قائمة بأهم مواصفات سخانات المياه
كتبت: شروق المليجي
سخانات المياه واحدة من أكتر الأجهزة اللي خطوة شراها بتحتاج تفكير كتير، وده لإنه من السلع المعمرة اللي بتعيش مدة طويلة في البيت أو المكتب. وتعدد وتنوع الأنواع والموديلات الموجودة في السوق على قد ما هو شيء كويس فهو شيء محير، وكتير من الناس بتفضل السخان الغاز وفيه نسبة كبيرة كمان بتفضل سخانات المياه الكهربائية.
ولإننا في ياقوطة بنهتم براحتك هنقدم ليك في المقال مجموعة نصائح وهنقدم ليك دليل كامل لاختيار أحسن السخانات. مش كده وبس، من خلال ياقوطة تقدر تعرف أحسن أسعار السخانات، ولو عجبك موديل منهم وعاوز تطلبه تقدر تعرف أحسن الأسعار ليه وتطلبه من خلالنا وهيوصل لغاية عندك في أسرع وقت.
*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.
أنواع السخان هي سخان بخزان وده بيكون كهرباء أو سخان مياه الغاز.
سخان الكهرباء: إمتى أجيبه وإيه اللي لازم أعرفه؟
- سخان الكهرباء من عيوبه إن المياه السخنة مش بتكون متوفرة أول ما يتحتاجها ولازم تستنى المياه تسخن.
- لو أسرتك عدد أفرادها كبير، خزان الكهرباء هيكون مناسب أكتر وطبعًا تكون سعة الخزان كبيرة.
- لو ضغط المياه ضعيف عندك في البيت أو كنت من سكان الأدوار العليا، يفضل تجيب سخان كهرباء عشان الغاز بيحتاج ضغط مياه كويس عشان يشتغل بكفاءة.
- لو هتجيب سخان كهرباء اتأكد إنه بياخد وقت قصير في تسخين المياه.
- لو هتجيب سخان كهرباء مهم إن الخزان يكون معزول كويس، عشان يقدر يحتفظ بدرجة الحرارة لأطول فترة ممكنة بعد الفصل.
- لازم الخزان يكون فيه طبقة زجاج أو بورسلين من الداخل عشان تحميه من الصدأ ويعيش معاك.
- سخانات الكهرباء بتعيش ١٠-١٥ سنة وده أقل من سخانات الغاز لإن المياه ممكن تسبب تآكل للخزان من جوه.
- سخانات الكهرباء أغلى ومكلفة أكتر في استهلاك الكهرباء.
شوف سخانات المياه الكهرباء من هنا.
سخان الغاز: إمتى أجيبه وإيه اللي لازم أعرفه؟
- من مميزات سخان المياه الغاز بيكون عندك مياه سخنة طول الوقت ومش لازم تستنى.
- لو عايز توفر في الكهرباء سخان الغاز هيكون مناسب ليك لإنه بيشتغل بس عند الاستخدام واستهلاكه أقل من سخان الكهرباء.
- لو هتشتري سخان غاز اتأكد إن عدد اللترات اللي ينفع يسخنها في المرة الواحدة مناسب ليك ولأسرتك.
- لو هتشتري سخان غاز يفضل يكون في واحد للحمام وواحد للمطبخ عشان ينفع للاستخدامات المتعددة.
- لو استهلاكك متوسط أو قليل اشتري سخان الغاز.
- لو عايز حاجة تعيش معاك سنين وسنين يبقى تجيب سخان غاز لإنه ممكن يوصل معاك لـ٢٠ سنة ده غير قطع الغيار اللي ممكن تطول من عمره.
شوف سخانات المياه الغاز من هنا.
نصائح عامة قبل شراء السخان
- اختار السخان اللي صمامته نحاس مش بلاستيك عشان تعيش فترة أول.
- اختار سخان فترة الضمان بتاعته طويلة، بعض السخانات ضمانها بيوصل لـ 12 سنة.
- اتأكد من توفير منفذ هواء للسخان الغاز عشان تمنع الإختناق واتأكد إن شعلته تشتغل تلقائي عشان يوفر غاز.
- لو بتستخدم سخان كهرباء، فضي السخان كل ٣ شهور واتأكد إن الحلة في حالة كويسة، وكمان اعمل صيانة على الثرموستات والصمامات كل ٦ شهور.
- لما تيجي تركب السخان لازم تستعين بفني عشان يتأكد من سلامة الوصلات.
- افصل السخان تمامًا سواء كان غاز أو كهرباء لو هتسافر فترة طويلة شوية.
شوف أنواع سخانات المياه المختلفة من هنا.
شوف إزاي تشتري أحسن سخان مياه في مصر من هنا.
*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.