مزايا وعيوب سخانات المياه الكهربائية بدون خزان

كتبت: هبة سرور ويارا الحميلي

سخانات المياه الكهربائية بدون خزان من السخانات الجديدة شوية في السوق المصري، واللي تُعتبر منافس لسخانات المياه اللي بتشتغل بالكهرباء. بتتميز السخانات دي بالقوة والسرعة في تسخين المياه وبتوفر مياه سخنة في أي وقت محتاجه، وكمان لإنها من غير خزان فبتوفر مياه سخنة لكل أفراد الأسرة مهما كانت كبيرة.

ولإن الموديلات المعروضة من السخانات دي جديدة في السوق المصري، وكتير مننا بيفكر يجربها لكن خايف ما تكونش مناسبة، إحنا في ياقوطة هنساعدك ونعرفك فكرة عمل السخانات دي ومميزاتها وعيوبها، وهنعرض عليك كمان مجموعة مختلفة ومتميزة من السخانات المتاحة في السوق المصري، وتقدر تعرف أفضل الأسعار ليهم ولو عجبك موديل منهم تقدر تطلبه من خلالنا وهيكون عندك في أسرع وقت.

السعر والمعلومات في المقال ده سارية وقت نشر المقال. لو تحب تشوف أحدث مقال عن سخانات المياه، شوف المقال ده.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

كيف يعمل السخان التانكلس (بدون خزان)

بعكس السخان المستخدم للخزان، السخانات التانكلس مش بتستخدم الخزان. اللي بيحصل إن المياه الساقعة بتمشي في المواسير وبيتم تسخينها بداخل الوحدة قبل ما تنزل من الحنفية. ممكن نظبط حرارة المياه من السخان، بس الحرارة بتفضل ثابتة في جميع الحالات.

لما نشتري جهاز من الأجهزة دي لازم ناخد في اعتبارنا عاملين مهمين:

  • نوع المَسكن اللي هنحط فيه السخان: هل هو شقة صغيرة ولا كبيرة؟ هل هي فيلا متعددة الأدوار ولا شاليه صغير؟
  • هل السخان هيغطي احتياجات البيت كله؟ وهل بتفضل سخان منفصل للحمام والمطبخ؟

بناءَ على حجم المكان، ونظام التسخين اللي انت بتفضله، ممكن تحدد نوع السخان اللي هتحتاجه.

  • السخانات الصغيرة اللي بتستهلك أقل من ١٠ كيلو وات تعتبر أقل قوة وممكن تخدم غرفة واحدة فقط مع أكتر من حنفية واحدة.
  • السخانات الأكثر قوة واللي بتستهلك من ١٨ لـ ٣٦ كيلو وات ممكن تخدم بيوت كاملة. الاختيار بيكون طبقًاُ لعدد الحنفيات اللي في البيت.

خلينا نسهل الموضوع بأرقام محددة:

كيلو وات ١.٥ كيلو وات. ٨-١٠ كيلو وات. ١٨ كيلو وات. ٢٤ كيلو وات. ٣٦ كيلو وات.
عدد الحنفيات اللي ممكن تشتغل في نفس الوقت دُش واحد. دُش واحد، حوضين. دُشين وحوضين. ٣ دُش وحوضين. ٣ دُش و ٣ حوض.

بعد ما عرفنا قدرات السخانات الفورية، ياقوطة هتساعدكم تعرفوا مميزات وعيوب كل سخان فيهم:

عنصر الوقت

المميزات

الوقت ميزة بالنسبة ليك لما تقرر تركب سخان من غير خزان، مش هتلاقي نفسك مضطر تستنى فترة طويلة قبل ما المياه تسخن وتنزل من الحنفية، لإنها بتنزل سخنة بشكل فوري. ويعتبر سهل وسريع ومثالي للاستخدام في أي وقت.

العيوب

لو بتعتبر الانتظار لدقايق بسيطة مشكلة فالسخان ده هيكون اختيار مش صح ليك، وبننصحك تستنى موديلات جديدة هيتم إصدارها في المستقبل، واللي هتقلل مدة الالنتظار لثواني قليلة.

