كتب: خالد عاصم

على الرغم من إن الصيف بدأ إلا إننا برضه مانقدرش نستغنى عن المياه الساخنة أو على الأقل الفاترة واحنا بنستحمى، ده غير إن أسعار السخانات في الصيف بتكون أقل بكتير من بداية الشتاء. وعشان تشتري سخان غاز يعيش معاك كتير ويعملك كل اللي انت عايزه، لازم تعرف الأول انت ينابك سخان غاز ولا كهرباء، ولو سخان غاز فإيه السعة المناسبة ليك وإيه الموديل المناسب، ومن بين الموديلات الموجودة في السوق المصري سخان غاز يونيون اير i-Heat سعة ٦ لتر اللي هنتعرف عليه النهاردة بعد ما نتعرف على طبيعة سخانات الغاز وبتشتغل إزاي عشان تعرف هتناسبك ولا لا.

ولو أي سخان عجبك هتقدر تطلبه من خلالنا في ياقوطة وهيوصلك لحد باب البيت وكمان تقدر تشتري المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

سخان غاز يونيون اير i-Heat سعة ٦ لتر

سخان الغاز بيعتمدعلى الغاز كوقود بيقدر من خلاله يسخن المياه، وده بيحصل من خلال استغلال الغاز ده في إشعال شعلات بعدد معين، والشعلات دي بتمر عليها أنابيب نحاسية عشان تكون موصلة قوية للحرارة، والأنابيب دي بتمر فيها المياه، وبمجرد مرور الأنبوبة على الشعلات بيتم تسخين المياه بشكل فوري، وطبعًا تقدر تتحكم في مستوى درجة الحرارة من خلال التحكم في نسبة الغاز وبالتالي التحكم في قوة الشعلة.

والنوع ده من السخانات مابيكونش فيه خزان للمياه زي سخان الكهرباء العادي. بس طالما السخان مفيهوش خزان، إيه موضوع السعة اللي بتكون مكتوبة على السخان دي؟

في حالة سخان غاز يونيون اير i-Heat اللي بنتكلم عنه النهاردة فالسعة بتاعته ٦ لتر ودي مش سعة خزان، السعة هنا معناها كمية المياه اللي بيقوم السخان بتسخينها، يعني سعة ٦ لتر مثلًا ده بيقدر يسخن ٦ لتر في الدقيقة الواحدة ودي ماتعتبرش كمية كبيرة يعني بس كونه بيعتمد على الطريقة دي من التسخين ده معناه إنه مسخن فوري للمياه، يعني بمجرد ما هتشغله بمجرد ما المياه هتسخن في خلال ثواني معدودة ودي ميزة أساسية من مميزاته.

وسخان غاز يونيون اير i-Heat سعة ٦ لتر ممكن مايكونش بقدرة تسخين مياه كبيرة في الدقيقة الواحدة بس هتكون كافية في حالة استخدامه في البيوت اللي عدد الناس فيها متوسط مش كبير، بس ميزة إن السخان صغير من حيث السعة فده معناه إنه مش بيحتاج لمدخنة وده معناه إنك مش محتاج لأي فتحات إضافية في الحيطة عشان يطلع منها الخزان وكفاية بس يكون في فتحة تهوية واحدة صغيرة للأمان.

السحان شكله شيك جدًا وفيه عناصر أمان ممتازة، وبيعتمد السخان على الإشعال الذاتي يعني مش هتحتاج لاستخدام ولاعات ولا عيدان كبريت، وكمان السخان ديجيتال يعني هتلاقي درجة حرارة المياه واضحة ادامك على الشاشة في كل وقت، وبيتم التحكم في قوة الغاز وتدفق المياه من خلال أقراص تحكم قوية ومعمولة من مواد عالية الجودة.

السخان من عيوبه زي ما قلنا إن سعته مش كبيرة أوي، وكمان سعره ممكن يكون عالي شوية ويمكن عشان لسا السخانات متأثرتش بموجة انخفاض الأسعار الأخيرة.

اتعرف على عروض أسعار سخان غاز يونيون اير i-Heat سعة ٦ لتر من هنا.

اتعرف على عروض أسعار مختلف منتجات يونيون اير على ياقوطة من هنا.

اتعرف على عروض أسعار مختلف السخانات المتوفرة على ياقوطة من هنا.

اتعرف على عروض أسعار مختلف الأجهزة المنزلية المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.