كتبت: ميّ نور

لأن الموبايل وحده أحيانًا مش بيكون كفاية، ولأن كتير مننا ممكن يحتاج التابلت في استخدامات مختلفة زي الشغل أو الدراسة، أو حتى التسلية والقراية، النهارده في ياقوطة بنقدملكم  ٥ من أحسن أجهزة التابلت الموجودة في الأسواق واللي هنتعرف على أهم مواصفاتها ومميزاتها وعيوبها، ولو عجبك تابلت وعاوز تشتريه، تقدر من خلالنا تعرف أحسن الأسعار ليه وتقارن بينهم وتطلبه كمان، وهيوصل لغاية عندك في أسرع وقت.

المنتجات الواردة في المقال ده، اخترناها بناءً على الأجهزة الأكتر شعبية على ياقوطة، وآراء المستخدمين، ورأي كاتب المقال.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

تابلت Apple iPad Pro 2017

المميزات

• التابلت بيتميز بهيكل متين من المعدن وسمك مظبوط ومتناسب مع حجمه، فهو بييجي بأبعاد ٣٠٥٫٧ × ٢٢٠٫٦ × ٦٫٩ ملليمتر.
• الشاشة حجمها كبير بالمقارنة مع الأجهزة المنافسة، فهي بتيجي بحجم ١٢٫٩ بوصة، وبتقدم دقة عرض ٢٧٣٢ × ٢٠٤٨ بكسل، وتعتبر من أعلى الشاشات في دقتها.
• الشاشة بتدعم طبقة من طلاء الأولأوفوبيك لحمايتها من الخدش.
• البروسيسور Apple A10X Fusion رباعي النواة، واللي بيعتبر تاني أعلى بروسيسور لأبل في الأسواق، بيقدم أداء هايل في التابلت.
• رامات ٤ جيجابايت.
• مساحات تخزين داخلية كبيرة بتوصل لـ ٦٤ جيجابايت.
• كاميرا خلفية بدقة 12 ميجابكسل، مع فتحة عدسة f/1.8، ومثبت بصري OIS قوي، وفلاش LED رباعي.
• جودة تسجيل الفيديو بتوصل لـ 4K بسرعة 30 لقطة في الثانية.
• التابلت بيدعم منفذ لتركيب سماعات الهاند فري بقطر 3.5 ملليمتر.
• سماعات سبيكر رباعية.
• مساعد Siri بلغات متعددة.
• مستشعر لبصمات الأصابع مدمج مع زرار القائمة الرئيسية.
• بطارية ليثيوم أيون ضخمة بسعة ١٠٨٩١ مللي أمبير.
• بيدعم شبكات الجيل الرابع.

العيوب

• وزن التابلت تقيل جدًا بالمقارنة مع الأجهزة التانية، بيوصل لـ ٦٧٧ جرام.
• التابلت مش بيدعم إضافة كارت ميموري خارجي.
• الكاميرا الأمامية مش بالمستوى اللي توقعناه منها مقارنة مع الكاميرا الخلفية، فهي بتيجي بدقة 7 ميجابكسل، مع فتحة عدسة f/2.2.
• منفذ الـ USB من إصدار 3.0، وده بيحتاج وصلة معينة من أبل، ولو ضاعت محتاج تشتري زيها تاني وأسعارها غالية شوية.
• مش بيدعم راديو الـ FM.
• البطارية كبير لكنها للأسف مش بتدعم خاصية الشحن السريع، وبتتأخر جدًا في شحنها.
• سعر التابلت غالي جدًا.

تجربة المستخدم

• لو معاك مبلغ مناسب وحابب تشتري أقوى تابلت موجود بإمكانيات جبارة، التابلت ده هيكون أول حاجة تخطر على بالك، لأنه بيقدم أداء عالي الجودة وبطارية مفيش زيها، وكمان الكاميرا بتاعته كويسة، وده شيء نادرًا لما نلاقيه في أجهزة التابلت، لكن لازم تاخد بالك هنا إن التابلت من أبل يعني بيشتغل بنظام الـ iOS اللي بيختلف تمامًا عن أنظمة الأندرويد، لو عمرك ما استخدمت iOS في حياتك هتعاني شوية في التعامل مع التابلت في البداية لأنك مش هتكون متعود على النظام بتاعه، بشكل عام لما استخدمت التابلت كان ممتاز جدًا معايا بصراحة في الألعاب وفي الشاشة وفي البطارية والكاميرا،  لكن عيوبه الوحيدة اللي هتلاحظها مع بداية استخدامك، إنه وزنه تقيل جدًا، وإنه بياخد وقت طويل في الشحن للأسف.

