كتبت: صفاء مجدي

الأيام دي بالنسبة لناس كتير هي الموسم الرسمي للأفراح والارتباط وعند ناس تانية هي موسم الساحل وصور الساحل على السوشيال ميديا، لكن لو كان عمرك حوالي 16-17 سنة فأنت زمانك غرقان في موال تاني خالص ميقلش أهمية عن موسم الجواز وصور الساحل وهو طبعًا موسم نتيجة الثانوية العامة واللي بيشاركك فيه أهلك وأصحابك كلهم وبمجرد ظهور النتيجة هتلاقي البلد كلها بتحاول توصل لك أنت وأهلك عشان يتطمنوا على النتيجة.

ومهما كانت نتيجتك فأنت أكيد تستحق هدية يا بطل على نجاحك وتعبك طول السنة، في الموضوع دا هتلاقي 10 أفكار لهدايا متنوعة وبأسعار مختلفة لطلاب الثانوية العامة.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

ياقوطة بتقولك ألف مبروك! وموسم نتيجة الثانوية العامة لناس كتير -منهم أنا- كانت بداية لتكوين رأس مالي اللي كونت بيه نفسي في سنة أولى جامعة.

لو ابنك/ابنتك خلص الثانوية العامة ونجح هيكون شيء لطيف لما تجيب له هدية تفرحه، وممكن تكون حاجة تساعده في بداية حياته الجامعية مش ضروري تكون هدية غالية الأهم أنك تفرحه وتقوله مبروك على تعبك.

1. اطلع الساحل.. سافر رأس البر

من أحسن الهدايا في الفترة الحالية في حياتك هي الروقان والاستجمام بعد الضغط العصبي بتاع الامتحانات وانتظارالنتيجة، السفر بيحقق الهدف دا بسهولة.. وسواء كان السفر إلى الساحل أو الاسكندرية أو رأس البر.. أو لأي مكان المهم يكون مريح وبتحبه، أنت في أمس الحاجة إلى فسحة، وصوت موج البحر، ورمل ناعم من تحت رجلك ويمكن صوت بياع فريسكا في الخلفية. لو مش بتحب البحر سافر  لمكان فيه زرع أخضر ونيل وهدوء واستمتع بطريقتك الخاصة.. المهم ترجع مبسوط.

قد يعجبك: لعشاق السفر..راحتك علينا

2. لاب توب

لو مكنش عندك لاب توب بالفعل فآن الأوان يكون عندك واحد ملكك أنت؛ وده لأنه من الأدوات الأساسية اللي هتحتاجها في الجامعة وهتعتمد عليه بشكل كبير في الدراسة والبحث. كمان أسعار اللابتوبات دلوقتي بقت تقريبًا بتناسب معظم الميزانيات، ولو أهلك مش قادرين على اللف والفرهدة في الحر، افتح لهم ياقوطة.كوم وقارن الأسعار، واشتري لابتوب أونلاين يوصلك لحد البيت، واختار الدفع عند الاستلام عشان يكونوا مطمئنين.

شوف أنواع لابتوب مختلف من هنا، يبدأ السعر من 2375 جنيه مصري.

اقرأ أيضًا: دليل ياقوطة لأنظمة التقسيط من متاجر مختلفة

3. تابلت

أجهزة التابلت الحديثة بقت سريعة وفيها مساحة تخزين كبيرة وممكن تقوم بأغلب مهام اللابتوب، وفي منها نوع تابلت متحول ( 2 في 1) من ماركات زي أسوس، لينوفو.. وفكرته ببساطة أنه يعمل لابتوب ودا لما تركب له لوحة المفاتيح، ويعمل تابلت لما تخلع منه لوحة المفاتيح. التابلت عمومًا أخف وزنًا وكمان سهل تتحرك بيه في أي مكان، ممكن تلاقي منها أنواع أرخص من اللابتوب.

شوف أنواع تابلت مختلفة من هنا، يبدأ السعر  من 799 جنيه مصري.

قد يعجبك أيضًا: تابلت تناسب جميع الميزانيات

4. موبايل

يعتبر الموبايل من الأساسيات في المرحلة دي من حياتك؛ لأنك شوية بشوية هتكون مستقل بنفسك وخروجاتك لوحدك وتقضي مشاويرك بنفسك من غير أهلك فمن باب إنك تطمنهم عليك لازم يكون لك الموبايل الخاص بيك، وفي احتمال تكون جامعتك في مدينة تانية.. هتحتاج الموبايل في حاجات كثيرة زي أنك مثلًا تستخدم فيه التطبيقات الهامة لك أثناء الدراسة زي تطبيقات تنظيم الوقت، تحرير المستندات..إلخ، وممكن مشاهدة فيديوهات تعليمية أو ترفيهية في موقع يوتيوب.

شاهد أنواع موبايل مختلفة من هنا، يبدأ السعر من 700 جنيه مصري.

