كتبت: منى عوض

شاشات الموبايلات واحدة من أهم الحاجات اللي دايمًا بنهتم بيها واحنا بنشتري الموبايل وكمان هي أكتر جزء حساس في الموبايل وبتحتاج مبلغ كبير عشان تتغير لو اتعرضت لأي خدش أو كسر أو أي ضرر عمومًا. عشان كده مهم نحافظ عليها من خلال إضافة واقي شاشة زجاجي عليها أو اسكرينة زي ما هي مشهورة وسط الناس.   

وفيه حاجة مهمة كمان لازم تعرفها وهي أن لو حتى شاشة الموبايل محمية بأي طبقىة حماية إضافية زي Gorilla Glass مثلاً هتحتاج برضه إنك تضيف عليها واقي شاشة عشان تبقى في الأمان.

وعشان ياقوطة بتحب تغطي كل الجوانب اللي بيهتم بيها متابعينها قررنا إننا نوضحلكم في مقال النهاردة أنواع واقيات الشاشة وأزاي اختيار واقي الشاشة الزجاجي المناسب للموبايل وكمان طريقة تركيبه على الموبايل بكل سهولة وأمان.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

أهم أنواع واقي الشاشة الزجاجي

1- واقي الشاشة الزجاجي

واقي الشاشة الزجاجية بيقدر يوفر حماية أكبر لشاشة الموبايل ضد الصدمات، ولكنها سهلة الكسر لو تم إزالتها من على شاشة الموبايل بطريقة خاطئة ولو الموبايل وقع على وشه ممكن تتكسر بدلاً من شاشة الموبايل يعني من الآخر هي بتقدر تحمي شاشة الموبايل تمامًا، وكمان استبدالها بيكون أقل تكلفة بكتير جدًا من استبدال شاشة الموبايل.

المشكلة الكبيرة اللي بتبقي موجودة في النوع ده من الاسكرينات إن سمكها بيبقى كبير شوية وبيكون مظهرها واضح على شاشة الموبايل مقارنة بباقي أنواع الأسكرينات. كمان فيه أنواع منهم بتعمل تقليل من إحساس شاشة الموبايل بإيد المستخدم وبالتالي بيكون فيه بطء ملموس في استجابة الموبايل.

ومن المهم جدًا عند اختيار اسكرينة زجاجية اختيار نوع موثوق منه عشان ما يأثرش على سرعة استجابة الشاشة أو حساسية على التاتش بتاعها وكمان عشان تحس وأنت بتستخدمها براحة وكأنك بتستخدم الشاشة الأصلية بتاعة الموبايل.

2- واقي الشاشة البلاستيك

النوع ده من الاسكرينات بيُعتبر الأكثر شيوعًا في الاستخدام لأنها بتحمي الموبايل بفعالية ولكنها صعبة شوية في تركيبها وبتحتاج حد شاطر.

3- واقي الشاشة الجيلاتين

الاسكرينة الجيلاتين دي اسكرينة خفيف بتحمي شاشة الموبايل من الخدوش والصدمات ولكنها مش عملية على الإطلاق لأنها مصنوعة من البلاستيك الخفيف وبالتالي ممكن تتكسر أو تأثر على الشاشة.

وخلينا نوضح كمان إن الميزة الوحيدة في الشاشة دي أنها بتقعد مدة أطول مقارنة بالاسكرينات المصنوعة من الزجاج. كمان مشكلتها إن بيظهر فيها لون مختلف مكان إيد المستخدم ما بتلمس جزء من الشاشة بشكل مستمر.

4- واقي الشاشة الزجاجي مع تقنية النانو

النوع ده من الاسكرينات قوي جدًا وبيقدر يحافظ على شاشة الموبايل بفعالية كبيرة من التعرض لأي كسر أو خدش أو أي ضرر محتمل، حتى لو خبطت على الشاشة بأداة حادة شوية. ده بجانب أنها مش بتأثر على الإطلاق على حساسية التاتش وهتحس وكأنك مش حاطط أي حاجة على شاشة الموبايل.

5- واقي الشاشة الـ 5D

الاسكرينة دي مصنوعة من البلاستيك القوي لتوفير حماية قوية للشاشة من الصدمات والخدوش، ولكنها بتحتاج تنظيف كل شوية لأنها جاذبة لبصمات الأصابع بشكل كبير.

