كتبت: مي سرور

كتير من الناس بيفضل وجود ديب فريزر عنده في بيته علشان بيسهّل حفظ الفواكه والخضروات بشكل كويس، وكتير كمان من الناس بيعتمد عليه في حفظ بواقي الأكل علشان يسخنّه في يوم تاني.

الديب فريزر بيحفظ كمان اللحوم والدواجن والأسماك لمدة طويلة، حتى الأم اللي بترضع تقدر من خلاله إنها تحفظ فيه رضعات لبن البيبي.

الديب فريزر فيه منه نوعين واحد رأسي، وده بيعتمد على وجود أدراج فيه بتساعد على حفظ الطعام وكمان بتساعد على تنظيم أنواعه كل نوع في درج، ونوع تاني قديم شوية وهو من غير أدراج وله فتحة علوية بيتم حفظ الطعام فيه برضه. لكن للأسف مش بيكون بنظام وكتير جدًا هنلاقي صعوبة من استخراج أكل معين خصوصًا إنه بيكون في قاع الديب فريزر.

هنتكلم النهارده عن ديب فريزر فريش الرأسي ٧ درج نوفروست، وهنتعرف من خلال الريفيو على مواصفاته ومميزاته وكمان عيوبه، وتقدر من خلالنا تعرف أحسن الأسعار ليه وكمان تطلبه من ياقوطة وهيوصل لغاية عندك في أسرع وقت.

أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

نقط مهم ناخد بالنا منها واحنا بنشتري الديب فريزر

• سعة الديب فريزر: يكون مناسب لعدد أفراد الأسرة وكمان كمية الأكل اللي هيتخزن.
• موديل الديب فريزر رأسي أو أفقي ونشوف المناسب أكتر لاستخدامنا.
• توفيره للطاقة.
• المكان المتوافر في المنزل للديب فريزر.
• الميزانية المتاحة.

المواصفات

المميزات

• نظام تبريد نوفروست اللي بيمنع تكون التلج.

• بيحافظ على المجمدات لفترة طويلة عند انقطاع الكهرباء، من خلال نظام مراوح التبريد الموجودة في الباب.

• خاصية التجميد السريع fast freezing : بتستخدم لتجميد أي لحوم أو أسماك أو عصائر خصوصًا لو كنا مستعجلين وعندنا سفر ومحتاجين نجمد الحاجات دي معانا.

• إضاءة داخلية LED تعمل أتوماتيكي عند فتح الباب.

• إنذار الباب المفتوح door alarm : واللي بترشد من استهلاك الطاقة، وبتدي إنذار لو الباب اتنسى لفترة، أو لو فيه أطفال فتحوا الديب فريزر يعرّف الأهل.

• شاشة تحكم خارجية ديجيتال.

• حجمه كبير وعدد الأدراج ٧ تسمح بترتيب المجمدات فيه وبكميات كبيرة.

• مناسب لأسرة كبيرة العدد وللمساحات الواسعة.

• شكله أنيق وتصميمه انسيابي يتماشي مع ديكور البيت العصري.

العيوب

• مش موفر للكهرباء.

• فيه مستخدمين شايفين إن كفاءة الديب فريزر فريش بتقل شوية بعد الاستخدام المطول.
• مساحة الأدراج مش كبيرة قوي.

خدمة ما بعد البيع

• خدمة العملاء: رقم خدمة العملاء 19059 وبالنسبة لمستوي الخدمة في آراء مختلفة عنها، لكن الرأي العام إن شركة فريش بتقدم خدمة عملاء مميزة وسريعة الاستجابة. المشكلة في خدمة ما بعد البيع بتظهر خارج القاهرة لأن بيكون التواصل عن طريق التوكيل التابع للشركة، وعمال الصيانة ليس لديهم خبرة فنية كافية لإصلاح بعض الأعطال.  
• الصيانة: لو واجهت أي مشكلة أو عطل في الديب فريزر تقدر تتواصل بكل سهولة مع خدمة العملاء.
• قطع الغيار: متوفرة ولكن بسعر عالي بالنسبة للأجزاء المستوردة

ممكن تشوف ديب فريزر فريش الرأسي ٧ درج من هنا.

ودي مجموعة نصائح لشراء الديب فريزر من هنا.

وتقدر تتعرف أكتر على أكتر ٧ ديب فريزر شهرة على ياقوطة من هنا.

وممكن تشوف موديلات الديب فريزر الرأسي من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.