الفوارق المختلفة بين النوعين وده اللي هنساعدك تعرفه النهاردة.
من خلال مقال النهاردة هندخل عالم أجهزة التكييف بتفاصيل أكتر من خلال مقارنتنا بين التكييف الاسبليت والتكييف الشباك وهنتعرف على أبرز أنواعهم المتوفرة على ياقوطة، ولو عجبكم أي تكييف من التكييفات اللي هنتكلم عنها خلال المقال هتقدروا تطلبوها من خلالنا في ياقوطة وهتوصلكم لحد باب البيت أو مكان ما تحبوا بأسرع وقت ممكن.
أفضل أنواع التكييفات الـ ١٫٥ حصان المتاحة على ياقوطة
كتب: خالد عاصم
الصيف السنة دي هيدخل بكل قوته، وده واضح من جدًا من دلوقتي، واحنا بنعيش بروفة بس لفصل الصيف واحنا لسه في فصل الربيع من خلال الموجات الحارة اللي بتدبأ ورا بعدها وبتدينا دليل واضح على إن الصيف السنة مش هيكون سهل، وده طبعًا بيخلينا من دلوقتي نفكر في كيفية استعدادنا للصيف وده بيشمل حاجات كتير، زي مثلا هنصيف فين ودولابنا فيه هدوم تكفي الصيف الجاي ولا محتاجين نزولة شوبنج عشان نتصرف، وكمان إزاي هنقدر نتعامل مع الصيف واحنا في بيوتنا أو في شركاتنا لو حد مننا صاحب شركة صغيرة أو مكتب، وده معناه إن ده الوقت اللي لازم نفكر فيه في شرا تكييف جديد أو تغيير التكييف اللي عندنا لو حالته مابقتش قد كده.
ولأن أسعار التكييف بتعلى جدًا خلال فصل الصيف نفسه وده لسبب واضح وهو إن ده الموسم الرئيسي للتكييف والضغط عليه بيكون كبير، يبقى أنسب وقت تقدر تشتري فيه تكييف جديد هو دلوقتي وقبل دخول الصيف بجد وقبل ما أسعار التكييفات تغلى قوي وده مش قدامه وقت طويل على ما يحصل، وعشان كده النهارده هنتكلم عن التكييفات وتحديدًا تكييف ١٫٥ حصان لأن دي قدرة التكييفات المناسبة لأوض النوم متوسطة المساحة ولليفنج وكمان نقدر نحطها في مكاتب شركاتنا عشان نوفر البيئة المناسبة للموظفين، وكمان ولسبب مهم إنها تعتبر الأقل في الفئة السعرية وده بيخلي الإقبال عليها كبير، وده بينطبق على اختبارنا لفئة سبليت تحديدًا اللي بتعتبر دلوقتي الأوسع انتشار.
في المقال ده هنتكلم عن أفضل أنواع تكييف ١٫٥ حصان سبليت المتوفرة في السوق المصري وهنقارن بين التكييفات دي اللي اخترناها بناءً على عوامل الضمان والجودة واستهلاك الكهرباء، ولو أي تكييف من التكييفات اللي هنتكلم عنها خلال المقال عجبتك، هتقدر تطلبها من خلالنا في ياقوطة وهتوصلك لحد باب البيت أو مكان ماتحب بأسرع وقت ممكن.
أكتر ٥ تكييفات شهرة على ياقوطة
كتبت: ميّ نور
بما إننا خلاص على مشارف الربيع والصيف، وأكيد هنحتاج لحاجة تلطف الجو الصعب اللي هنمر بيه، جيبنالكم النهارده مميزات وعيوب أكتر أجهزة تكييف شهرة على ياقوطة، ولو عجبك أي جهاز وعاوز تشتريه، تقدر من خلالنا تعرف أحسن الأسعار ليه وتقارن بينهم وتطلبه كمان، وهيوصل لغاية عندك في أسرع وقت.
Recent Comments