كتب: خالد عاصم

قرار شراء تلاجة جديدة من أصعب القرارات اللي ممكن تاخدها. وده طبعًا لأسباب كتير، منها التنوع الكبيرة ما بين أنواع التلاجات المختلفة المتوفرة في السوق، فكل شركة من الشركات اللي بتنتج تلاجات بتقدم أكتر من نوع بمقاسات ومواصفات مختلفة، وطبعًا الميزانية ليها عامل كبير، فالتلاجات زيها زي أي منتج تاني أسعارها عليت جدًا، وده بيخليك تفكر دايمًا في إنك إزاي تلاقي التلاجة المناسبة بالسعر المناسب.

والنهاردة هنتكلم عن واحدة من التلاجات اللي سعرها معقول جدًا حاليًا، وهي تلاجة Passap FG330L-2D Smart سعة 303 لتر واللي هنتعرف عليها بالتفصيل في المقال ده.

ولو التلاجة اللي هنتكلم عنه عجبتك هتقدر تطلبها من خلالنا في ياقوطة وهتوصلك لحد باب البيت وكمان تقدر تشتري المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

تلاجة Passap FG330L-2D Smart

تلاجة Passap FG330L-2D Smart واللي هتلاقيها كمان تحت اسم Penguin، على الرغم من إن اسمها فيه كلمة Smart إلا إنها مش ذكية بالقدر الكافي، يعني التلاجة مفيهاش أي إعدادات ذكية أو تحكم رقمي، بس ده مايمنعش إنها فيها إمكانيات جيدة جدًا خلونا نتعرف عليها بالتفصيل.

التلاجة مقاس ١١ قدم يعني بسعة ٣٠٣ لتر، وفيها خاصية الإذابة الذاتية للتلج يعني التلاجة Defrost ودي زي ما هي ميزة فهي كمان عيب، فلو تلاجتك كانت نوفروست يعني مابتعملش تلج أصلًا أو موضوع تكوين التلج بالنسبالك مزعج في العموم، فالتلاجة دي مش هتكون منسبة ليك، ولكن سعره مع إنها ديفروست فدي ممكن تكون ميزة خصوصًا لو كانت تلاجتك الحالية قديمة مثلًا أو الميزانية متسمحش بشراء تلاجة نوفروست.

التلاجة فيه مساحات تخزين ممتازة، فداخليًا فيها أربع أرفف قابلة للتعديل والأرفف نفسها معدنية يعني قوية وبتقدر تتحمل كل ظروف الاستخدام، أما أسفل التلاجة ففي درج مقفول للخضر والفاكهة عشان يحافظ عليها باردة وفي نفس الوقت طازة، والدرج كافي عشان يحتفظ بكتير من أنواع الخضروات.

أما باب التلاجة ففيه تلات أرفف مختلف الأطوال عشان تقدر تشيل فيها كل اللي انت محتاجة من ازايز مياه او مياه غازية أو عصاير سواء بأحجام كبيرة أو صغيرة، ده غير إن فيها مكان مخصص لحفظ البيض. أما الفريزر ففيه مساحة تخزينية واحدة وده من عيوب التلاجة لأنه مش هيسمحلك بتنظيم الحاجات في الفريزر منفصلة عن بعضها، وباب الفريزر فيه رف تخزين واحد بس.

التلاجة بتتميز بموتور ملائم للاستخدام في البيئة الحارة يعني مثالية للاستخدام في مصر في الصيف اللي بتكون فيها درجات الحرارة عالية، وكمان بتعتمد على كومبريسور قوي من ناحية وموفر للطاقة من ناحية تانية. وبالاعتماد على الموتور ده فالتلاجة كمان بتقدر تشتغل بصوت قليل أوي وبدون أي ضوضاء ملحوظة.

التلاجة أبعادها ٦٣ سم للعمق و٥٩ سم للعرض و١٥٥ للطول، وبتتوفر باللونين الأسود والفضي.

الضمان وخدمة ما بعد البيع

التلاجة عليه ضمان خمس سنين، أما خدمة العملاء والصيانة فمتوفر من خلال شركة تريدكو الصياد وممكن التواصل معاها من خلال رقم: 01279714396 أو 01117262599 أو من خلال عنوان البريد الإلكتروني info@pengiun-appliances.com.

اتعرف على عروض أسعار تلاجة Passap FG330L-2D Smart من هنا.

اتعرف على عروض أسعار مختلف التلاجات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.