مقارنة بين ٣ من أهم الغسالات للعائلات الكبيرة
كتبت: منى عوض
الغسالات واحدة من الأجهزة المهمة واللي وجودها في البيوت بيسهل كتير عملية الغسيل، عشان كده ياقوطة قررت إنها هتقدملكم مقارنة بين أهم ٣ غسالات في الفئة المتوسطة، وهنتعرف من خلال المقال ده على أهم مواصفات ومميزات وعيوب الـ ٣ غسالات دي، ولو عجبك وعايز تشتري غسالة منهم تقدر تعرف أحسن أسعارهن وتقارن بينهم، وتقدر كمان تطلبها من خلال ياقوطة وهتوصل لحد عندك في أسرع وقت.
السعر والمعلومات في المقال ده سارية وقت نشر المقال. لو تحب تشوف مقارنة بين أهم ٣ غسالات على ياقوطة من هنا.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
١- غسالة ويرلبول سوبريم كير
المواصفات
| موديل الغسالة | FSCR10432 |
| الوظائف | غسالة. |
| السعة | ١١ كيلو. |
| نوع الغسالة | غسالة تحميل أمامي. |
| عدد البرامج | متعددة البرامج |
| أبعاد الغسالة | ٦٤٠ × ٨٥٠ × ٥٩٥ سم. |
| البلد المنشأ | بولندا. |
| الضمان | ٥ سنوات. |
المميزات
- بتدعم وجود شاشة رقمية عشان تظهرلك أي تفاصيل عن الغسيل. مثلًا زي فاضل قد إيه على انتهاء دورة الغسيل، وبرنامج الغسيل اللي شغال، وكمية الطاقة والماء المستهلكة خلال دورة الغسيل.
- لوحة تحكم تعمل عن طريق اللمس.
- بتتميز بوجود عدة برامج غسيل، عشان تقدر تختار أكتر برنامج مناسب لاحتياجاتك بكل حرية.
- الحوض الداخلي للغسالة مصنوع من مادة الاستانلس ستيل المقاومة للصدأ. وده معناه إنه متين ويقدر يستحمل كل الكميات اللي هتحطها في الغسالة.
- صوت الغسالة هادي ومش بيتسبب في أي إزعاج وهي شغالة.
- الغسالة بتحقق كفاءة عالية في استغلال الطاقة والماء A+++.
- الغسالة فيها زرار تأخير تشغيل دورة الغسيل من ٦ ساعات إلى ٢٤ ساعة.
- الغسالة فيها زرار لتحديد سرعة عصر الملابس
- سعة الغسالة كبيرة وبتعتبر مناسبة لغسل البطاطين التقيلة ومناسبة للعائلات اللي عدد أفرادها كبير.
العيوب
- الغسالة تحميل أمامي وده معناه إنك هتستخدم مسحوق الأوتوماتيك اللي سعره عادةً بيبقى أغلى من سعر المسحوق العادي، وكمان مش هتقدر تضيف أي غسيل جديد للغسالة طول ما هي شغالة.
- الغسالة مش بتدعم وجود خاصية المجفف.
شوف غسالة ويرلبول سوبريم كير من هنا.
٢- غسالة أريستون – ١١ كيلو
المواصفات
| موديل الغسالة | RPD11657DSEX |
| الوظائف | غسالة فقط. |
| السعة | ١١ كيلو. |
| نوع الغسالة | غسالة تحميل أمامي. |
| عدد البرامج | متعددة البرامج. |
| عدد اللفات | ١٦٠٠ لفة في الدقيقة. |
| أبعاد الغسالة | ٨٥ × ٥٩ × ٦٠ سم. |
| الضمان | ٥ سنوات. |
المميزات
- سعة الغسالة كبيرة وده معناه إنها مناسبة لغسل البطاطين ومناسبة للعائلات الكبيرة.
- بتدعم وجود شاشة رقمية عشان تظهرلك أي تفاصيل عن الغسيل. مثلُا زي فاضل قد إيه على انتهاء دورة الغسيل وبرنامج الغسيل اللي شغال.
