أهم الأدوات والمقادير لعمل الحلويات والمخبوزات
كتبت: مي سرور
للناس اللي بيحبوا يعملوا عجائن ومخبوزات كتير، بتقابلنا مشكلة في تحويل المقادير يعني مرات بنلاقي مقادير بتقول ٢٢٥ جرام سكر، وأنا ماعنديش ميزان، وطبعًا زي ما إنتو عارفين الحلويات والمخبوزات الغربية (زي الكيك والأكلير والسينابون وغيرهم) لازم نمشي على المقادير بالظبط. طيب نعمل إيه؟ مش مشكلة خالص، لإن ياقوطة النهارده هتقولكم إزاي تحولوا المقادير وتعرفكم بعض الأوزان اللي مش مستخدمة عندنا لكن بنلاقيها في الوصفات الأمريكية زي الـ OZ أو الـ Lbs وغيرها. وأهم حاجة ياقوطة هتقدم لكم أحسن وأسهل الأدوات اللي تقدروا نستخدموها عشان تظبطوا المقادير وتعملوا أحلى كيك وأطعم دونتش. فيه حاجة ضروري ناخد بالنا منها إن المقادير بتختلف حسب المادة اللي بنعايرها يعني كوب الدقيق كميته أو مقداره غير كوب السكر، تعالوا نشوف إزاي.
Recent Comments