شوف تابلت Apple iPad Pro 2017 من هنا.

تابلت Samsung Galaxy Tab S3

المميزات

• التابلت بييجي بهيكل معدني وأطراف وزوايا منحنية بتساعد في استخدامه وإنك تشيله بشكل سلس، وكمان بيجي بأبعاد ٢٣٧٫٣ × ١٦٩ × ٦ ملليمتر.
• وزن التابلت خفيف بالمقارنة مع منافسيه، بيوصل لـ ٤٣٤ جرام.
• الشاشة Super AMOLED، وطبعا ده أحسن نوع شاشات بيستخدم في الموبايلات أو التابلت حتى الآن، واللي بتقوم سامسونج بتصنيعها بنفسها.
• الشاشة بتيجي بدقة ١٥٣٦ × ٢٠٤٨ بكسل، ودي دقة عالية جدًا وتعتبر من أعلى شاشات التابلت حتى الآن في جودتها ووضوحها.
• بيدعم اللمس المتعدد حتى ٥ صوابع.
• بروسيسور Qualcomm MSM8996 Snapdragon 820، من أقوى إنتاجات شركة كوالكوم، مع معالج رسومي Adreno 530.
• رامات ٤ جيجابايت
• ذاكرة تخزين داخلية ٣٢ جيجابايت.
• التابلت بيدعم إضافة كارت ميموري بحجم ٢٥٦ جيجابايت.
• كاميرا خلفية عالية الدقة بتوصل لـ 13 ميجابكسل، بفتحة عدسة f/1.9.
• جودة تسجيل الفيديو بتوصل لـ 4K بسرعة 30 لقطة في الثانية.
  التابلت بيدعم منفذ لتركيب سماعات الهاند فري بقطر 3.5 ملليمتر.
  سماعات سبيكر رباعية.
• مستشعر لبصمات الأصابع مدمج مع زرار القائمة الرئيسية.
• S Pen، وده قلم بييجي مع التابلت زي اللي بنشوفه في سلسلة موبايلات النوت من سامسونج.
  منفذ USB من نوع -C 1.0 بيقبل الاتصال بفلاشة أو كيبورد أو ماوس خارجي، وسهل تشتري غيرها لو ضاعت، وكمان مش غالية جدًا.
• البطارية كبيرة جدًا بسعة ٦٠٠٠ مللي أمبير وبتدعم تقنية الشحن السريع.
• التابلت بيدعم شبكات الجيل الرابع.
• سعر التابلت مناسب لإمكانياته.

العيوب

• التابلت بيجي بهيكل زجاحي من قدام وورا، وإطار معدني في الحواف الأربعة، لكن بالشكل ده ممكن يكون معرض للكسر في أي وقت.
• الكاميرا الأمامية مكانتش في مستوى توقعاتنا، فهي بتيجي بدقة ٥ ميجابكسل، وفتحة عدسة f/2.2.
• مش بيدعم راديو الـ FM.
• مش بيدعم تقنية الشحن اللاسلكي.

تجربة المستخدم

• التابلت رائع وأداءه سريع، وبيقبل الاتصال بفلاش أو ماوس أو كيبورد، يعني تقدر تخليه زي اللاب توب بسهولة، وكمان ممكن تشتريله كوفر بكيبورد من سامسونج مصمم مخصوص علشانه، كمان التابلت بيتميز بالقلم S اللي بيقوم بمهام كتيرة جدًا وبيخلي التابلت شبه تليفونات النوت بالظبط بس بحجم كبير، كمان البطارية حجمها كبير ومناسب لإمكانيات التابلت وشاشته، وبتدعم الشحن السريع، يعني مش هتستنى كتير عشان التابلت يشحن، وطبعا نظامالأندرويد بسيط وسلسل ومعظم الناس تقريبًا بتعرف تتعامل معاه، يعني مش هيكون معقد زي الـ iOS، وفي النهاية عيوب التابلت الحقيقية ممكن تبان مع مرور الوقت وكثرة الاستهلاك في عدم الاستقرار الأداء وقصر عمر البطارية، لكن حتى ده مش هيكون ملحوظ بشكل كبير، وحتى الآن أداء التابلت ممتاز وبرشحه لأي حد بيسألني على تابلت جديد.

شوف Samsung Galaxy Tab S3 من هنا.