التكلفة والكيلو وات

المميزات

ما تقلقش من التكاليف ولا عدد الكيلو وات اللي بيستهلكها السخان. ممكن تحس في لحظة إنك صرفت كتير قوي عشان تشوف السخان متعلق على الحيطة، وهتصرف أكتر كمان في فاتورة الكهرباء.

في حين إن ده ممكن يكون صحيح، السخانات الغير مستخدمة لخزان بتستهلك الطاقة بشكل موفر جدًا. الطريقة اللي الجهاز بيشتغل بيها هو تسخينه للمياه بشكل سريع وفوري وعند اللزوم بس. وده بيوفر استهلاك الطاقة مقارنة مع السخانات اللي بخزان اللي بتستهلك طاقة أكبر في إنها بتسخن عدد لترات كبيرة من المياه الموجودة في الخزان، وبعدين بتحافظ على درجة الحرارة بتاعتها لمدة معينة لغاية ما تحتاجها. بمعنى تاني، السخان الكهربائي اللي بدون خزان أكثر كفاءة و بيضمن فاتورة كهرباء أرخص. وحاجة كمان بخصوص استهلاك الطاقة القليل دهب يخليها سخانات صديقة للبيئة.

العيوب

أول نقطة هي ارتفاع سعر السخانات دي وكمان تكلفة تركيبها بتكون كتيرة. ولإن السخانات دي مستوردة فده بيعلي من سعرها زيادة.

تاني نقطة ه عدد الكيلو وات اللي بيستهلكها السخان عشان يسخن المياه. كل ما قوة السخان كانت أعلى، كل ما استهلك كيلو وات أكتر. وطبعًا كل ما كان سعره أعلى.

الحجم والتصميم

المميزات

إذا كان فيه في المطبخ أرفف على الحيطة ومفيش مكان لتعليق سخان، فالنوع ده من السخان أحسن حل. استخدام النوع ده من السخانات زي ما هو واضح، هو الأنسب لما مايكونش فيه مساحة كافية. سواء في المطبخ أو في الحمام، السخان اللي من غير خزان هيؤدي المهمة من غير ما يكون ظاهر، مهما كان حجمه وأبعاده.

ده غير إنها بتتميز بوزنها الخفيف وجمال وأناقة التصميم واللي هتناسب البيت العصري.

العيوب

العيب الأساسي في السخانات دي طولها وعرضها. فكل ما قدرة السخان على التسخين تكون أكبر كل ما حجمه بيكون أكبر، ورغم كده بيفضل محافظ على شكله الجميل والتصميم الأنيق.

عمر السخان

المميزات

عمر السخان ده طويل وبيوصل لغاية ٢٠ سنة على الأقل، ودي مدة أطول من السخانات اللي بخزان واللي بتعيش من ١٠ لـ ١٥ سنة، وده بيخليها موفرة أكتر على المدى البعيد.

العيوب

الجانب السلبي الوحيد للعمر الطويل للخزان هي خطة الضمان. عادة بيتم توفير الضمان لنصف عمره فقط. فالسخان اللي بخزان مدة ضمانه بتكون ٧ سنين. لكن عشان السخانات اللي من غير خزانات بتعيش أطول بنلاقي إن الضمان متقسم بين وحدة التسخين والقطع الأخرى في الوحدة. مبادل الحرارة ضمانه بيكون ١٠ سنين لكن باقي الأجزاء من ٣ لـ ٥ سنين.

السلامة

سخانات المياه من غير خزان فيها أسلاك كهربائية كتير وهنعرض عليك تدابير السلامة والأمان الموجودة في السخانات دي واللي الشركة المصنعة راعت وجودها.

