نصائح ومهارات عشان تخلي الأجهزة بتاعتك تعيش فترة أطول
كتبت: مي سرور ويارا الحميلي
الأجهزة المنزلية تعتبر استثمار كبير اليومين دول وقيمتهم كبيرة في البيت، مهم على طول تخلي بالك منهم وتحرص إنهم يشتغلوا بكفاءة على قد ما تقدر. ودي بعض النصايح اللي بنقدمهالك عشان تحافظ على الأجهزة بتاعتك في أحسن صورة.
ومش كده وبس، هنعرض عليك كمان أحسن أسعار للأجهزة دي ولو عجبك جهاز منهم وعاوز تشتريه تقدر من خلال ياقوطة تطلبه وهيوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
نصايح عامة
- استخدم الأجهزة بالطريقة اللي هي مصممة عشان تستخدم بيها.
- افصل الجهاز عن الكهربا لو مش بتستخدمه.
- خلّي الأسرة كلها تشارك في العناية بالأجهزة.
التلاجات والديب فريزر
- نفّض ملفات التكثيف الخاصة بالتلاجة عن طريق المقشة أو المكنسة الكهربائية عشان تحسن دوران الهوا والكفاءة.
- ماتملاش التلاجة على الاَخر، عشان لو عملت كده هتسد تيار الهواء وهتعمل ضغط عالي على التلاجة.
- استخدم معلقة كبيرة من صودا الخبز على ١/٢ جالون مية في تنضيف قفل والدواخل بتاعة التلاجة، ده هيمنع إن العفن ينمو على التلاجة وهيساعد إن التلاجة تفضل تقفل بشكل سليم.
- احتفظ بشفاشق مياه أو كمادات تلج عشان تمنع الهوا السخن اللي بره التلاجة من إنه يسخّن الحاجات اللي جوة لما تفتح باب التلاجة.
شوف مجموعة مختلفة من التلاجات و الديب فريزر من هنا.
لمعلومات أكتر عن تاريخ التلاجات، شوف مقال عن الثلاجات، بين الماضي والحاضر.
وماتنساش تقرا عن أكتر التلاجات شعبية وأكتر الديب فريزر شعبية على ياقوطة في ٢٠١٧.
لمزيد من التفاصيل عن أكتر أنواع التلاجات شعبية، اقرا مراجعة تلاجة ميني بار ألاسكا ٢٫٥ قدم، مراجعة تلاجة باساب FG390L توب ماونت، ومراجعة كاملة: لتلاجة شارب ١٨ قدم.
الغسالات
- غيّر أي خراطيم ضعيفة عشان تتجنب إن الغسالة تغرق الدنيا.
- ماترزعش باب الغسالة أبدًا عشان ده ممكن يكسر القفل بتاع الباب.
- ماتحطش غسيل أكتر من المسموح به في الغسالة، عشان ده ممكن يبوّظ الموتور وحزام المحرك.
- خلّي الغسالة في أقرب مستوى للأرض، واتأكد إنها محطوطة على مستوى واحد ثابت، لو ده مش حاصل، ممكن تفضل تتحرك قدام وورا وتتهز جامد.
- نضف الغسالة من جوة مرة شهريًا عن طريق إنك تشغل دورة عادية للغسيل على أعلى درجة حرارة وإنت ضايف المزيج ده: ١/٢ كوباية خل+ ١/٤ كباية بيكينج صودا + ١/٤ كباية مية. لما الغسالة تخلص سيب الباب مفتوح.
- نضف منعم النسيج باستمرار باستخدام قطعة قماش رطبة ومية سخنة.
- افتكر إنك دايمًا تراجع التيكيت اللي على الهدوم اللي فيه إرشادات عن الطريقة المثالية اللي مفروض تغسل بيها هدومك من غير ما يبوظوا أو يبهتوا.
شوف موديلات مختلفة من الغسالات من هنا.
اعرف عن تاريخ الغسالات في مقال الغسالات: بين الأمس واليوم.
