كتبت: منى عوض

هنتكلم النهارده عن ماكينة الخياطة برازر JS1410، واحدة من أكتر الأجهزة المنزلية شعبية على ياقوطة. ومن خلال الريفيو ده هنتعرف أكتر على مواصفات ومميزات وكمان عيوب الماكينة دي، ولو عجبتك وعاوز تشتريها تقدر تعرف أحسن سعر ليها وكمان تطلبها من خلالنا وهتوصل لحد عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

• الموديل: JS1410.
• مادة الصنع: البلاستيك والمعادن.
• عدد الغرز: ١٤ غرزة.
• مراحل عمل العراوي: ٤ خطوات.
• إبرة الخياطة مدمجة مع الماكينة: نعم.
• لمبة الخياطة: LED.
• البلد المنشأ: فيتنام.
• الضمان: سنة.
• اللون: أبيض في أزرق.

المميزات

• ماكينة الخياطة سريعة وعملية وبتوفر الخصائص الأساسية اللازم وجودها في أي ماكينة خياطة، زي الضبط التلقائي للعروة، وغرز الديكور، وخياطة الأغطية، ووجود إبرة مزدوجة، ومميزات تانية كمان.
• مناسبة سواء لخياطة وتطريز هدوم جديدة أو لإصلاح المنسوجات كمان بسهولة من غير ما تحتاج لاستخدام ماكينات الخياطة التقيلة وكبيرة الحجم.
• بتتميز بوجود ١٤ نوع غرزة وقدرتها على حياكة العراوي في أربع خطوات بس. وتحديد تلقائي لطول وعرض غرز الخياطة.
• تقدر تتحكم في الماكينة بسهولة برجلك من خلال الدواسة اللي بييجي معاها، واللي بتساعدك في تحديد سرعة الخياطة.
• بتتميز باندماج إبرة الخياطة مع الماكينة، يعني مش هتحتاج تدور عليها ولا تشتريها.
• بتدعم وجود لمبة خياطة LED عشان تقدر تعرف إن الماكينة شغالة.
• سطح الخياطة قابل للطي بسهولة عشان يتناسب مع خياطة الكفاف والأكمام.
• بتتناسب مع جميع الفئات، سواء الخبراء أو المبتدئين، في عملية الخياطة.
• الماكينة شكلها رائع وخفيفة الوزن وسهلة الاستخدام، وكمان بييجي معاها كتالوج وأسطوانة DVD عشان تقدر تعرف تعليمات التشغيل وكمان تتعلم خطوات الخياطة واحدة واحدة.

العيوب

• مش بينفع معاها الأقمشة اللي خامتها تقيلة.
• القطع البلاستيكية في الماكينة خفيفة وسهلة الكسر.

تجربة المستخدم

• ماكينة الخياطة أدائها رائع وسلس وسريعة وعملية جدًا وسهلة الاستخدام، فمش هتحتاج لدورة تعليم خياطه عشان تستخدمها لأنها سهله جدًا خاصة بالنسبة للناس المبتدئة، وبتناسب كل أنواع الأقمشة بس الخفيفة مش التقيلة.
• خفيفة الوزن وسهل التنقل بيها وتخزينها في أي مكان في البيت، لأن شكلها حلو وبيتماشي مع أي ديكور بيت.

شوف ماكينة الخياطة برازر JS1410 من هنا.

ممكن كمان تشوف كمان نوع تاني من ماكينة الخياطة برازر وهو GS2700 اللي بيتميز تقريبًا بنفس مواصفات الماكينة JS1410 مع فرق إنها بتشتغل بالكمبيوتر (أوتوماتيك) وأنواع الغرز بتاعتها بتوصل لحد ٢٧ غرزة أما أقصى عرض للغرزة بيوصل طوله لحد ٥ مم وفيها كمان تحكم في طول وعرض الغرزة وكمان هتخليك تقدر تعمل العراوي بشكل أوتوماتيكي على مرحلة واحدة، بس سعرها أغلى شوية من الماكينة التانية.

شوف ماكينة الخياطة برازر GS2700 من هنا.

شوفوا أنواع تانية من ماكينات الخياطة من هنا.

عايزين تعرفوا كل حاجة متعلقة بالهاند ميد شوفوا المقال ده.

شوفوا كمان دليل ياقوطة لمعرفة المنتجات غير الأصلية من هنا.