6- سائل النانو لحماية الشاشة

سائل النانو عبارة عن سائل بيعمل طبقة على الشاشة لحمايتها من الخربشة ولكنه مش بيحميها من الصدمات وكمان المادة دي مش بتفضل كتير يعني ممكن حوالي 40 يوم ويختفي أثرها من على الشاشة ده غير أنها غالية جدًا على فكرة تغيرها أو تجديدها كل شهر. ومن مشاكلها اللي بعض المستخدمين اتكلموا عنها إنها بتضعف من قوة تحمل الشاشة الفعلية وأي خبطة في الشاشة بتتنقل ليها بشكل قوي وسريع وده ممكن يكون سبب لشرخها أصلًا.

طريقة اختيار واقي الشاشة المناسب

عادة اختيار النوع الأنسب من الاسكرينات بيتوقف على نوع الموبايل ونوع الشاشة وما إذا كان عليها طبقة حماية إضافية في الأصل، ونوع طبقة الحماية دي أو لأ. وكمان طريقة الحفاظ على الموبايل وطريقة استخدامه، يعني لو كنت بتستخدم الموبايل بعناية فائقة والموبايل عليه طبقة حماية في الأصل ممكن تستخدم الواقيات الزجاجية ولكن لو كان استخدامك تقيل أو الشاشة مش عليها طبقة حماية إضافية ممكن تلجأ لاستخدام الاسكرينات الزجاج أو اسكرينات النانو لأن قرار اختيار واقي الشاشة في الحالة دي لازم يكون قرار حكيم وناجح.

طريقة تركيب واقي الشاشة على الموبايل

• لازم في الأول أنك تنظف شاشة الموبايل كويس جدًا من أي تراب أو بقع عليها بقطعة قماش شبه اللي بتستخدم في تنظيف عدسات النظارات أو من خلال استخدام المنديل اللي بييجي مع الاسكرينة في العلبة.
• إزالة الاسكرينة عن الجزء اللي هي موجودة عليه بس لازم تاخد بالك إن صوابعك متلمسهاش عشان ماتسيبش عليها أي بصمات، وتبقى نظيفة لما تلزقها على شاشة الموبايل.
• حاول بقدر الإمكان إنك تلزق الاسكرينة على الشاشة بداية من الأطراف بعد محاذاتها وظبطها على أطراف الشاشة وتركبها بعناية وبهدوء تام.
• امشي بالمنديل اللي بيجي مع الاسكرينة أو قطعة قماش ناعمة ونظيفة على الاسكرينة من فوق بعد ما تكون لزقتها عشان لو فيه أي فقاعات صغيرة موجودة على الشاشة أثرها يزول.

لازم تكون عارف إن واقي الشاشة مصنوع للاستخدام مرة واحدة بس يعني مش هينفع تشيله من على الشاشة وتبقى متوقع إنه هينفع تستخدمه مرة تانية.

أكثر اسكرينات الموبايل شهرة على ياقوطة

اسكرينة 5D للـ iphone 8

الاسكرينة دي مناسبة لهواتف الأيفون 8 وبتقدر تحمي الشاشة من الخدوش والكسر بشكل فعال، ولكنها بتحتاج تتنظف كل شوية من آثار بصمات الأصابع اللي بتبقي موجودة عليها.

ممكن تشوف اسكرينة 5D للأيفون 8 من هنا.

اسكرينة أدبو لموبايل Sony Xperia Z2

الاسكرينة دي زجاجية مع تقنية النانو لحماية الشاشة بشكل كبير من الكسر والخدش وكمان من السهل تنظيفها ده بجانب أنها مش بتأثر على الإطلاق على تقنية اللمس.

ممكن تشوف اسكرينة أدبو لموبايل سوني أكسبريا زد 2 من هنا.

اسكرينة أدبو لشاومي ريدمي نوت 4

الاسكرينة دي زجاجية وبتقدر توفر حماية كويسة للموبايل وهي بتكون مخصصة لشاشات هاتف شاومي ريدمي نوت 4.

ممكن تشوف اسكرينة لشاومي ريدمي نوت 4 من هنا.

ممكن تختار واقي الشاشة الزجاجي المناسب ليك ولموبايلك من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.