5. لبس جديد

سبق وقلنا إنك خلاص داخل مرحلة جديدة، غالبًا كل مرحلة جديدة في حياتك سواء كانت جامعة أو شغل أو جواز هتحتاج منك ملابس جديدة. في ناس شايفة أن هدية الملابس الجديدة هتعجب البنات بالذات ولكنها مهمة للولد بنفس القدر، خذ الحاج والحاجة من ايدهم كده وادخلوا على ياقوطة شوف لك قميص جديد.. فستان حلو .. طقم فورمال للمناسبات الرسمية .. وطقمين تلاتة كاجوال للجامعة.

شاهد ملابس للشباب من هنا، يبدأ السعر من 225 جنيه مصري.

شاهد ملابس للفتيات من هنا، يبدأ السعر من 239 جنيه مصري.

6. ألعاب الكترونية

مش معنى إننا قلنا لك أنك دخلت على مرحلة جديدة أنك تنسى الحاجات الحلوة اللي بتفرحك واللي عمرك ما هتكبر عليها زي لعب البلاي ستيشن، و الاكس بوكس  وغيرها. ابسط نفسك وادخل على الحاج أو الحاجة وهو في ساعة روقان كده مع كوباية شاي في ايدك وافتح موضوع البلاستيشن الجديد، ولو كان عندك بلاي ستيشن بالفعل اطلب أسطوانات لعب جديدة ومتخليش في نفسك حاجة.

شوف بلاي ستيشن من هنا، يبدأ السعر من 2100 جنيه مصري.

شوف اكس بوكس من هنا، يبدأ السعر من 5499 جنيه مصري.

قد يهمك أيضًا: أفضل أجهزة ألعاب الفيديو

7. خد حقك ناشف

دي غالبًا حاجة من الحاجات اللي هتيجي كده كده من حد من معارفك، من عمك أو من خالك أو من جدو اللي بيحبك. متستقلش بالمبلغ أي كان وحط القرش على القرش وابدأ كون نفسك. اصرف شوية في خروجات مع أصحابك، في السينما، ولا يومين سفر هنا ولا هنا لكن برده اعمل حسابك وحاول تعين شوية فلوس يساعدوك في مشاويرك وطلباتك في الجامعة لأنه من ملامح المرحلة الجديدة يا بطل: تحمل المسؤولية.

8. محفظة جلد محترمة

طالما هتحوش فلوس وتكون من أصحاب الأموال فأنت أكيد في حاجة لمحفظة حلوة، وسيبك من المحافظ اللي عليها سابق ولاحق، وبين تن، و سبايدر مان، و لا حتى ازميرالدا. ولو حد سألك عايز ايه هدية اطلب بلقب جامد ، محفظة شيك ومحترمة تلم فيها شقا عمرك.

شوف أنواع محافظ جلدية للشباب من هنا، يبدأ السعر من 55 جنيه مصري.

شوف أنواع محافظ جلدية للفتيات من هنا، يبدأ السعر من 37 جنيه مصري.

9. ساعة يد

بصراحة لو حد سألك الساعة كام فأنت في أغلب الأحيان هتبص في الموبايل .. صح؟ أنت مش لوحدك… معظمنا كده لكن ساعات اليد لسه موجودة في الوجود وهي أولًا وأخيرًا شياكة وقيمة وسيما وهتليق على الطقمين الجداد اللي جبتهم. فإن كنت من أصحاب المجاميع العالية فأنت يحق لك كل الحق أنك تشتري ساعة محترمة تزيدك شياقة وأناقة.

شاهد أنواع ساعات اليد الرجالي من هنا، يبدأ السعر من 275 جنيه مصري.

شاهد أنواع ساعات اليد الحريمي من هنا، يبدأ السعر من 250 جنيه مصري.

10. ذهب…ياقوت… مرجان!

لو كان أهلك من أصحاب مدرسة «القرش الأبيض ينفع في اليوم الأسود» فغالبًا بابا هيديك حقك ناشف، بس أنت خلاص كبرت وهترفض أن حد يقولك « هاتهم هحوشهولك »! بما أنك كبرت ممكن تطلب تعديل على شكل الهدية واقترح عليهم تشتري جنيهات ذهب، والبنت ممكن تفضل تشتري خاتم أو سلسلة أو أي مشغولات ذهبية لكن من مميزات الجنيهات ذهب أنها استثمار ممتاز للفلوس، واتفرج على فلوسك وهي بتزيد كل يوم بارتفاع أسعار الذهب.

وأخيرًا… مهما كان مجموعك ياقوطة فخورة بيك وبتقولك ألف مبروك! ومتنساش تشير المقال ده على وول الحاج والحاجة.

دي كانت أفكار لهدايا متنوعة لكن أنت ممكن تبحث في ياقوطة عن أي حاجة وممكن تطلبها وتشتريها أونلاين وادفع عند الاستلام وهتوصلك لحد باب البيت.

قد تنفد المنتجات من المتاجر – out of stock-  في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com في فيسبوك