مراجعة غسالة يونيون اير فوق أوتوماتيك ١٠ كجم
كتب: خالد عاصم
بعد سنين طويلة من وجود الغسالات الأوتوماتيك بتصميم التحميل الأمامي، ظهرت غسالات التحميل العلوي أو الفوق أوتوماتيك اللي قدمت بديل ممتاز جدًا انها أرخص من غسالات التحميل الأمامية، وكمان مش بتقل كتير عنها من حيث الإمكانيات وبرامج الغسيل ده غير إنها بتشتغل على أي مسحوق ودلوقتي بقى ليها مسحوق خاص وأرخص من مسحوق الغسالات الأوتوماتيك العادية.
ومن بين غسالات التحميل العلوي أو الفوق أوتوماتيك اللي حققت انتشار كبير الفترة اللي فاتت، غسالة يونيون اير فوق أوتوماتيك ١٠ كجم اللي هنتكلم عنها بالتفصيل في المقال ده.
ولو أي غسالة من اللي هنتكلم عنهم عجبتكم هتقدروا تطلبوها من خلالنا في ياقوطة وهتوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
غسالة يونيون اير فوق أوتوماتيك ١٠ كجم
بتتميز غسالة يونيون اير فوق أوتوماتيك ١٠ كجم بمميزات عديدة جدًا، أولها كونها غسالة فوق أوتوماتيك بتقدم إمكانيات كويسة جدًا في مقال سعر أقل بكتير من الغسالات الأوتوماتيك ودي ميزة مثالية للميزانيات المتوسطة. والغسالة بتتميز بسعة كبير ١٠ كيلو جرام وده معناه إنها هتكون مناسبة للعائلات من المتوسطة للكبيرة أو الأفراد اللي مش عايزين يستهلكوا الغسالة لمرات كتير خلال الأسبوع الواحد، ودي ميزة مقابل الغسالات سعة 8 كيلو جرام بس وإن كانت الأخيرة بتتميز بإنها حل أرخص كمان للميزانيات الأقل.
الغسالة مصنوعة من هيكل من البلاستيك وكتير من أجزاءها الخارجية وبعض الداخلية من البلاستيك ودي ميزة مهمة لأنها معناها إنها عمرها ما هيجيلها بارومة ودي حاجة ممكن تخليها تعيش لسنين طويلة لو قدرت تحافظ عليها. أما الحلة الداخلية فمصنوعة من الستانليس ستيل يعني مستحيل تصدي أو تتأثر من المياه أو تأثر على الغسيل بأي شكل من الأشكال. والحلة بتتميز بتصميم بيزود من فعاليتها في الغسيل وكمان بيحافظ على الغسيل نفسه من إنه يتقطع أو يتشد خلال عمليات الغسيل.
الغسالة بتدعم اكتر من برنامج مناسبين لكل أنواع الأقمشة ولكل أشكال البقع، يعني فيه برامج بتاخد وقت أطول بس بتنضف بعمق شديد جدًا، وكمان فيه برامج عديدة أخف منها برنامج مخصص للأقمشة الخفيفة أو البقع البسيطة، ده غير إمكانية النقع بس أو الشطف بس أو العصر بس، مع العلم إن الغسالة مفيهاش مجفف وخاصية التجفيف الهوائي مش فعالة بشكل حقيقي.
الغسالة كمان بتدعم خاصية الغسيل بالفقاعات ودي بتحافظ على الهدوم خلال عملية الغسيل وفعالة جدًا على مستوى لتنضيف لإنها بتتوغل في القماش عشان تتخلص من لبقع بشكل كامل مع الحفاظ على نسيج الغسيل من غير أي ضرر. كمان الغسالة فيها خاصية تأجيل التشغيل واللي ممكن تظبطها على وقت معين تبدأ فيه الغسيل حتى لو انت نايم أو بره البيت.
والغسالة تصميمها عصري جدًا وشيك وهتضيف لمسة جميلة للمكان اللي هتتحط فيه، ده غير إنها متوفرة بأكتر من لون وفيها شاشة رقمية صغيرة لعرض وقت دورة الغسيل والحالة والمشكلات.
أما عن عيوب الغسالة فأكيد موجودة لأن مفيش أي جهاز مفيهوش عيوب بطبيعة الحال، ومن بين عيوب غسالة يونيون اير فوق أوتوماتيك 10 كجم أولًا إن صوتها بيكون عالي في بعض الأوقات خصوصًا في مرحلة العصر، وكمان مفيهاش مجفف ودي سمة شائعة في النوع ده من الغسالات، وكمان في أوقات كتير ممكن الهدوم تشبك في بعضها وده برضه بيحصل كتير في الغسالات الفوق أوتوماتيك، وأخيرًا في بعض الملاحظات على أداء خدمة العملاء وإن كانت كتير من العملاء مسجلوش أي شكاوى من الخدمة.
الضمان وخدمات ما بعد البيع
يونيون اير بتضمن غسالتها دي بضمان لمدة عامين، وتقدر تتواصل مع خدمة عملاء وما بعد البيع لشركة يونيون اير من خلال الاتصال على رقم ١٩٠١٢.
اتعرف على عروض أسعار غسالة يونيون اير فوق أوتوماتيك ١٠ كجم من هنا.
اتعرف على عروض أسعار مختلف منتجات يونيون اير على ياقوطة من هنا.
اتعرف على عروض أسعار مختلف الغسالات المتوفرة على ياقوطة من هنا.
اتعرف على عروض أسعار مختلف الأجهزة المنزلية المتوفرة على ياقوطة من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.
عن كاتب المقال
خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.