كتبت: منى عوض

شهر رمضان من الشهور المهمة اللي الناس بتستناها من السنة للسنة حرفيًا، بس عشان تقدر تصوم الشهر بسهولة من غير ما تعاني من أي مشاكل صحية هتحتاج إنك تتبع تغذية صحية بداية من وقت الإفطار ووصولاً إلى وقت السحور.

ولأننا بنحنب نشارككم كل لحظات حياتكم ويهمنا صحتكم، ياقوطة هتقولك في المقال دا شوية نصائح لصيام صحي وخالي من المتاعب. وخليك فاكر إنك تقدر تشتري أي مستلزمات أو منتجات لرمضان من خلال موقعنا، كل اللي عليك إنك تختار وتطلب وهتلاقي الحاجة وصلت لحد عندك في أسرع وقت.

بنفكرك إنك ممكن تشتري أي مستلزمات أو منتجات لرمضان من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

نصائح لصيام صحي ومريح

• حاول بقدر الإمكان إنك ماتتخطاش وجبة السحور وأخرها على قد ما تقدر.
• حاول إن وجبة السحور تكون وجبة خفيفة ومليانة بأطعمة متنوعة وقيمتها الغذائية عالية بحيث تحسسك بالشبع وتديك طاقة على مدار اليوم. وتجنب الأكل الدسم لأنه مش هيشبعك بل ممكن يسببلك عسر هضم وبالتالي حموضة وانتفاخ كمان.
• لما تتسحر ماتنمش على طول لأن دا ممكن يعملك حموضة مثلاً أو يتعبلك معدتك، بل يفضل إنك تتسحر وتقوم تصلي الفجر وتقعد شوية بعد الصلاة يكون الأكل اتحرك شوية في معدتك وبعدين تقوم تنام براحتك.
• اشرب من 2 إلى 3 لتر مياه في الفترة اللي ما بين السحور والإفطار حتى لو مش حاسس بالعطش، بحيث إنك تحاول تعوض المياه اللي الجسم بيفقدها طول فترة الصيام وتحافظ على رطوبة جسمك أثناء الصيام.
• تأكد من شرب المياه بشكل تدريجي ومش مرة واحدة لأن دا هيسببلك عسر هضم وهيتعب معدتك جدًا.
• يُفضل أيضًا بدء الإفطار بكوب مياه وطبق شوربة مثلاً قبل ما تبدأ تاكل باقي الأكل بحيث تعوض السوائل اللي فقدها جسمك طول فترة الصيام.
• يُفضل تناول خضروات وفواكه الغنية بالماء والألياف بحيث تدي جسمك إحساس بالرطوبة وتمنع المعاناة من الجفاف.
• يُفضل الامتناع عن تناول الأكل الحار واللي بيحتوي على نسبة عالية من الأملاح، والأطعمة المقلية والدهنية، على مدار الفترة بين الإفطار والسحور لأنها بتسبب عطش شديد وممكن يوصل الموضوع لحموضة أثناء الصيام.
• تجنب تناول الحلويات والسكريات في وجبة السحور لأنها بتثير الشعور بالعطش أثناء الصيام.
• تجنب استخدام الزيوت الضارة والمهدرجة واستبدلها بزيوت صحية زي زيت الزيتون وزيت جوز الهند مثلاً.
• تجنب الجلوس في الأماكن الحارة أو المشي الكتير في الشمس، لأن دا هيخلي جسمك يفقد أي مياه محتفظ بيها من خلال العرق وهيحسسك بعطش أثناء الصيام.
• تناول وجبات غذائية صحية ومتكاملة بحيث إن جسمك يستفيد بكل المعادن والفيتامينات والألياف والمياه وكل الحاجات اللي محتاجها.. يعني مثلاً ممكن تاكل فول لأنه بيحتوي على كربوهيدرات وبروتين عالي وهيديك طاقة طول فترة الصيام.. وممكن تاكل شوفان لأنه بيحتوي على البروتينات والكربوهيدرات اللازمة للجسم خلال الصيام.. والتمر كمان من الحاجات اللي بتدي طاقة كبيرة للجسم بالتالي حاول تتناول 4 تمرات خلال السحور.
• تجنب تناول الأكل بشكل سريع، بل تناوله ببطء وبراحة عشان تحس بالشبع بشكل أسرع ولفترة أطول وعشان معدتك متشتغلش فجأه بعد صيام طويل وتتعبك.
• تجنب تناول كميات كبيرة من الكافيين لأنها بتسبب الشعور بالعطش، يعني خلينا نقول كفاية كوباية واحدة مثلاً.
• اشرب عصائر طبيعية زي ما إنت عايز، وتجنب المشروبات الغازية والعصائر المعلبة اللي فيها مواد حافظة سواء في وجبة الإفطار أو السحور لأنها غير صحية وكمان بتزود إحساس العطش.
• حاول تمارس شوية تمارين رياضية خفيفة عشان تحافظ على نشاط جسمك وطاقته أثناء الصيام.
• إحنا عارفين إن الوقت في رمضان ضيق جدًا، بس دا مايمنعش إنك تتأكد من الحصول على قسط كافي من النوم عشان تحافظ على نشاطك وطاقتك أثناء الصيام.

اقرأ كمان: جهز ركن العبادة لشهر رمضان مع ياقوطة.

شوف كمان: دليلك لتجهيز مكونات كرتونة رمضان من ياقوطة.

وكمان: ملك السحور: الفول.. أفضل دماسات الفول على ياقوطة.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.