كتبت: نسمة حمودة

عمرك سألت نفسك إزاي في ناس أول ما يحطوا راسهم على المخدة بيغوصوا في نوم عميق بسرعة كده من غير حاجة؟ لو انت واحد من الناس دي يبقى انت محظوظ، ويمكن يكون المقال ده مش ليك (بس اقراه برضه ممكن يساعد لما تحتاجه). المقال ده للناس اللي بتعاني من الأرق، الناس اللي كل اللي حواليهم نايمين وهم بيسألوا نفسهم كيف بدأ الخلق.

صحتنا هي أهم مسؤولياتنا وفي أكتر من طريقة نعتني بيها من خلالها، أحد أهم الطرق دي هي النوم لأنه بيأثر على مستويات الطاقة، وكمان بيأثر على موودنا وحالتنا النفسية في خلال باقي اليوم. مؤسسة النوم الوطنية الأمريكية بتقول إن البالغين المفروض يحصلوا على من ٧ إلى ٩ ساعات نوم يوميًا، والمفروض يحصلوا عليها بالليل لأن ده الوقت اللي بترتفع فيه معدلات هرمون الميلاتونين، والأطفال المفروض يناموا أكتر كمان على حسب مرحلتهم العمرية.

عشان في طرق بسيطة تقدر تساعدنا نزوّد جودة نومنا، منها إننا نبعد بقدر المستطاع أجهزتنا الإلكترونية عشان الضوء بتاعها بيزعج دورات نومنا، ومنها إننا ما نتقّلش في الأكل قبل النوم. النهارده ياقوطة بتقدملك أكتر من طريقة عشان تساعدك تنام زي الأطفال كل ليلة.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

١- مجموعة الشموع الإلكترونية 

الميلاتونين هو الهرمون المسؤول عن ساعات أجسامنا البيولوجية ودورات نومنا. معدلاته في أجسامنا بترتفع مع الضوء الخافت عشان كده من الأفضل نقلل النورعلى قد ما نقدر قبل معاد نومنا بساعة. مجموعة الشموع الإلكترونية دي هتساعدك تنفذ ده بسهولة كل يوم.

شوف مجموعة الشموع الإلكترونية من هنا.

٢- مشروب Zavvazi Chamomile Natural Herbs المهدئ للأعصاب

 زي ما القهوة بتساعدك على الصحيان في مشروبات مختلفة بتساعدك على النوم. الكاموميل معروف عالميًا بقدرته إنه يهدي أعصابنا ويساعدنا إننا ننام نوم عميق، حاول تشرب كباية يوميًا قبل معاد نومك بوقت بسيط.

شوف Zavvazi Chamomile Natural Herbs من هنا.

٣- غطاء لحاف وكيس وسادة

مهم جدًا إنك تكون مرتاح في سريرك. القطن بيساعدك على تظبيط درجة حرارة جسمك خصوصًا في حر الصيف وبالتالي بيساعد على إن نومك يكون أعمق، عشان كده مهم إن ملاياتك تكون من القطن، زوّد فرص إنك تكون مرتاح في سريرك أكتر بإن يكون طقم سريرك ألوانه مريحة زي ده.

شوف غطاء لحاف وكيس وسادة من هنا.

٤– زيت اللافندر

الأروماثيرابي ليه تأثيره على تغيير موودك واللافندر يُعتبر ملك الأروماثيرابي في مجال الاسترخاء. تقدر تستخدم زيت اللافندر بأنك تعمل مساج خفيف لصدغ راسك به (يمين وشمال الجبين) أو إنك ترش نقط صغيرة منه في مكان قريب يسمحلك تشم ريحته من سريرك.

شوف زيت اللافندر من هنا.

٥- المخدة

المخدة تُعتبر سرير لراسك، وعشان كده مهم جدًا إن تكون مخدتك طرية ومريحة. «سامي مارجو» بتشتغل في العلاج الطبيعي ومعاها درجة ماجستير، بتقول إن الناس بيقللوا من أهمية إن يكون عندك المخدة الصح وقد إيه هي بتفرق في جودة نومهم، وبالتالي بتفرق في موودهم العام خلال باقي اليوم. ما تكونش من الناس دي وهات مخدة مريحة زي دي.

شوف مخدة كلاسيك من هنا.

٦- قناع النوم

زي ما احنا عارفين الميلاتونين معدلاته بترتفع كل ما النور يقل، وعشان كده مهم جدًا إن الأوضة اللي هتنام فيها تكون ضلمة على قد ما تقدر. أوقات بيفضل فيه نور خفيف داخل من أوضة تانية أو من بره وساعتها تقدر تستخدم منتج زي ده. 

شوف قناع للنوم من هنا.

٧- المرتبة

وأخيرًا، لأن النوم بجودة عالية يعتبر استثمار في جودة حياتك كلها. أهم استثمار تقدر تعمله هو في مرتبة صحية كويسة تضمنلك إنك تفضل مرتاح في النوم، وتصحى من غير أي ألم أو أي مشاكل في أي جزء من جسمك. تقدر تستثمر في مرتبة زي دي.

شوف مرتبة سرير بنوابض من هنا.

ياقوطة بتتمنى لك نوم سعيد، تصبح على خير.