كتبت: شروق نبيل

غسالة الملابس من أكتر الأجهزة المنزلية اللي وجودها في البيت بيسهل وقت ومجهود. ومهم إنك تختار غسالة تعيش معاك سنين وطبعًا في منتجات كتير وموديلات كتير في السوق وده ممكن يصعب على المشتري إنه يحدد المنتج المناسب ليه وعشان كده قررنا نعمل لكم مقارنة بين أهم ٣ غسالات في ياقوطة، هنقارن بين كل مواصفاتهم وكمان المميزات والعيوب عشان تعرف تاخد القرار الصح في اختيار الغسالة ولو عجبتك واحدة منهم ممكن تطلبها من خلال موقعنا وهتوصلك في أقرب وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

Whitepoint WPTL 8 DG

موصفات الغسالة: وايت بوينت، السعة ٨ كجم، مصنوعة من المينا، اللون أبيض، بلد الصنع الصين، تحميل علوي، الأبعاد ٩٢×٥٣×٥١، ضمان ٥ سنوات.  الغسالة بتتمتع بـ١٠ برامج ومن ضمنها دورة غسيل سريعة لمدة ١٩ دقيقة و٥ مستويات للمياه. فيها أنظمة زي نظام تجفيف بالهواء ونظام اندفاع المياه الثلاثي وبتتمتع بتقنية فازي لوجيك وكمان مضخة للصرف وفيها مكانين مخصصين للمياه السخنة والمياه الساقعة. من مميزات الغسالة كمان إن أداءها كويس في الغسيل وبتوفر في الكهرباء والمياه فبالتالي بتوفر في الفاتورة. وكمان فيها ميزة سرعة العصر وممكن تستخدم معاها أي نوع من أنواع المساحيق فبتوفرلك كتير. كمان فيها خاصية بتحافظ على الملابس الحساسة، ومزودة بشاشة LCD بتوضحلك برامج الغسيل والوقت المتبقي. كمان مزودة بخاصية قفل للأطفال وفيها فلتر لتنقية مياه الصرف وبرنامج تنضيف الحلة وصوتها هادي مش بتعمل إزعاج. سعرها كويس جداً بالنسبة لإمكانيتها. من عيوب الغسالة إن الكاوتش بتاعها ممكن يتقطع بسهولة. وكونها مش مناسبة للأسر الكبيرة عشان سعتها صغيرة شوية وكمان مفيهاش خاصية تجفيف للهدوم.

ممكن تشوف غسالة ملابس وايت بوينت بالتحميل العلوي – ٨ كيلو من هنا.

Fresh الشطورة

مواصفات الغسالة: فريش، السعة ٥ كجم، مصنوعة من البلاستيك، اللون أبيض، بلد الصنع مصر، تحميل علوي، الأبعاد ١٠٠×٥٨×٥٥، ضمان ١٠ سنوات. من مميزات الغسالة إنك ممكن تستخدمها لملابس الأطفال أو الملابس الحساسة وكمان موفرة في المياه والكهرباء فبتوفر في الفاتورة. فيها كمان فلتر للوبر وفيها تايمر عشان تظبط الوقت المحدد وممكن تستخدم أي مسحوق غسيل عادي وده هيوفرلك كتير، وزنها كمان خفيف وبتيجي مع تركيب مجاني. سعر الغسالة مناسب جداً للميزانيات القليلة ومناسبة للأسر الصغيرة. من عيوبها إن البلاستيك ممكن يتكسر بسهولة مع الاستخدام الغلط ومفيهاش خاصية قفل الأطفال وصوتها عالي شوية.

شوف غسالة تحميل علوى من فريش من هنا.

Unionaire آي ووش

مواصفات الغسالة: يونيون إير، فل أوتوماتيك، السعة ١٠ كجم، مصنوعة من البلاستيك، اللون أبيض، حلة ستانلس ستيل، بلد الصنع مصر، تحميل علوي، الأبعاد ١٠٤×٦٤×٦٣ سم، قوة الموتور ١٨٠ وات، ضمان ٥ سنوات. من مميزات الغسالة إن معاها حلة داياموند بتحمي الهدوم الحساسة وخاصية بتمنع الملابس من التشابك. الغسالة موفرة في الكهرباء وممكن تستخدم مسحوق غسيل عادي وفيها شاشة ديجيتال ممكن تتحكم من خلالها وفيها برامج متعددة وصوتها واطي وسعتها معقولة مناسبة لأسرة متوسطة الحجم. من عيوبها إن مفيهاش مجفف ولا سخان داخلي.

ممكن تشوف غسالة يونيون إير آي ووش من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.