كتب: خالد عاصم

في المقال ده هنتكلم عن واحد من أجهزة التابلت الاقتصادية من سامسونج، Samsung Galaxy Tab A T295 اللي هنتعرف على مواصفاته ومميزاته وعيوبه، ولو التابلت عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

تابلت Samsung Galaxy Tab A T295

• أبعاد التابلت: ٨ × ١٢٤.٤ × ٢١٠ مم.
• وزن التابلت: ٣٤٧ جرام.
• صناعة التابلت: هيكل من البلاستيك بضهر من الألومنيوم وزجاج امامي.
• شرائح الاتصال: أحادي الشريحة من نوع Nano-SIM
• شاشة التابلت: شاشة التابلت TFT قطرها ٨.٠ بوصة ومعدلها ١٦:١٠ وده بيخليها تشغل حوالي ٧١.٠ في الميه من مساحة التابلت الأمامية. والشاشة بتقدم دقة عرض ١٢٨٠ × ٨٠٠ بيكسل بكثافة ١٨٩ بيكسل لكل بوصة
• أداء الموبايل: معالج كوالكوم سنابدراجون ٤٢٩ بمعمارية 12 نانوميتر رباعي النواة وسرعته ٢.٠ جيجا هيرتز لأربع شرائح من Cortex-A53 والمعالج مدمج بمعالج جرافيكس Adreno 504. التابلت بيصدر بإصدار بذاكرة عشوائية سعتها ٢ جيجابايت رام وبذاكرة داخلية سعتها ٣٢ جيجابايت وممكن زيادة مساحة التابلت التخزينية بكروت الذاكرة الخارجية من خلال منفذ مستقل.
• نظام التشغيل: التابلت بيشتغل بنظام تشغيل أندرويد ٩ باي وقابل للترقية لحد اندرويد ١٠.
• الكاميرا: تابلت Samsung Galaxy Tab A  الكاميرا الخلفية بتاعته بقوة ٨ ميجا بيكسل  والكاميرا مدعومة بتقنية التركيز التلقائي وفيها وضع بانوراما وبتقدر تصور الفيديو بجودة 1080p بمعدل ٣٠ إطار في الثانية، أما الكاميرا الأمامية فقوتها ٢ ميجا بيكسل
• منفذ توصيل السماعات السلكية ٣٫٥ مم: متوفر.
• منفذ الشحن ونقل البيانات: microUSB 2.0.
• ماسح البصمة: مش موجود.
• المستشعرات: التسارع
• البطارية: بطارية الموبايل غير قابلة للإزالة سعتها ٥١٠٠ مللي أمبير في الساعة. 
• إصدارات ألوان الموبايل: أسود – رمادي.

مزايا وعيوب تابلت Samsung Galaxy Tab A T295

مزايا تابلت Samsung Galaxy Tab A T295

• التابلت بيتميز بسمك نحيف مقارنة بباقي الأجهزة اللي في الفئة دي
• ضهر التابلت معمول من الألومنيوم ودي حاجة مش معتادة في الفئة دي اللي بتعتمد على البلاستيك بالكامل في صناعة الهيكل والضهر
• التابلت بيقبل كروت اتصال نانو
• شاشة بقطر ٨ بوصة مناسبة جدًا لمختلف السيناريوهات وأكبر من الموبايلات بفارق واضح فبيخلي لامتلاك التابلت ميزة لهواة القراية من الكتب الإلكترونية أو الفرجة على الأفلام من التابلت أو تصفح الإنترنت على شاشة كبيرة شوية عن الموبايلات
• الشاشة بتستحوذ على نسبة من المساحة الأمامية للتابلت أكبر من باقي أجهزة الفئة الاقتصادية
• معالج أفضل من الإصدار السابق من التابلت اللي كان بشاشة ٧ بوصة
• ذاكرة عشوائية سعتها ٢ جيجابايت رام ودي سعة مقبولة في الفئة دي
• الذاكرة الداخلية مقبولة للفئة السعرية دي من أجهزة التابلت
• التابلت بيشتغل بنظام تشغيل اندرويد ٩ باي وبيقبل الترقية لحد اندرويد ١٠
• التابلت بيدعم كروت الميموري من خلال منفذ مستقل
• الكاميرا الخلفية مقبولة وبتدعم تصوير الفيديو بجودة 1080p
• التابلت بيقدم تجربة صوتية كويسة جدًا لأنه بيعتمد على سماعتين مش سماعة واحدة
• بطارية كبيرة مقارنة بالأجهزة التانية في الفئة دي لان سعتها ٥١٠٠ ميللي أمبير في الساعة

عيوب تابلت Samsung Galaxy Tab A T295

• هيكل التابلت معمول من البلاستيك
• التابلت مش بيتمتع بأي حماية ضد الغبار أو المياه
• مفيش طبقة حماية على الشاشة
• الشاشة من نوع TFT وده عيب واضح في قوة الشاشة
• المعالج أفضل من الإصدارات القديمة بس لسا برضه ضعيف شوية ويادوب هيقدر يأدي المهام الأساسية في حدود
• الكاميرا الأمامية للتابلت ضعيفة جدًا ماتستناش منها أي أداء مختلف عن قوتها النظرية
• التابلت بيدعم تقنية بلوتوث قديمة
• مفيش ماسح بصمة ولا أي أسلوب تأمين غير استخدام النمط وكلمات السر
• البطارية بتعتمد على كابل microUSB في الشحن

اتعرف على عروض أسعار تابلت Samsung Galaxy Tab A T295 من هنا.

اتعرف على عروض أسعار مختلف أجهزة التابلت من سامسونج من هنا.

اتعرف على عروض أسعار مختلف أحهزة التابلت المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.