كتبت: شروق نبيل

لو سألتم ستات البيوت إزاي زمان كانوا بيغسلوا الهدوم، هتعرفوا قد إيه كانوا بيعانوا عشان يغسلوا ملابس العيلة كلها، وطبعًا عملية الغسيل كانت بتتم بشكل يدوي بجميع مراحلها من دعك وشطف وعصر وكان مجهود بدني شاق جدًا، لحد ما تطورت الدنيا شوية وبقى في غسالة بالكهرباء، صحيح بدون عصر لكن وفّرت شوية في الوقت بس برضه كانت معاناة كبيرة.

ولإن الغسالة واحدة من الأجهزة اللي بتوفر وقت ومجهود. عملية شراها بتكون مرهقة شوية، مش لإن المتاح والمعروض منها في السوق كتير وبس. لكن لإن فيه أنواع كتيرة للغسالات وموديلات أكتر. ولإننا في ياقوطة بنهتم براحتك، هنتعرف في المقال ده على أهم المواصفات والمميزات اللي مهم تكون موجودة في الغسالة اللي هنشتريها، كل الأنواع اللي موجودة في المقال متوفرة على ياقوطة، ولو عجبتكم غسالة منهم وعاوزين تشتروها تقدروا تعرفوا أحسن الأسعار ليها وتقارنوا بينهم وتطلبوها من خلالنا وهتوصل لغاية عندكم في أسرع وقت.

أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

حاجات مهم نخليها في بالنا واحنا بندور على غسالة

• أول حاجة لازم تعملها هي إنك تحدد ميزانيتك وتشوف عايز تجيب غسالة في حدود قد إيه؟ وفيه متاجر بتقدم خدمة التقسيط زي بي تك ورزق الله.
• تاني حاجة حدد السعة اللي إنت محتاجها على حسب حجم أسرتك.
• قيس المكان اللي ناوي تحط فيه الغسالة عشان تعرف تشتري غسالة حجمها قد إيه؟ وماتزحملكش الدنيا.
• فيه ٣ أنواع غسالات وهي: غسالة علوية، وغسالة أمامية، وغسالة أمامية بمجفف.

لو عايز غسالة بسعر مناسب لكل الميزانيات، وحاجة سهلة في الاستخدام وموفرة في المسحوق يبقى اختار الغسالة اللي بتخميل علوي، لانها بتستخدم مسحوق عادي. مشكلة النوع ده إن كفاءة التجفيف أقل وصوتها عالي.

شوف غسالات علوية من هنا.

لو عايز غسالة بمميزات عصرية ومتطورة وبسعة كبيرة يبقى الغسالة الأمامية مناسبة ليك. النوع ده بيستهلك طاقة أقل ومياه أقل وكفاءة تجفيفها أعلى.

• لو محتاج غسالة بتوفر عليك تعب التجفيف وإنك تشتري مجفف منفصل، يبقى الغسالة الأمامية بمجفف مناسبة ليك، لكن النوع ده مش بيجفف بنفس كفاءة المجفف المنفصل وسعره مرتفع شوية.

شوف غسالات أمامية من هنا.

لوبتدور على غسالة مريحة ومتطور، اشتري غسالة بعدد ببرامج متعددة ومتنوعة زي برامج النقع والعصر والتجفيف وبرامج لغسل أنواع مختلفة من الأقمشة، وكمان يكون فيها أنظمة الماء الساخن والبارد.

شوف غسالة بمجفف من هنا.

أخيرًا، نخلي بالنا من

• اتأكد أن الغسالة معاها طرمبة لصرف المياه.
• اتأكد من مدة الضمان وإن الشركة بتوفر خدمة ما بعد البيع كويسة، وإن مراكز الصيانة وقطع الغيار متوفرة.
• اختار نوع بيوفر في الطاقة، زي تصنيف انيرجي ستار. عشان يوفر عليك في فاتورة الكهرباء.

شوف أنواع غسالات مختلفة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.