تابلت Lenova Yoga Book YB1-X91 Tablet

المميزات

• التابلت بيتميز بتصميم مميز وفريد من نوعه بيشبه لأجهزة اللاب توب، بيتقفل ويتفتح وله كيبورد ولوحة تاتش.
• أداء التابلت عالي جدًا بسبب بروسيسور Intel Atom x5-Z8550 Processor من مايكروسوفت، والسيستم بتاعهم كمان.
  Windows 10، يعني هيكون فيه توافق بين الإمكانيات الداخلية والسيستم الخارجي، وده اللي هيضمنلك أداء عالي.
• رامات ٤ جيجابايت.
• مساحة التخزين الداخلية ٦٤ جيجابايت، وتعتبر مساحة كبيرة.
• التابلت بيدعم إضافة كارت ميموري لحد ١٢٨ جيجابايت.
• الكاميرا الخلفية ممكن نقيمها من عالية لمتوسطة الجودة، وده شيء كويس في أجهزة التابلت، وبتيجي بدقة ٨ ميجابكسل.
• بيدعم الـ OTG للتوصيل بفلاشة خارجية أو بكيبورد وماوس خارجي.
• بطارية كبيرة جدًا ومناسبة بسعة ٨٥٠٠ مللي أمبير.
• التابلت بيدعم قلم Real Pen Stylus للكتابة والرسم بسهولة على الشاشة.
• سعر التابلت مناسب لإمكانياته المتعددة.

العيوب

• أبعاد التابلت كبير شوية لو هتفتحه عشان تستخدم الكيبورد ولوحة التاتش.
• وزن التابلت كبير بالمقارنة مع منافسيه، ولكن ده ممكن يكون مبرر شوية بسبب هيكله وطبيعة شكله وتصميمه الكبير، التابلت بيجي بوزن ٦٩٠ جرام.
• الجودة بتاعة الشاشة مش أعلى حاجة بالمقارنة مع المنافسين.
• الكاميرا الأمامية سيئة.
• للأسف مش بيدعم راديو الـ FM.
• مش بيدعم شبكات الجيل الرابع 4G.
• البطارية مش بتدعم خاصية الشحن السريع.

تجربة المستخدم

• التابلت هو من أكتر أجهزة التابلت العملية والمناسبة للشغل أو للدراسة أو حتى للرسم، التابلت بيتميز بكيبورد سهل عليك الكتابة، وماوس وقلم خارجي ممكن يساعدوك لو انت رسام أو مصمم، كمان نظام الويندوز 10 نظام بسيط جدًا وكتير مننا متعود عليه، باختصار كده ممكن نقول إنه التابلت عملي جدًا لدرجة إننا ممكن نقول عليه لاب توب صغير بإمكانيات مُصغّرة.

شوف تابلت Lenova Yoga Book YB1-X91 Tablet من هنا.

تابلت Apple iPad – March 2017

المميزات

• التابلت بيتميز بهيكل معدني قوي وهواف منحنية عسان يكون سهل ومريح في الحمل والاستخدام.
• أبعاد التابلت ٢٤٠ × ١٦٩٫٥ × ٧٫٥ ملليمتر، ووزنه ٤٦٩ جرام.
• الشاشة بحجم ٩٫٧ بوصة، وبدقة ١٥٣٦ × ٢٠٤٨ بوصة.
• الشاشة بتدعم طبقة من طلاء الأولأوفوبيك لحمايتها من الخدش.
• مساحة تخزين داخلية كبيرة بتوصل لـ ٣٢ جيجابايت.
• كاميرا خلفية بدقة ٨ ميجابكسل.
• جودة تسجيل الفيديو بتوصل لـ 4K بسرعة 30 لقطة في الثانية.
• التابلت بيدعم منفذ لتركيب سماعات الهاند فري بقطر 3.5 ملليمتر.
• سماعات Stereo سبيكر.
• مساعد Siri بلغات متعددة.
• مستشعر لبصمات الأصابع مدمج مع زرار القائمة الرئيسية.
• بطارية عالية جدًا بتوصل لـ ٨٨٢٧ مللي أمبير.

العيوب

• مش بيدعم شريحة اتصال، وبالتالي عشان تكون متصل بالإنترنت هتحتاج شبكة واي فاي بس.
• رامات 2 جيجابايت، تعتبر قليلة بالنسبة للمنافسين من نفس الفئة السعرية.
• الكاميرا الأمامية سيئة.
• للاسف مش بيدعم راديو الـ FM.
• البطارية مش بتدعم خاصية الشحن السريع.
• التابلت مش بيدعم إضافة كارت ميموري خارجي.
• منفذ الـ USB من إصدار 2.0، وده بيحتاج وصلة معينة من أبل، ولو ضاعت محتاج تشتري زيها تاني وأسعارها غالية شوية.

