كتب: محمد عادل

شركة هايسنس الصينية تواجدها وانتشارها في السوق المصري بيرجع لاهتمامها بالمُستخدم اللي بيكون عاوز موبايل بكاميرا وراديو وشاشة مريحة للعين وفي نفس الوقت سعره ما يكونش غالي، وبسبب نجاح هايسنس في حل المعادلة دي بنلاقي ناس كتيرة بتفضل موبايلاتها.

واحنا النهارده في ياقوطة بنقدملك موبايل Hisense موبايل U971 برايم 3 ذو الإمكانيات المعقولة والسعر المميز. الموبايل بييجي بكاميرا بقوة ٨ ميجا بكسل وراديو وشاشة بحجم ٥ بكسل ومزايا تانية كتيرة هنعرفها في المقال ده.

مش بس كده لو عجبك الموبايل ممكن تطلبه عن طريق ياقوطة وهيوصلك لغاية عندك بأفضل سعر، وفي أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

مميزات موبايل Hisense Prime 3

• شاشة بحجم معقول.
• الأداء متوسط ولكن مقبول لو هنقارنه بالسعر.
• بيشغل خطين.
• بيشغل راديو.

عيوب موبايل Hisense Prime 3

• أداء شاشة الموبايل تحت أشعة الشمس مش مميز.

• أداء كاميرا الموبايل مش بالقوة المطلوبة.

• أداء البطارية متوسط.

تقييم Hisense Prime 3

التصميم

• الموبايل مصنوع من البلاستيك.

• على الناحية اليمين للموبايل هنلاقي زراير التحكم في الصوت وتشغيل الموبايل، وعلى الناحية الشمال هنلاقي فتحة الشحن ونقل البيانات USB.

• على الجانب العلوي تقع فتحة السماعات.

• في واجهة الموبايل هنلاقي الكاميرا الأمامية وأزرار التنقل.

• وعلى الجانب الخلفي توجد الكاميرا الخلفية.

• الغطاء الخلفي للموبايل سهل الفك وهنلاقي البطارية، ومكان شريحتين الاتصال وكارت الميموري.

تجربة المُستخدم

• الموبايل تصميمه مريح للاستخدام بإيد واحدة وملمسه هيسهل أكتر من التحكم فيه ومش هتحس تعب من طول مسكتك للموبايل، لكن للأسف شكله العام مش مبهر بسبب خامة البلاستيك المصنوع منها الموبايل.

الشاشة

• موبايل هايسنس برايم 3 بيقدم شاشة ٥ بوصة IPS LCD بدقة وضوح ١٢٨٠*٧٢٠ بكسل.

تجربة المُستخدم

شاشة الموبايل يعتبر أداءها مقبول لكن للأسف الرؤية مش بتكون واضحة قوي لو استعملت الموبايل في أشعة الشمس وهتحتاج تعلّي من دقة وضوح الشاشة وده هيأثر على عمر البطارية على المدى الطويل.

الأداء

• الموبايل يعمل بنظام تشغيل أندرويد جيلي بين 4.3.

• يعمل الموبايل بمعالج كوالكوم سناب دراجون 200 رباعي النواة بتردد ١٫٢ جيجا هرتز، إلى جانب رامات ١ ميجا بايت، وذاكرة داخلية ٨ جيجا بايت، وممكن تزود ميموري كارت لغاية ٣٢ جيجا بايت.

تجربة المُستخدم

• أداء الموبايل كويس في الاستخدام العادي بين التطبيقات وتصفح الإنترنت والألعاب الخفيفة.

• ولكن مع استخدام الموبايل مع الألعاب والفيديوهات ذات الرسوميات المتطورة يبدأ فقدان الفريمات وده هيأثر على استمتاعك وانت  بتلعب.

الكاميرا

الموبايل بييجي بكاميرتين خلفية ٨ ميجا بكسل بفلاش LED، وأمامية ٢ ميجا بكسل.

تجربة المُستخدم

تجربة التصوير مش الأجمل، ونقدر نقول إنها مقبولة وجيدة لو هتصور بيها صور خاصة بيك تستعرضها في أي وقت لكن لو مستني من الكاميرا أداء مبهر فللأسف مش هتلاقي الأداء اللي انت عاوزه.

البطارية

بطارية موبايل هايسنس برايم 3 سعتها ٢٥٠٠ مللي أمبير واللي تعتبر سعة قليلة، ومش هتسعف لو محتاج الموبايل يوم كامل من الاستماع للموسيقى والتصوير وممارسة الألعاب.

السعر

شوف موبايل Hisense موبايل U971 برايم 3، بسعر يبدأ من ٧٩٩ جنيه مصري.