  • الأسلاك الكهربائية من جوه معزولة كويس، ومش بتلمس المياه خالص وبالتالي بتمنع وقوع أي صدمات كهربائية.
  • لما ضغط المياه من المصدر بيكون قليل قوي، أو في حالة إن المياه تكون مقطوعة، المفتاح الداخلي بيقوم بفصل التيار الكهربائي للمصدر، حتى لو حد نسي وشغّل الجهاز.
  • بمجرد وصول الماء لدرجة الحرارة المطلوبة، الترموستات اللي في خزان التدفئة بيتم إيقافه تمامًاً علشان ما يزودش في درجة حرارة المياه. وبيتم تشغيله مرة تانية لما درجة حرارة المياه تقل.
  • عادة بيكون في الوحدات مؤشرات ضوئية بتقول هي شغالة ولا لأ. وده بيعتبر زي تذكير عشان نقفل السخان لما نكون مش بنستعمله.

دليل الإعداد

  • لازم تتأكد إن عداد الكهرباء اللي في البيت مناسب ويستحمل السخان اللي ناوي تشتريه. لو الوصلات عندك ضعيفة شوية بلاش واشتري موديل أقل قوة.
  • مهما كانت العلامة التجارية اللي اخترت تشتريها، يفضل إن اللي يركب يكون التوكيل أو مركز خدمة مرخص. لإنه خبرتهم أحسن في التركيب وكمان علشان تحافظ على ضمان السخان.
  • بعد ما تثبت الوحدة، ابدأ في اختيار عناصر التحكم اللي في الموديل. على أساس موديل السخان هتلاقي ضوابط للتحكم في درجة الحرارة.

بعد ما استعرضنا الدليل الشامل ده للسخانات الفورية، ممكن نقارن بين بعض الأنواع الموجودة في السوق.

السخان Ariston tanked electricheater سعة ٣٠ لتر. SEM Mirage tankless electric heater (١٠كيلو وات).
القدرة. مياه ساخنة كافية لحوالي ٣٠ دقيقة دش. قوة كافية لاستخدام الحمام (استخدام أكتر من حنفية في نفس الوقت).
الطول. ٥٥ سم. ٤٢،٥ سم.
العرض. ٤٥ سم. ٢٨،٥ سم.
العمق. ٤٨ سم. ١١ سم.
الوزن. ١٧ كيلو جرام. ٣ كيلو جرام.

سخان SEM Electric Tankless Water Heater (موصى به من قبل المستخدمين)

  • المنشأ: تركيا.
  • القوة: ٨ كيلو واط، ٩ كيلو واط و ١٠ كيلو واط.
  • ضمان سنتين.

شوف سخان SEM Electric Tankless Water Heater من هنا.

وممكن تشوف أهم سخانات المياه الكهربائية من هنا.

سخان Ariston Pro15

  • المنشأ: إيطاليا.
  • القوة: ١،٥ كيلو وات.
  • مقاوم للصدأ.
  • يعمل بضغط مياه منخفض.
  • موفر للطاقة.
  • شركة أريستون معروفة بجودتها العالية، بتقدم سخان حجمه صغير جدًا، ممكن استخدامه في أي مساحة. السخان قوته أقل بس مفيد في حالة الدش السريع. الجانب السلبي إن سعره غالي شوية مقارنة بالمميزات.

شوف سخان Ariston Pro15 من هنا.

سخان Guner GR5027 (موصى به من المستخدمين)

  • المنشأ: تركيا.
  • القوة: ٩ كيلو واط.
  • ٣ مستويات تسخين.
  • ٨ وسائل أمان.
  • ضمان سنة كاملة.

شوف سخان Guner GR5027 من هنا.

وممكن كمان تشوف موديلات مختلفة لسخانات المياه الغاز من هنا.

  • الموديلين دول بيقدموا أجهزة عالية الجودة بأسعار معقولة. السخانات المتاحة للبيع مدمجة في الحجم لكنها قوية كفاية عشان تسخن المياه لدش وحنفيتين في وقت واحد.

