كتبت: منى عوض

لو ناوي تشتري غسالة، لازم تحط في بالك شوية اعتبارات تاخد بالك منها وتحدد شوية حاجات قبل ما تشتري، زي مثلًا احتياجاتك من الغسالة دي عاملة إزاي ونوع الغسالة وميزانيتك وحاجات تانية كتير.

وعشان ماتبقاش محتار ولا تفكر كتير، ياقوطة هتستعرض النهارده أهم النصائح والحاجات اللي لازم تاخد بالك منها وتحطها في بالك قبل ما تشتري الغسالة وأثناء شرائها كمان، عشان تضمن أنها هتبقى غسالة العمر كله.

بنفكرك إنك ممكن تشتري الغسالة من خلال شهري أول وأسهل تطبيق تقسيط في مصر، واللي مش بيحتاج منك غير صورة البطاقة  وبس، ومن غير زيارة، ولا ضامن، واستمتع كمان بتوصيل مجاني لكل مشترياتك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

نصائح ضروري إتباعها قبل شراء الغسالة

• قبل ما تاخد خطوة الشراء، طبيعي إنك تكون محدد شكل ونوع الغسالة اللي إنت عايزها بمعنى أنت عايزها غسالة عادية ولا هاف أوتوماتيك ولا فوق أوتوماتيك وعايزها تكون تحميل علوي ولا أمامي، وكل دا بيتحدد بناء على احتياجاتك واستخدماتك وهتقدر تتكيف مع مزايا وعيوب أنهي غسالة.
• سعة التحميل ودي تقدر تحددها بناء على استخداماتك وعدد أفراد أسرتك، فإذا كان عدد أفراد أسرتك كبير يبقى إنت محتاج غسالة سعتها كبيرة وبتقدر تستوعب كميات كبيرة من الغسيل، أما بقى لو كانت عدد أفراد الأسرة صغير يبقى الغسالات الصغيرة أو المتوسطة الحجم ممكن تبقى مناسبة.
• حجم الغسالة وده تقدر تحدده بناءً على المساحة اللي هتحط فيها الغسالة، وبالتالي قبل ما تشتري هتحتاج تاخد مقاسات المكان اللي هتتحط فيه الغسالة وتحسب بالتالي الحجم الأنسب للغسالة.
• لازم تحدد أهم برامج الغسالة اللي هتكون محتاجها وتشوف الغسالة وأنت بتشتري بتدعم البرامج دي أو لأ.
• حدد أنت محتاج مجفف أو لأ يعني لو كنت من الناس المشغولة على طول ومعندكش وقت تنشر الغسيل يبقى فكرة الغسالة الملحقة بمجفف هتكون كويسة جدًا بالنسبالك.
• الكفاءة في استخدام الطاقة والمياه بتلعب دور مهم في اختيار الغسالة، بمعنى أن الغسالة الاقتصادية مثلاً ناس كتير بتلجأ لشرائها وبيعتبروها أكتر غسالة موفرة ومناسبة على المدى الطويل وهكذا.
• حدد إن كنت محتاج أي مزايا إضافية في الغسالة زي مثلاً أنها تكون بتدي إشعار تنبيه بمجرد انتهاء دورة الغسيل أو بتبعتلك إشعارات تنبيه على الموبايل وغيرها من المزايا.
• الميزانية اللي أنت محددها بتلعب دور مهم أيضًا في عملية اختيار الغسالة.
• أول ما تختار الغسالة هتبدأ تدخل في دوامة اختيار مسحوق الغسيل المناسب، بس خد بالك أن الغسالات التحميل الأمامي مش بيشتغل معاها غير مسحوق الغسالات الأوتوماتيك واللي بيكون غالي شوية عادة، على عكس غسالات التحميل العلوي اللي بتقبل المسحوق العادي ومسحوق الأتوماتيك يعني براحتك وحسب ميزانيتك.
• خدمات الصيانة وما بعد البيع واحدة من الحاجات اللي ممكن تدفعك للشراء أو تخليك تصرف نظر تمامًا عن غسالة معينة.
• لو حددت الغسالة اللي أنت عايزها خلاص، ادخل اقرأ كل التعليقات والمراجعات اللي اتعملت عن الغسالة دي عشان تعرف أيه هي المميزات والعيوب اللي ظهرت أثناء الاستخدام وتقدر تحدد هتقدر تتعايش معاها عادي أو لأ.
• الغسالة ممكن تتعرض لأي تلف أو كسر أثناء عملية النقل والتركيب، عشان كدا الخطوة دي لازم تاخد بالك منها كويس جدًا وتحدد طريقة النقل المناسبة والوقت والمكان وكل حاجة.
• افحص كل جزء في الغسالة كويس جدًا واتأكد أنها كلها سليمة وأنها شغالة قبل ما تمضي على ورق الاستلام.

ممكن تشوف الموديلات المختلفة للغسالات من هنا.

عايز تشتري غسالة ومحتار، اقرأ دليل ياقوطة لاختيار غسالة الملابس المناسبة.

والمقال ده بيضم قائمة بأهم مواصفات الغسالة.

محتار يبقى اعرف من هنا تشتري غسالة تحميل علوي، ولا تحميل أمامي؟

والمقال دا بقى ياقوطة بتقدملك من خلاله دليل تنظيف وصيانة الغسالة في البيت.

وده بقى مقال بيوضح تاريخ الغسالات: ما بين الماضي والحاضر.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.