- بتتميز بوجود عدة برامج غسيل عشان تقدر تختار أكتر برنامج مناسب لاحتياجاتك بكل حرية.
- مزودة بمضخة للصرف عشان تسحب وتصرف المياه اللي موجودة في الغسالة بشكل تلقائي بمجرد انتهاء دورة الغسيل.
- خاصية مضاد لرغوة الصابون عشان تحافظ على الأجزاء الداخلية للغسالة من التعرض للصدأ.
- الغسالة هتضمنلك أفضل نظافة وحفاظ على الألوان كمان.
- الحوض الداخلي للغسالة مصنوع من مادة الاستانلس ستيل المقاومة للصدأ وده معناه إنه متين ويقدر يستحمل كل الكميات اللي هتحطها في الغسالة.
- صوت الغسالة هادي طول فترة التشغيل.
- فيها نظام حماية ضد عبث الأطفال.
- الغسالة بتحقق كفاءة عالية في استغلال الطاقة والماء A+++.
العيوب
- الغسالة تحميل أمامي وده معناه إنك هتستخدم مسحوق الأوتوماتيك اللي سعره عادةً بيبقى أغلى من سعر المسحوق العادي، وكمان مش هتقدر تضيف أي غسيل جديد للغسالة طول ما هي شغالة.
- الغسالة مش بتدعم وجود خاصية المجفف.
- مش مزودة بخاصية تجفيف الهواء اللي بتتيح غسل الملابس من غير إضافة مياه بفضل نظام التهوية القوي.
شوف غسالة الملابس أريستون – ١١ كيلو من هنا.
٣- غسالة سامسونج – ٩ كيلو
المواصفات
| موديل الغسالة | WF90F5EHW2X/AS |
| الوظائف | غسالة. |
| السعة | ٩ كيلو. |
| نوع الغسالة | غسالة تحميل أمامي. |
| عدد البرامج | متعددة البرامج. |
| عدد اللفات | ١٢٠٠ لفة في الدقيقة. |
| أبعاد الغسالة | ٨٥ × ٦٠ × ٥٥ سم. |
| الضمان | ٥ سنوات. |
المميزات
- بتدعم وجود شاشة رقمية.
- بتتميز بعدة برامج غسيل عشان تقدري تختاري أكتر برنامج مناسب لاحتياجاتك بكل حرية.
- مزودة بمضخة للصرف عشان تسحب وتصرف المياه اللي موجودة في الغسالة بشكل تلقائي بمجرد انتهاء دورة الغسيل.
- خاصية مضاد لرغوة الصابون عشان تحافظ على الأجزاء الداخلية للغسالة من الصدأ.
- تقنية Eco Bubble بتضمن تنظيف قوي حتى في درجات الحرارة المنخفضة، لأنه بيتم تحويل مسحوق التنظيف إلى فقاعات ليتمكن من اختراق الأنسجة والأقمشة بسرعة وإزالة الأوساخ بسهولة، مع حماية الأنسجة وتوفير الطاقة في نفس الوقت.
- الحوض الداخلي للغسالة مصنوع من مادة الاستانلس ستيل المقاومة للصدأ.
- صوت الغسالة هادي.
- الغسالة حجمها مش كبير يعني من السهل تخزينها حتى لو كانت المساحة صغيرة.
- الغسالة بتحقق كفاءة عالية في استغلال الطاقة والماء A+++.
- سعة الغسالة مناسبة.
العيوب
- الغسالة تحميل أمامي وده معناه إنك هتستخدم مسحوق الأوتوماتيك اللي سعره عادةً بيبقى أغلى من سعر المسحوق العادي، وكمان مش هتقدر تضيف أي غسيل جديد للغسالة طول ما هي شغالة.
- مش مزودة بخاصية تجفيف الهواء.
شوف غسالة سامسونج – ٩ كيلو من هنا.
شوف أهم الفروق بين الغسالة الكومبو والغسالة والمجفف المنفصلين من هنا.
ودي قائمة بأهم مواصفات الغسالة، شوفها من هنا.
شوف نصائح ومهارات عشان تخلي الأجهزة بتاعتك تعيش فترة أطول.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال