مراجعة موبايل Hisense Glory U601
كتبت: ميّ نور
كتير من الناس بيكون معاهم موبايل إمكانياته كويسة وسعره غالي شوية وفي نفس الوقت بيستخدموا الموبايل ده في شغلهم للتواصل مع زمايلهم أو إنهم يعرفوا الجديد في الشغل لو واخدين أجازة، ومابيكونوش حابيين يستخدموا الموبايل بتاعهم في ده علشان مايتبهدلش، كما في ناس بتكون عاوزة تجيب لأطفالها الصغيرين موبايل يقدروا من خلاله يطمنوا عليهم وهم بره البيت، أو حتى علشان أطفالهم يتعودوا على استخدام الموبايلات والتواصل مع الناس بسهولة، وفي نفس الوقت مش هيدفعوا ٤ أو ٥ آلاف في موبايل مع طفل ممكن يضيع أو يكسره بسهولة، علشان كده الموبايل الذكية اللي سعرها قليل ممكن تكون حل كويس في أوقات كتير، هنتكلم النهارده عن واحد من الموبايلات دي وهو موبايل Hisense Glory U601، وهنتعرف من خلال الريفيو ده على أهم مواصفات ومميزات وعيوب الموبايل، ولو عجبك وعايز تشتريه تقدر تعرف أحسن الأسعار ليه وتقارن بينهم وتقدر كمان تطلبه من خلال ياقوطة وهيوصل لحد عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
المواصفات
| الشاشة | الرامات | البروسيسور | الكاميرا | نظام التشغيل | البطارية |
| ٤ بوصة. | ٥١٢ ميجابايت. | رباعي النواة . | ٢ ميجابكسل. | أندرويد كيت كات. | ١٥٠٠ مللي أمبير. |
المميزات
- بطارية الموبايل كويسة وتقدر تستحمل معاك فترة طويلة.
- الموبايل بيشغل ألعاب عادية، وهو كويس في ده.
- شاشة الموبايل كويسة بالنسبة لسعره ومش هتحس بأي مشكلة وإنت بتتعامل معاها، وهي بتدعم تقنية اللمس المتعدد علشان كده قولنا إن التليفون ممكن يشغل ألعاب خفيفة بشكل كويس.
- الموبايل تصميمه أنيق وسهل تستخدمه بايد واحدة، لأن حجمه مش كبير ووزنه خفيف كمان، وأطرافه منحنية علشان كده مش هتحس بأي تعب لو فضلت ماسك الموبايل طول اليوم.
- الموبايل بيدعم تشغيل شريحتين.
- الموبايل سعره مناسب جدًا، وصعب تلاقي موبايل سمارت بالسعر ده.
العيوب
- الموبايل مش بيستحمل الاستخدام الكتير، ولو عملت عليه حاجات كتير في نفس الوقت هيبدأ يهنج ويتقل ويبقى بطيء جدًا.
- الموبايل مش بيشغل ألعاب تقيلة علشان معالج الرسوميات بتاعه مش قوي.
- ذاكرة داخلية ٤ جيجابايت وهي قليلة جدًا.
- الموبايل مش بيدعم شبكة الجيل الرابع.
- لو الموبايل اتكسرت الشاشة بتاعته أو باظ في حاجة هيبقى صعب شوية إنك تلاقي قطع غيار ليه.
- رامات الموبايل قليلة وحجمها ٥١٢ ميجابايت.
- الكاميرا الأمامية ضعيفة جدًا ومش هتعرف تستخدمها بشكل كويس.
- نظام التشغيل قديم جدًا.
تجربة المستخدم
- الموبايل ممكن يقعد معاك يوم كامل لو إنت شحنه للآخر، وممكن يكمل معاك لليوم اللي بعده كمان، لو إنت بتستخدمه استخدام عادي مش بشتغل ألعاب وفاتح إنترنت طول اليوم، يعني مجرد مكالمات ورسايل بس.
- الشاشة بتاعة الموبايل إضاءتها كويسة بس بلاش تستخدمها تحت أشعة الشمس علشان مش هتعرف تشوف حاجة من الموبايل.
- ممكن تفتح فيس بوك وواتساب بسهولة من الموبايل، وممكن تنزل فيس بوك لايت هيكون أفضل ومش هيعمل حمل على الموبايل.
- الموبايل بيدعم شبكة الجيل الثالث في الاتصال وهي قوية في مصر، لكن طبعًا مش زي الجيل الرابع.
- الموبايل بيشغل شريحتين ودي ميزة كويسة جدًا.
- كاميرا الموبايل الأمامية صعب تقدر تاخد بيها سيلفي كويس، لكن لو في ظروف إضاءة معقولة شوية ممكن تقدر تصور بيها.
شوف موبايل Hisense Glory U601 من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.