وممكن تشوف موديلات مختلفة لسخانات الكهرباء من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

16 thoughts on “مزايا وعيوب سخانات المياه الكهربائية بدون خزان”

  1. محمد علي محمد says:

    لو عايزسخان اشغله في شركه بترول يسخن
    المياه حوالي 10 م3في الساعه لمده 15 ساعه في اليوم لحد 80 درجه
    مئويه

    1. Mohamed Abdelrahman says:

      أهلًا يا محمد 🙂

      الاختيار محتاج تفكير كويس
      ونصيحة الأفضل يكون سخان كهرباء مش غاز.. ورغم إن الغزا بيكون تسخينه أسرع ومتاح معظم الوقت لكن درجة الحرارة المطلوبة بتكون عالية فعلًا وعنصر الامان في السخان الغاز ممكن يقفل عنك التسخين علشان الأمان
      الكهربا هنا بيكون خيار أحسن.. ورغم غنه تكلفته أعلى علشان فواتير الكهربا لكن ممكن تتحمل شوية 😀

      عمومًا الكهربا بيفصل عند الوصول لدرجة الحرارة المطلوبة.. ويا ريت كمان لو تجيب الحلة الداخلية بتاعته استانلس ستيل لانه بيكون صحي أكتر
      ومهم كمان يكون الضمان سنين كتيرة والأهم من كل ده ما يكونش منتج جديد في السوق (حتى لو ضمان شركة كبيرة) لإنه غالبا بيكون مش معروف أعطاله واحتمال أكبر المهندسين ما يكونش عندهم خبرة كافية في تصليحه
      ومستنيين رأيك 😉

  2. خالد الشعراوى says:

    من احس السخانات الكهربا الفورى
    سخان مياه كهرباء فوري شتيبل الترون – DHF 12 C1

    1. Hady says:

      دة حضرتك مجربه ؟! و بقاله معاك قد أيه ؟!

    2. Iman says:

      نوعه ايه من فضلك واى موديل

      1. Mohamed Abdelrahman says:

        ممكن توضيح

  3. Hany Monir Aziz says:

    عيوب سخانات كلاج

    1. Mohamed Abdelrahman says:

      ممكن تحدد الموديل بالظبط يا افندم؟

  4. Mohamed aboukhair says:

    محتاج سخان clage 9 كيلو وات
    السخان دة ممكن يشتغل علي حمام صغير فية حنفية وحدة ودش …… مع العلم ان الاتنين مايشتغلوش في وقت واحد .

    1. Mohamed Abdelrahman says:

      ممكن يا افندم، لكن بشرط إن الاستعمال يكون لمطبخ أو حمام، علشان يوصلك مياه سخة بشكل كويس، غير كده هيشتغل كلن المية هتكون فاترة خصوصًا إن قدرته على التسخين تقريبًا 5 لتر/ دقيقة
      يعني أقل من قدرة السخان الغاز الـ 6 لتر

  5. محمد says:

    ممكن يتركب مكان السخان العادي أبو تنك ولااا ليه اساسيات سباكه مخصوص

    1. Mohamed Abdelrahman says:

      عادي يا افندم، هو بس بيحتاج توصيلات كهربا مخصوص

  6. Ahmed Mohammed says:

    السلام عليكم و رحمة الله
    أنا بس عندي بعض الاستفسارات بخصوص سخان كليج ال 12 واط.

    هل ضغط المياه مع استخدام دوش واحد جيد؟ مقارنة بالي لديه خزان

    هل المنتج به عيوب أصبحت معروفة؟

    ما هي الاسلاك الكهربائية الخاصة التي احتاجها؟ و هل تأتي مع المنتج؟ و أيضا مع العلم أني أسكن في القاهرة الجديدة و عندي عداد الكهربة الجديد الي بل شحن, هل ده في مشكلة مع نوعية الساخان ده؟

    شكرا جزيلا على أي مساعدة لك

    1. Mohamed Abdelrahman says:

      ضغط المياه بشكل مستمر بيعتمد على المكان اللي حضرتك فيه، وكل مكان وليه ظروف المياة ليه.

      السخان مش موفر قوي للكهربا

      سلك كهربا عالي المقاومة.. ينصح بتوصيل السخان بسلك خارجي، ولو فيه فيشة جنب السخان على طول يفضل التأكد من تحمل الأسلاك الداخلية

      1. Ahmed Mohammed says:

        شكرا لحضرتك

        1. Mohamed Abdelrahman says:

          العفو

Leave a Reply

Your email address will not be published. Required fields are marked *