كتبت: منى عوض

مهما العالم تطور واخترع غسالات أشكال وألوان وبرامج متعددة، هتفضل الغسالات الهاف أوتوماتيك مختلفة دايمًا في مستوى نظافة الملابس اللي بتقدمها وتوفيرها في المسحوق وفي الكهرباء والمياه، لكنها مرهقة جدًا وبتستهلك وقت ومجهود أكتر من نظيرتها الأوتوماتيك والفوق أوتوماتيك.

وبما إننا اتكلمنا عن الغسالات الهاف أوتوماتيك، خلينا نذكر غسالة ملابس هاف أوتوماتيك من توشيبا، 10 كيلو ، VH-1000 ونتكلم بالتفصيل أكتر عن مواصفاتها ومميزاتها وعيوبها. ولو لاقيت إنها مناسبة لاحتياجاتك وحبيت تشتريها، تقدر تعرف أحسن سعر ليها وتقدر كمان تطلبها من خلالنا في ياقوطة وهتوصل لحد مكانك في أسرع وقت ممكن.

بنفكرك إنك ممكن تشتري غسالة ملابس تحميل علوي من توشيبا، 10 كيلو ، VH-1000 من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مواصفات غسالة ملابس هاف أوتوماتيك من توشيبا، 10 كيلو ، VH-1000

• العلامة التجارية: توشيبا.
• نوع الغسالة: هاف أوتوماتيك.
• موديل الغسالة: VH-1000.
• سعة حوض الغسيل: 10 كيلوجرام.
• معدل الدوران: 1400 لفة في الدقيقة.
• وزن الغسالة: 33 كيلوجرام.
• أبعاد الغسالة: 82.8 × 49.4 × 99.2 سم.
• بلد الصُنع: مصر.
• الضمان: 5 أعوام.

مزايا غسالة ملابس هاف أوتوماتيك من توشيبا، 10 كيلو ، VH-1000

• الغسالة بتيجي بسعة 10 كيلو بحيث تقدر تغسل فيها كميات الغسيل اللي إنت عايزها وأنواع الأقمشة المختلفة بمنتهى السهولة.
• الغسالة مزودة بحلة عصر تقدر تحط فيها الملابس المختلفة وهي هتعصر الهدوم بشكل كويس جدًا.
• تقدر تستخدم معاها أي نوع مسحوق إنت عايزه سواء غالي أو رخيص، وحقيقي هي موفرة جدًا في استهلاك المسحوق.
• الغسالة مزودة بـ 2 موتور واحد مخصص لحلة الغسيل والآخر مخصص لحلة العصر.
• الغسالة بتشتغل بنظام الدوامات في الاتجاهين بحيث تقدملك مستوى تنظيف عالي.
• الغسالة بتيجي بزمن مخصص للغسيل مدته تصل إلى 15 دقيقة ومؤقت التجفيف بيصل إلى 5 دقائق.
• لوحة تحكم مضاده تماماً للماء.
• الغسال فيها دورة نقع للغسيل.
• مروحه مضاده للبكتيريا.
• غطاء شفاف لحلة العصر بحيث تراقب الهدوم زي ما إنت عايز وبمنتهى السهولة.

عيوب غسالة ملابس هاف أوتوماتيك من توشيبا، 10 كيلو ، VH-1000

• غسالات الهاف أوتوماتيك مش موفرة في الوقت خالص ومرهقة جدًا لأنك هتحتاج تعمل كل مرحلة بإيدك، بمعنى إنك هتحتاج تنقل الهدوم من حلة الغسيل لحلة العصر وبعدين تشيلها تشطفها وبعدين ترجع تحطها في حلة العصر تاني وهكذا.
• مفيهاش برامج على عكس غسالات الأوتوماتيك اللي بتيجي ببرامج متعددة تناسب الأقمشة والاستخدامات المختلفة.
• محتاج تاخد بالك وإنت بتحط الهدوم في حلة العصر لأن المياه لما بتيجي على موتور العصر ممكن تتسبب في تلفه أو حرقه.
• صوتها عالي.

تجربة المُستخدم لغسالة ملابس هاف أوتوماتيك من توشيبا، 10 كيلو، VH-1000

• الحمدلله مندمتش إني اشتريتها.
• الغسالة بتوفرلي تنظيف جيد وسرعة فى الغسيل وكمان قطع غيارها رخيصة، وبصراحة أنا بفضلها دايمًا عن الأوتوماتيك.

خدمات ما بعد البيع لغسالة ملابس هاف أوتوماتيك من توشيبا، 10 كيلو، VH-1000

• تقدر تتواصل مع خدمة عملاء العربي جروب على الخط الساخن 19319، لو واجهت أي مشاكل في الغسالة أو حبيت تسألهم على أي حاجة.
• مراكز خدمة العربي جروب متوفرة في شتى أنحاء محافظات الجمهورية وبيوفروا أي قطع غيار ممكن تحتاجها سواء كان الجهاز داخل الضمان أو خارجه.

شوف عروض غسالة ملابس هاف أوتوماتيك من توشيبا، 10 كيلو، VH-1000 المختلفة المتوفرة على ياقوطة من هنا.

شوف عروض غسالات الملابس المختلفة المتوفرة على ياقوطة من هنا.

اعرف مع ياقوطة أهمية الغسالات الهاف أوتوماتيك وإزاي نختار بينهم.

شوف نصائح ياقوطة لاختيار الغسالة المناسبة.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.