مُستلزمات لفسحة ما تتنسيش
كتبت: أماني سمير
«ساعة الحظ ما تتعوضش».. مش كده ولا إيه؟
وأحلى اللحظات اللي بنستمتع بيها ونفضل عايشين على ذكرياتها هي اللحظات اللي بتجمعنا بأهلنا وأصحابنا والناس اللي بنحبهم في فسحة حلوة أو رحلة في نهاية الأسبوع أو لما بنسافر سوا نصيّف أو نخيّم وسط الطبيعة ونعيش لحظات ما تتنسيش.
وفيه أماكن كتيرة ممكن نروحها ومش هتكون مكلفة لينا خصوصًا إن أسعارها مش غالية خالص ومن الأماكن دي حديقة الأزهر واللي هتحس فيها إنك اتنقلت لمكان بره القاهرة بزحمتها ودوشتها وهناك هتستمتع بالطبيعة الجميلة وسط أماكن خضرا في كل مكان وفيها مكان مخصص للأطفال ممكن أولادك يلعبوا فيها وانت مطمن عليهم ده غير المطاعم إللي موجودة هناك وأسعارها معقولة جدًا.
ممكن كمان تاخد أولادك فسحة لسفاري بارك في إمبابة وهيستمتعوا وتستمتع معاهم بيوم جميل ده غير إن فيه أماكن كتيرة قوي هناك ممكن تقضوا فيها وقت جميل زي منطقة السواقي، منطقة الشلالات، منطقة النخيل ده غير مدينة الملاهي إللي هتبسط أولادك جدًا.
ولو كنت غاوي اكتشافات وجو الصحرا والمخيمات ليك ولأصحابك بننصحك بمحمية وادي دجلة وإللي هتقضي هناك وقت ممتع جدًا فتقدر تخيم هناك وتستمتع بمنظر النجوم كإنك أول مرة تشوفها وهتسمتع كمان بمنظر الجبال باختلاف أشكالها وتقدر كمان تاخد جولات هناك وسط الطبيعة وممكن تاخد معاك أكل ومشروبات عشان تسمتع باليوم لكن الشوي ممنوع.
ولو نفسك تنمي مهارات طفلك وتطور منها عليك وعلى حديقة الأسرة في مدينة نصر وفيها مجموعة متنوعة من الأنشطة التعليمية والترفيهية إللي هتزود من تعليم طفلك بطريقة ممتعة مش هيحس معاها بأي صعوبة زي المتحف التاريخي واللي هيقدر إنه يشوف فيه مراحل تطور الأسلحة المصرية ده غير إنه بيسجل تاريخ المعارك المصرية، وممكن كمان تنمي من مهارة أولادك في الظهور والتعامل مع المحيطين بيهم عن طريق استعراض مهاراتهم قدام عدد من الناس عن طريق المسارح الموجودة هناك، ولو أولادك نفسهم يروحوا جنينة الحيوانات فهتلاقي في حديقة الأسرة حديقة حيوان شبه حديقة حيوان الجيزة فتقدر تعرف أولادك على مجموعة من الحيوانات والطيور، وعلشان أولادك ما يحسوش بالملل فالحديقة فيها ملاعب مفتوحة يقدر إبنك من خلالها يقضي وقت جميل مع أصحابه عن طريق ممارسة العديد من الألعاب.
في الحقيقة حديقة الأسرة مكان شبه متكامل لرعاية وتنشئة وتعليم إبنك وتقدر تقضي فيه يوم كامل وما تقلقش من المأكولات والمشروبات فعن طريق المطاعم المنتشرة هناك تقدر تاكل وتشرب إللي نفسك فيه وبأسعار مميزة.
ولإن ياقوطة يهمها دايمًا راحتكم وسعادتكم، هنعرض عليكم مجموعة منتجات متنوعة هتساعدكم في قضاء وقت أكثر متعة وسعادة، تقدروا تشوفوها وانتم قاعدين في مكانكم وتعرفوا بتتباع فين وبكام قبل ماتشتروا، ولو عجبكم منتج فيهم ممكن تتطلبوه عن طريق Yaoota.com وهيكون عندكم في أسرع وقت وبأقل سعر.
Recent Comments