هتروح فين في الأجازة؟
كتبت: دينا أمير
أجازة الشتا قربت وكلنا تعبانين من الشغل أو الدراسة طول السنة، وعشان الأجازة ما تضيعش على الفاضي فلازم نستغلها كويس ونغير جو حتى لو بأبسط الإمكانيات. وعشان ارتفاع سعر الدولار واليورو أثر على قدرة البعض إنه يسافر بره مصر، ياقوطة حضرتلك قائمة مع (عبد الرحمن عمرو) أحد مؤسسي مشروع سفر، واللي هيقولنا الأماكن اللي ممكن تروحها جوه مصر سواء مع أهلك، أصحابك، أو مراتك، وحسب عدد أيام أجازتك كمان.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
لو أجازة مع عيلتك
لوالأجازة يوم واحد:
عبد الرحمن قالنا إن من أسهل الأماكن وأكترها شيوعًا هي إسكندرية، هناك ممكن تتغدوا على البحر وتاكلوا آيس كريم وتتمشوا على كوبري ستانلي وترجعوا بالقطر بالليل، وفيها أماكن ممكن تزورها كمان زي قلعة قايتباي والمنتزه.
العين السخنة قريبة من القاهرة وممكن تأجروا شاليه في بورتو سخنة، وهناك فيه مطاعم ومحلات وتليفريك ده غير قعدة البحر.
إسماعيلية قريبة وممكن في خلال ساعتين تكون هناك وتاكل أكلة سمك حلوة.
شوف هنا شنطة لاحتياجات السفر تبدأ من 150 جنيه مصري، وممكن تشوف مقارنات أسعارها من هنا.
وممكن تشوف جاكت رجالي من هنا يبدأ من 350 جنيه مصري، وممكن تشوف مقارنات أسعاره من هنا.
لو الأجازة من 3-4 أيام:
عبد الرحمن قالنا الغردقة اختيار هايل لأسرة لو عندهم ويك إند طويل، لأن الجو بيكون دافي وفيه فنادق بتقدم خدمات ونشاطات مختلفة. عبد الرحمن رشح فندق علي بابا في الغردقة لأن مساحته كبيرة، وفيه عروض ونشاطات ترفيهية كتيرة ومطاعم.
شرم الشيخ وخليج نعمة من أجمل الأماكن اللي ممكن تزوروها بس هي أبعد من الغردقة شوية.
حذاء أطفال أسود من هنا يبدأ من 155 جنيه مصري، وممكن تشوف مقارنات أسعاره من هنا.
جاكيت أطفال بغطاء رأس من هنا يبدأ من 225 جنيه مصري، وممكن تشوف مقارنات أسعاره من هنا.
لو أجازتك أسبوع أو أكتر:
الأقصر وأسوان من أفضل الأماكن الأسرية عشان المعالم السياحية والمعابد، زي فيلة، الكرنك، السد العالي، متحف النوبة وجُزر في النيل، ده غير الأكل والأسواق وملابس أهل البلد.
ممكن تقرأ: إزاي تحضر شنطة السفر، وتختارها ازاي.
لو أجازة مع أصحابك:
لو الأجازة يوم واحد:
الفيوم هتبقى اختيار سهل ومش مكلف، وكمان هتزوروا بحيرة قارون.
وممكن وادي دجلة مش بعيد وجوه القاهرة، بس مختلفة عشان هي محمية طبيعية.
وممكن تتسلق جبال صخرية هناك وتعمل camping أو تخييم في قلب الجبل.
العين السخنة كمان أو إسكندرية ممكن يكونوا من ضمن اختياراتكم.
حذاء كاجوال أسود للجنسين من هنا يبدأ من 90 جنيه مصري، وممكن تشوف مقارنات أسعاره من هنا.
لو الأجازة 3-4 أيام:
سانت كاترين هي أجمل مكان ممكن تروحه مع أصحابك زي ما عبد الرحمن قالنا سواء هتتسلق الجبل أو لأ رغم إن تسلق الجبل هيخليك تستمتع بالتجربة كاملة، وبمناظر طبيعية، وتشوف الشروق والغروب.
دير سانت كاترين والفنادق البسيطة هناك هتخليك تغير جو خالص، وممكن تشوي ويبقى فيه قعدات بدوية.
هتلاقي هنا أدوات كتير هتحتاجها في السفر.
لو أجازتك أسبوع أو أكتر:
دهب من أفضل الاختيارات لإن الجو هناك دافي جدًا، والمدينة متكاملة فيها كل حاجة ومن غير زحمة، وهتلاقي كل المطاعم والكافيهات ويمكن أرخص من القاهرة كمان.
النوبة مناسبة جدًا لأنها مختلفة وفيها أماكن كتيرة تلف فيها وتزورها وستايل حياة مختلفة جدًا، ولبس بسيط وكمان مش مكلفة.
في أماكن زي غرب سهيل مثلًا ودي هتلاقي فيها بيوت بطراز نوبي ملونة، ورقص وغناء نوبي وجزيرة اجيليكا.
الجونة مناسبة جدًا ودافية جدًا في الشتاء بس الجو ساقع شوية بالليل. المطاعم والحفلات الليلية متاحة فمش هتلاقي وقت للزهق خالص.
كاميرا فوجي instax mini 70 تبدأ من 1799 جنيه مصري، وممكن تشوف مقارنات أسعارها من هنا.
لو شهر عسل، أو سفرية رومانسية مع مراتك:
لو أجازتك يوم واحد:
عبد الرحمن قالنا على قرية تونس في الفيوم لأنها هادية جدًا وهتقدر تستمتع بالوقت في جمال الطبيعة، وفي فندق في وسط الجبال بعيد عن الزحمة والناس الكتير.
ممكن تعرف هنا إزاي تختار أفضل حقيبة ظهر مناسبة ليك.
لو أجازتك 3-4 أيام:
عبد الرحمن قالنا الصحراء البيضاء أو الواحات ممكن تكون بعيدة شوية بس أكيد رومانسية جدًا في الهدوء والطبيعة، ومناسبة جدًا للشتاء وهتكون دافية الصبح، وهناك في فنادق بسيطة وأنشطة قليلة عشان تستمتعوا بالوقت.
كشاف يد من ايكيا من هنا تبدأ من 145 جنيه مصري، وممكن تشوف مقارنات أسعاره من هنا.
لو أجازتك أسبوع أو أكتر:
رأس شيطان حوالي 9 ساعات من القاهرة بس مناسبة جدًا شبه دهب شوية بس فيها هدوء أكتر فبتعيش قدام البحر طول الوقت تقريبًا، وبتقضي أغلب اليوم في كوخ على البحر كمان، وبتقدر تستمتع بالغروب والشروق والنجوم بالليل. ساعات كتير بيكون في أماكن شواء زي وادي الوشواش والسماء الصافية، جمال المكان هناك في العيشة البسيطة.
شمعة برائحة التفاح من هنا تبدأ من 39 جنيه مصري، وممكن تشوف مقارنات أسعارها من هنا.
وسادة للرقبة أثناء السفر من هنا تبدأ من 177 جنيه مصري، وممكن تشوف مقارنات أسعارها من هنا.
نصيحة ياقوطة ليك إنك تستمتع بالأجازة وتسافر وتشوف أماكن في بلدك، بس أهم حاجة تنظم السفر من بدري عشان ماتضيعش ولا ثانية من الأجازة، لأن الأوقات الحلوة ما بتتعوضش.
قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة ياقوطة على الفيسبوك.