بتدوّر على مقالات محددة أكتر؟ اقرا مراجعة غسالة أريستون ٧-كيلو التحميل الأمامي ومراجعة وأسعار غسالة توشيبا ٨ كيلو تحميل فوقي.
غسالات الأطباق
- حافظ دايمًا على نضافة باب الغسالة والجزء اللي تحت منه بالذات عشان تمنع أي تسريب، استخدم بس المياه والمبيض.
- شيل الحاجات اللي موجودة في منطقة الضخ بتاعة الغسالة لتجنب منع انسداد نظام الصرف.
- لو حصل وفي قزاز اتكسر جوه غسالة الأطباق، استخدم المكنسة الكهربائية عشان تطلعه من الغسالة، عشان لو قطعة قزاز حتى لو كانت صغيرة قوي دخلت ممكن تبوظ الغسالة وتخلي المياه تدخل الموتور.
- ماتملاش الغسالة بالغسيل، عشان ده هيحجّم رذاذ المياه اللي طالع وهيغير مساره وهيمنع الغسالة من إنها تنضف كويسة.
- شغل دورة فاضية معاها خل عشان تشيل رواسب من المياه وتشيل بقايا الأكل العالقة.
شوف موديلات مختلفة من غسالات الأطباق هنا.
اقرا مراجعات غسالة أطباق وايت بوينت WPD106: مراجعة كاملة وغسالة أطباق إستون: مراجعة كاملة.
البوتاجازات والأفران الغاز
- امسح البقع وبقايا الأكل بسرعة أول ما يتكونوا، واحرص على إنك ما تلمسش الإشعال عشان مايحصلش انسداد في منفذ الفرن أو البوتاجاز، عشان ده أكيد هيقلل من كفاءة الشعلات. استخدم سفنجة وصابون لتنضيفها.
- تغلب على البقع الناتجة عن الطبخ عن طريق المية أو البيكينج صودا مع المية، بس ماتستخدمش مواد حادة ممكن تخدش الأسطح.
- امسح أزرار التحكم في الشعلات والمقابض بمية دافية ومنظفات، فيه بعض المقابض بيبقى عليها علامات ممكن تطلع من المية، فخلي بالك إنك ماتنقعهاش أو تدعكها بقوة.
- بدل ما تستخدم المنظفات التجارية في تنضيف الأفران، املى سلطانية مية مع نص كباية أمونيا وسيبهم في الفرن طول الليل. بعد كده إمسح ونضف الحيطة بمناديل ورق حمام أو ورق جرايد.
ممكن تشوف موديلات مختلفة من بوتاجازات غاز والأفران.
ممكن تعرف أكتر عن أكتر البوتاجازات شعبية عن طريق المقالات دي: مزايا وعيوب بوتاجاز غاز أي شيف سمارت ٥ شعلات، أكتر ٧ بوتاجازت شهرة على ياقوطة في ٢٠١٧، ومزايا وعيوب بوتاجاز غاز فريش ٥ شعلات.
المكانس الكهربائية
- نضف فرشاة الرول بشكل دوري، تراكم الوبر على فرشاة الرول هيخلي صعب إن المكنسة الكهربائية تشتغل وهيعمل مشاكل.
- بدّل الكيس أو فضيه قبل ما يفضى تمامًا عشان تقدر تتأكد إن المكنسة شغالة بكفاءة وسهولة.
- غير فلتر الهوا مرة في السنة.
ممكن تشوف مجموعة من المكانس الكهربائية من هنا.
وممكن تشوف دليل ياقوطة لشراء المكنسة الكهربائية.
وممكن تعرف تفاصيل أكتر عن أكتر المكانس الكهربائية شعبية من خلال مراجعة المكنسة الكهربائية كارشير ١٤٠٠ وات و أكتر خمس مكانس كهربائية مبيعًا على ياقوطة.
