اتعرف على أبرز تخفيضات الموبايلات في أسبوع جوميا للموبايلات
كتب: خالد عاصم
مواسم تخفيضات الموبايلات هي الوقت الأنسب اللي تقدر فيه تشتري موبايل جديد وتوفر مبلغ مش قليل، ولحسن الحظ مواسم تخفيضات الموبايلات في السوق المصرية كتيرة ومن بينها وأبرزها تحفيضات أسبوع جوميا للموبايل اللي بيبدأ في الفترة بين ١٤ لحد ٢١ أبريل، واللي المقال ده هيتكلم عنه بالتحديد.
دلوقتي تقدر تختار الموبايل اللي نفسك فيه من خلال أسبوع جوميا للموبايل وفي المقال ده هنعرفك على أبرز تخفيضات الموبايلات اللي تقدر تستفيد منها خلال الأسبوع ده، ماتنساش إنك تقدر تطلب أي موبايل من الموبايلات دي من خلالنا في ياقوطة وهتوصلك لحد باب البيت أو مكان ما تحب بأسرع وقت ممكن.
أفضل الموبايلات المناسبة لست الحبايب على ياقوطة
كتب: خالد عاصم
عرفت هتجيب إيه لست الحبايب؟ عيد الأم خلاص على الأبواب ولازم من دلوقتي تستعد للهدية اللي هتجيبهالها، وطبعًا هنا بتبدأ الحيرة اللي بتشغلنا على مدى أيام طويلة قبل عيد الأم واللي بتتلخص في سؤال مهم وواضح وهو هجيب إيه لست الحبايب في عيدها؟
السؤال ده بيحمل مئات الإجابات بس كل إجابة منهم ليها شروط، أولهم هي محتاجة إيه وإيه اللي ناقصها؟ إيه الميزانية اللي معاك اللي تقدر من خلالها تجيب هدية قيمة وتنفعها؟ وشوية أسئلة تانية إجاباتها هي اللي هتخليك تحط إيدك على الهدية الأنسب لست الحبايب في عيدها.
النهارده ومن خلال المقال ده هنساعد شوية في إنك تختار هدية ست الحبايب في عيد الأم، وخصوصًا لو قررت تشتريلها موبايل جديد، فمن خلال المقال هنعرفك على مجموعة من الموبايلات المختلفة اللي بتنتمي لفئات متنوعة واللي عليها عروض تخفيض متميزة من ياقوطة، وطبعًا لو عجبك أي موبايل منهم واختارته هدية في عيد الأم هتقدر تطلبه من خلالنا في ياقوطة وهيوصلك لحد باب البيت أو مكان ما تحب في أسرع وقت ممكن.
دليل ياقوطة الكامل لمعرفة الفرق بين الموبايلات الأصلية والموبايلات المزيفة
كتب: خالد عاصم
على مدى السنين اللي فاتت كانت بتظهر إعلانات كتير في التليفزيون خصوصاً في القنوات غير المعروفة بيظهر فيها موبايلات مختلفة خصوصًا موبايلات Samsung وiPhone وبتظهر الموبايلات دي بأسعار أقل بآلاف الجنيهات عن الموبايلات المتوفرة على المواقع وفي المحلات، وفي الإعلانات دي مش بيتقال إن الموبايل ده مُقلد أو مضروب زي ما بنقول، وده خلى ناس كتير تقع ضحية الموبايلات دي بعد ما بتشتريها وتكتشف إن مفيش أي حاجه من اللي اتقالت عنها حقيقية.
ولو كان الموضوع وقف بس عند حد الإعلانات كان هيبقى التحكم فيه سهل، يعني سهل قوي إننا ننصح الناس إنهم مايشتروش موبايلات من إعلانات القنوات دي وخلاص وننقذ ناس كتير من إنهم يقعوا ضحية للموبايلات المضروبة دي، بس المشكلة إن موبايلات كتير مزيفة أو مُقلدة بقت منتشرة في السوق وبتتباع بأسعار أقل شوية من الموبايلات الأصلية وده بيخلي الناس تنخدع فيها وللناس دي بنقدم المقل ده.
فمن خلال المقال ده هنقدم دليل متكامل يخليك تقدر تفرق بين أي موبايلات مزيفة وبين الموبايلات الأصلية وهنستشهد بمجموعة من نماذج الموبايلات المختلفة اللي توضحلك فكرتنا. وماتنساش إنك تقدر تطلب أي موبايل هيظهر في المقال ده من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.
أهم الموبايلات بين ١٠ آلاف لحد ١٥ ألف جنيه مصري على ياقوطة
كتب: خالد عاصم
الموبايلات غليت جدًا، ده أكيد. بس أكيد كمان إن ارتفاع أسعار الموبايلات بقى ظاهرة عالمية وده بيرجع لأسباب كتير جدًا من بينها التطور الكبير اللي بيحصل في الموبايلات وتقنياتها كل يوم. فالموبايلات مابقتش زي زمان مجرد وسيلة اتصال بالصوت أو حتى على الإنترنت، دي بقت وسيلة اتصال وتصوير وسماع مزيكا وشغل وحاجات كتير جدًا، وتطوير الحاجات دي بيحتاج إنفاق كبير من الشركات اللي بتطور منتجاتها ده غير مصاريف التصنيع والتقنيات نفسها، وبالتالي ده بيخلي أسعار الموبايلات كل يوم في الطالع.
ومع ارتفاع الأسعار ده انتعشت فئات كانت موجودة في الأسواق وظهرت كمان فئات جديدة أبرزها اللي بنسميها مجازًا الفئة فوق المتوسطة، بس على الرغم من كده لسه الموبايلات الرائدة واللي سعرها غالي ليها سوق وسوق قوي كمان، وأكيد ليها جاذبيتها اللي بتخلي عدد مش قليل من المستهلكين يتجه ليها أو على الأقل يخطط إنه يتجه ليها في وقت من الأوقات، وسواء كنت من دول أو دول فالمقال ده مهم بالنسبالك.
ففي المقال ده اخترنا شريحة معينة من الموبايلات الرائدة الغالية والشريحة دي هي اللي بين ١٠ آلاف لحد ١٥ ألف جنيه، وهنعرف أفضل موبايلات الفئة دي ونتعرف على مواصفاتها وأسعارها. ماتنسوش إنكم لو عجبكم أي موبايل من الموبايل الموجودة في المقال ده، تقدروا تطلبوها فورًا من خلالنا في ياقوطة وهتوصلكم لحد البيت أو أي مكان تحبوه بأسرع وقت ممكن.
نصائح للتغلب على أضرار بعض أجهزة المنزل الكهربائية المهمة: الجزء التاني
كتبت: فاطمة نامق
كل بيت فيه بعض الأجهزة المهمة اللي ممكن نكون بنستخدمها كل يوم لكن في ناس بتخاف منها وبتدّعي إنها مضرة، هل ده حقيقي؟ ولو حقيقي فإيه الدليل؟
فيه أجهزة لما بنقعد قدامها فترة تلاقي حد ييجي يقولك خلي بالك عشان عينك هتوجعك، ونلاقي ناس بتقول عليها مضرة ، في المقال اللي فات ياقوطة كلمتنا عن أضرار بعض الأجهزة الالكترونية اللي كانت ترفيهية لكن أصبحت جزء من حياتنا، مين مننا ماعندهوش تليفزيون ومين مش شايل موبايل معاه. في المقال ده هنكمل كلام عن الأجهزة دي وأضرارها – إذا كانت موجودة – وهنناقش كمان إيه الحل للتغلب على الأضرار دي.
Recent Comments