إزاي تقدر تعرف إن هي دي الكاميرا الأنسب ليك
كتب: خالد عاصم
أهم سؤال بيسأله أي حد بيحب يتعلم التصوير أو بيهوى التصوير أو حتى اتعرف عن شوية من علوم التصوير وحابب إنه يطبقها، هو: إيه هي الكاميرا الأنسب عشان اشتريها؟ والسؤال ده عشان تقدر نجاوب عليه ممكن نقسمه لمجموعة من الأسئلة الأضغر اللي بتحدد كلمة (الأنسب ليك). يعني مثلًا إنت لسه بتبدأ مشوارك مع التصوير ولا بتتنقل من مرحلة لمرحلة بعدها؟ إيه هي ميزانيتك؟ إيه هي احتياجاتك من الكاميرا؟ ناوي تفضل هاوي ولا عايز تدخل سكة الاحتراف؟ كل ده ومجموعة تانية من الأسئلة ممكن من خلالها تحدد إن نوع الكاميرا الأنسب ليك.
في المقال ده هنحاول نساعدك على اختيار الكاميرا الأنسب ليك سواء على مستوى ميزانيتك أو احتياجاتك أو مستوى احترافك، وهنعرض أفضل كاميرا من كل نوع هنتكلم عنه. بس في البداية خلينا نقسم الكاميرات تقسيم معين هيساعدنا نفهم بقية المقال، ففي المقال ده هنقسم الكاميرا بداية من كاميرا الموبايلات، الكاميرات المدمجة، والكاميرات الاحترافية بمختلف أنواعها واللي بتنقسم بشكل رئيسي لكاميرات DSLR وكاميرات Mirrorless والأخيرة دي بتعتبر الأغلى والأعلى احترافية من بين كل الكاميرات المتوفرة في العالم. في المقال ده مش هنتكلم عن الكاميرات المخصصة للفيديو لسببين، الأول إن أغلب الكاميرات الاحترافية بتقدر تصور فيديو بجودة متميزة، والتاني إن الكاميرا الاحترافية جدًا والمتخصصة في تصوير الفيديو بس بشكل رئيسي أسعارها غالية جدًا وممكن نبقى نتكلم عنها بعدين في مقال منفصل.
ماتنساش لو أي موبايل أو كاميرا من اللي هنتكلم عنهم في المقال ده عجبتك وحابب تشتريها، هتقدر تطلبها من خلالنا في موقع ياقوطة وهتوصلك لحد باب البيت أو مكان ما تحب بأسرع وقت ممكن.
مراجعة كاميرا Canon 70D
كتبت: أمنية عزمي
الكاميرات من الحاجات اللي الشراء والاختيار فيها صعب وأنواعها كتير جدًا ومنها الرخيص ومنها الغالي وكل واحد حسب استخدامه. وهل هو شخص محتاج يسجل لحظات حلوة في حياته، وبالتالي محتاج كاميرا عادية؟ ولا شخص محترف تصوير ودي هوايته؟ وبالتالي محتاج إمكانيات عالية للكاميرا. هنتكلم في المراجعة دي عن واحدة من أشهر الكاميرات الاحترافية الرقمية DSLR واللي العدسات الخاصة بها بتبقى قابلة للتبديل والسنسور بتاعها بيكون أكبر وبتكون مفضلة عند محترفي التصوير، واللي عملت طفرة كبيرة في عالم الكاميرات وكمان جمعت بين ميزة درجة التكبير وصغر حجم الكاميرا ودا بيديك معدل أكبر بكتير في اختيارات التصوير والتحكم في الكاميرا.
مع ياقوطة هنتكلم عن كاميرا كانون إي أو إس 70 دي- دي إس إل آر مع عدسة تركيز تلقائي وسنسور تلقائي 18- 135 مم وهنتعرف على أهم مواصفاتها ومميزاتها وكمان عيوبها ونعرف رأي المستخدم فيها ولو عجبتك وقررت تشتريها هتلاقي عندنا أحسن الأسعار ليها وتقدر تقارن بينهم وتقدر كمان تطلبها من خلالنا وتوصلك في أقرب وقت.
Recent Comments