الميكروويف
- نضف الميكروويف من جوة كل فترة، عشان جريئات الأكل والرذاذ اللي بيتكون مع الاستخدام بيمتص شوية من الطاقة الميكروويف اللي بيطلعها والوحدة شغال وممكن يعمل حروق وأضرار تانية. للحصول على أحسن النتايج أثناء التنضيف، اعصر نصين ليمونة في طبق غويط مليان مية، وحطه في الميكروويف وشغله، وأول ما الميكروويف يقف امسح الجوانب بتاعة الميكروويف فورًا.
- اقفل الباب بعناية، ماترزعوش، لو رزعته ممكن نبوظ مفاتيح الغلق بتاعة الميكروويف وده ممكن يبوظ الصمامات الداخلية.
- لا ينصح بتسخين المياه في الميكروويف عشان ده بيعرض الميكروويف لإنه يسخن قوي، المياه ممكن تعلى حرارتها في الميكروويف لما بعد درجة الغليان، مع إنها تبان إنها مش بتغلي حتى. لو حد لمس المياه ممكن فجأة تنفجر وتؤدي لحروق لأي حد جنب الميكروويف.
- اوعى تشغل الميكروويف وهو فاضي أبدًا، عشان مع غياب الأكل أو السوائل في الميكروويف، الطاقة بتاعة الميكروويف مفيش حاجة هتمتصها وهتتحبس جوة الميكروويف. ده ممكن يسبب إن المجنترون (اللي بيولد الموجات الكهرومغناطيسية) إنه يسخن زيادة عن اللزوم وممكن يبوظ.
ممكن تشوف أجهزة الميكروويف من هنا.
اقرا مراجعة ميكروويف سامسونج بالشواية ومراجعة الميكروويف مع الشواية الفريش ٤٢ لتر.
المحامص
المحامص الرأسية أو الـ Pop-up Toaster
طلع العلبة بتاعة الفتافيت وامسحها كويس، وبرضه امسك المحمصة ورجها على الزبالة أو على الحوض عشان تتخلص من الفتافيت اللي جوة المحامص. اعمل الموضوع ده كل أسبوع عشان تتجنب إن البيت يبقى ريحته عيش محمص حتى لو ما استخدمتش المحمصة.
ممكن تشوف المحمصات من هنا.
عشان تعرف أكتر عن تاريخ المحامص، اقرا المحامص: بين اليوم وأمس.
ماتنساش تقرا دليل ياقوطة فيما يخص إزاي تختار أحسن محمصة.
صانع السندويتشات
- شيل الطبق (لو بيتشال)، وانقعه في المية واغسله بمية دافية وصابون سائل على حتة قماش أو سفنجة، سيب الطبق منقوع شوية عشان أي بقع لازقة فيه تفك. وبعدين اشطف الطبق بمية نضيفة وسيبه ينشف.
- بالنسبة للأطباق اللي مش بتتشال، طلع أي بقايا أكل لازقة بأي أداة بلاستيك، زي المعلقة، عشان ماتخدش الطبق، وبعدين هات سفنجة فيها صابون، واغسل الطبق بعناية. وعشان تشيل البقع والبقايا بطريقة أسهل، ادلق كمية قليلة من الزيت النباتي وسيبه شوية عشان يخلي البقايا اللازقة تفك.
شوف موديلات لصانع السندويتشات من هنا.
صانعة القهوة
- نضف صانعة القهوة شهريًا.
- امزج معيار خل أبيض لمعيارين مياه في إبريق القهوة وبعدين صب الخليط في خزان المياه بتاع صانع القهوة.
- حط فتر في السلة وشغل صانعة القهوة.
- أول ما تخلص عملية الطحن، حط على الأقل ٢-٣ أواني من المية السادة عشان تنضف الصانعة من الخل.
ممكن تشوف صانعات القهوة من هنا.
وممكن تختار صانعة القهوة المثالية مع دليل صانعة القهوة.
بتدور على صانعة القهوة؟ شوف المقال ده وهيقدملك ١١ ماكينة لإعداد القهوة.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.