تجربة المستخدم

• أعلنت أبل عن التابلت ده السنة اللي فاتت واستهدفت بيه الشريحة المتوسطة اللي نفسها تشتري الأيباد لكن أسعاره غالية شوية عليها، وهو يعتبر نفس شكل وتصميم أجهزة الأيباد الراقية والمشهورة، لكن مع مواصفات وإمكانيات أقل شوية، أداء التابلت هيكون كويس في البداية لكنك هتلاحظ فيه بطء بسيط مع الوقت، كمان هو بيتميز بجودة شاشته وصوته العالي، وبطاريته العالية، لكن أسوأ عيبين فيه إنه بطاريته بتاخد وقت طويل لغاية ما تشحن بالكامل، وإنه مش بيدعم شريحة اتصال، وممكن تتغلب على المشكلة الأخيرة لو معاك موبايل تاني تقدر تفتح منه هوت سبوت للأيباد، أو إنك تستخدمه في الأماكن المتواجد فيها شبكة واي فاي دايمًا، وأخيرًا التابلت بشكل عام هيقدملك أداء ما بين المتوسط والعالي، لكن ما تتوقعش منه كتير.

شوف تابلت Apple iPad – March 2017 من هنا.

تابلت Huawei MediaPad T3 10

المميزات

• نظام تشغيل الموبايل هو النوجا 7.0 وبيشتغل بواجهة مستخدم EMUI 5.1 الرائعة والسهلة والسريعة اللي بتُعتبر الواجهة الأكتر استخدامًا في هواتف هواوي واللي بتضمن للمستخدم تحقيق توقعاته والمهام المطلوبة من الموبايل، زي الحفاظ على عمر البطارية وتحقيق أداء أمثل خلال الاستخدام.
• التابلت مصنوع من الألمونيوم، بأبعاد ٢٢٩٫٨ × ١٥٩٫٨ × ٧٫٩٥ ملم.
• بيتميز بمعالج من نوع Qualcomm MSM8917 Snapdragon 425 رباعي النواة بسرعة 1.4 جيجاهرتز، بجانب معالج رسومى Adreno 308، وذاكرة عشوائية 2 جيجابايت، وده بيساعده يقدم أداء قوي.
• الجهاز بيدعم خاصية الـ OTG لنقل الملفات من خلال أي فلاشة وللاتصال بالأجهزة الخارجية زي الكيبورد.
• سعة البطارية كبيرة ٤٨٠٠ مللي أمبير.
• السعر مناسب جدًا.

العيوب

• وزن التابلت تقيل بيوصل لحوالي ٤٦٠ جرام.
• التابلت مش بيدعم وجود مستشعر بصمة الإصبع.
• دقة الشاشة مش عالية، كمان مش محمية بطبقة خارجية ضد الخدش أو الكسر.
• الذاكرة الداخلية للموبايل ١٦ جيجابايت فقط، ودي مساحة مش كبيرة أوي.
• صوت الـ Speaker بتاع التابلت مش الأفضل.
• الجهاز مش موجود فيه منفذ لإضافة ميموري خارجي.
• الكاميرات الأمامية والخلفية سيئة، ولو محتاج تصور بيهم ممكن في ضوء النهار فقط.
• البطارية مش بتدعم خاصية الشحن السريع، وعشان كده ممكن تتأخر في شحنها.

تجربة المستخدم

• يُعتبر التابلت ده من أفضل الأجهزة في الفئة المتوسطة، وباختصار شديد هو بيتميز بقوة أداءه وبطاريته، يعني لو محتاج تابلت تشتغل عليه أو تذاكر أو تستخدمه في تصفح الإنترنت والسوشيال ميديا، فهو هيكون مناسب جدًا لاستخدامك، لكنك ممكن تلاحظ عدم استقرار في أداءه أحيانًا واللي هيتسبب في عطل أو تهنيج بسيط، لكن بالنسبة للاستخدامات الترفيهية والألعاب وكده، التابلت مش أحسن حاجة بالنسبة للشاشة والصوت وأداء الألعاب، فمش هيكون مناسب ليك.

شوف تابلت Huawei MediaPad T3 10 من هنا.