صيحات موضة 2016 أزياء ومكياج الزفاف والحفلات

كتب: دينا أمير

سواء أنتي العروسة أو معزومة على مناسبة هيبقى عندك اختيارات كتير جدًا، وأكيد من أكبر اهتماماتك أنك تكوني مبسوطة وشكلك حلو في نفس الوقت، وعشان ياقوطة همها أنك تحسي بجمالك وتكوني فرحانة بنقدم لك دليل شامل عن الفستان المناسب والمكياج الأنسب لك وكل دا من موضة 2016 وبواسطة خبراء في مجالات الأزياء والتجميل.

الدليل هيكون منقسم إلى جزئين أول جزء هيكون عن الموضة وازاى تختاري الفستان المناسب حسب موضة 2016 وهتقدم لنا نصائح دي «منى عريبة» صاحبة Ajmal Fashion، أما الجزء الثانى هيكون مرتبط بالمكياج وآخر موضة مكياج صيف 2016 و ازاى تختارى اللى يناسبك مع «دعاء حمودة» خبيرة التجميل.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

موضة سواريه صيف 2016

«منى عريبة» قالت لياقوطة أن الفساتين الكبيرة والواسعة المنفوشة زي العصر الفيكتوى موضة جدًا للسنة دي، بالإضافة للذيل الطويل، والدانتيل، والورد البارز موضة للصيف، أما ستايل عروس البحر « mermaid» من الكلاسيكيات اللي مش بتبطل لكن المشكلة أن فى مصر مش متعودين على الفساتين المنفوشة وبنفضل الفساتين الضيقة لكن عالميًا المنفوش هو موضة 2016.

شوفي هنا فستان أزرق ذيل طويل،  بسعر يبدأ من 1999 جنيه مصري.

القماش اللي ألوانه مدرجة موضة الصيف ده، وخصوصًا الألوان الهادئة زى الروز، و الأزرق، والسيمون،  والذهبي، والبيج، والأخضر الغامق، والفضى، وسواء اللون هادى أو لأ ده بيختلف من مصمم للتانى وحسب لون البشرة..  لكن عمومًا المتعارف عليه هى أن الصيف ألوانه فاتحة وهادية.

شوفي هنا فستان شيفون وردي، بسعر يبدأ من 1200 جنيه مصرى

اختيار لون الفستان حسب لون البشرة

لون البشرة شىء مهم جدًا فى تحديد لون الفستان عشان كده هنشوف نختار ازاى:

• لو لون بشرتك فاتح فاختياراتك مفتوحة ممكن تلبسي كل الألوان لكن الألوان الفاتحة والفاقعة بتكون جميلة و بتديكي  مظهر- Look-صيفى ومميز بين الجميع.

شوفي فستان فوشيا درابيه من هنا، بسعر 5000 جنيه مصري.

• لو لون بشرتك قمحي أو خمري فصعب نقول مين يلبس ايه؛ عشان حتى لو اتنين لهم نفس لون البشرة ممكن يكون في حاجات كتير تانية تأثر جنب لون البشرة على جمال المظهر النهائي لكن من حسن الحظ المكياج بيفرق كتير وممكن يساعدك تلبسى اللون اللى بتحبيه من غير ما تقلقي.

شوفي فستان أزرق شيفون هنا، بسعر 1800 جنيه مصري.

اختيار اللون حسب شكل الجسم

قاعدة عامة الألون الغامقة بتخفي عيوب الجسم لو ممتلئ من أي منطقة، فمثلًا الجسم لو شكل الكمثرى يبقى يُفضل الفستان يكون من فوق فاتح ومن تحت لون غامق، موديل الفستان بيكون أهم من اللون عشان يناسب شكل الجسم عشان نخفي العيوب ونظهر المميزات لكن برضه اللون بيساعد مع الموديل.

شوفي فستان أسود قصير هنا، بسعر 135 جنيه مصري.

لو عايزة تلبسي فستان لون واحد يبقى ممكن تعتمدي على الدانتيل المفرغ وتزوقي بيه الجزء اللى فوق عشان تلفتي له الانتباه، و ده هيساعدك تتخلصي من ملل الفستان اللي لونه واحد وفي نفس الوقت لو أنتي من أصحاب جسم الكمثرى يبقى ده هيساعدك تداري أى عيوب وتلبسي اللي أنت حباه، وعادة اختاري التصميم اللي  يخلي جسمك أجمل، ثم اختاري اللون الذي يلائم لون بشرتك وشكل الجسم.

لو أنتي طويلة ده هيساعدك جدًا في اختيار أي موديل سواريه؛ عشان أي موديل هيكون تفاصيله واضحة لكن المشكلة في طول الوسط بمعنى أن الجزء العلوي من الجسم لازم ميكونش شكله أقصر كتير من الجزء اللي تحت، خصوصًا لو هتلبسي كعب عالي و ده بتراعيه في تصميم الفستان، أما لو أنتي قصيرة البسي فستان اللون اللي فوق مختلف عن اللي تحت عشان يظهرك أطول مع الكعب العالي.

شوفي فستان دهبى دانتيل من هنا ، بسعر 4200 جنيه مصري.

لو عايزة تعرفي أكتر عن شكل الجسم وازاي تختاري لبسك يمكن قراءة موضة ربيع وصيف 2016.

موضة أحذية سواريه 2016

وضحت «منى» أن الكعب العالي مكمل السنة دي رمز للأنوثة لكن المختلف هو أن التفاصيل مطلوبة ممكن تكون بدانتيل لكن المشكلة الوحيدة هي أنك تلاقي حذاء مناسب ومريح لأنه هيضيف و يبرز جمال الفستان. لو أنتي مش متعودة تلبسي كعب عالي يبقى لازم تتمرني قبل المناسبة أو بلاش تلبسي كعب عالي، ممكن الأحذية اللي من غير كعب عالي تخلى شكلك أجمل لو أنتي مش متعودة على الكعب.

وأضافت «عربية» أن الحذاء لونه لازم يكون لون الفستان، بالنسبة للمحجبات دي ميزة لأن الفستان بيكون مداري الحذاء لكن برضه اللون مهم فممكن يكون الحذاء معمول من نفس قماش الفستان.

شوفي حذاء بيلمع أسود كعب عالي من هنا ، بسعر 299 جنيه مصري.

شوفي حذاء ذهبى بيلمع من هنا، بسعر 215 جنيه مصري.

شوفي حذاء ذهبي مفتوح كعب عالي من هنا ، بسعر 225 جنيه مصري.

شوفي حذاء فضى من هنا، بسعر 205 جنيه مصري.

شوفي حذاء أسود في ذهبي كعب عالى من هنا،  بسعر 149 جنيه مصري.

نصائح سريعة لموضة مكياج العرائس صيف 2016

«دعاء حمودة» خبيرة التجميل والمكياج قالت لنا أن العروسة يُفضل لها تحط  أحمر شفاه lipstick بلون فاتح يعني بلاش أحمر غامق أو بني لكن ممكن تحطي درجات الوردي. أما بالنسبة للعيون بلاش الأسود الدخاني Smokey أو ألوان الايلينر الفاقع زي الأزرق والأخضر لكن يستحسن الدرجات الترابية للعيون بس بلاش الدرجات الباهتة منها.

شوفي روج ماك وردى من هنا، بسعر 250 جنيه مصري.

شوفي روج ماك ماط من هنا، بسعر 260 جنيه مصري.

شوفي ايلاينر من هنا، بسعر 250 جنيه مصري.

وأضافت «دعاء» أن الرموش مهمة جدًا لأي عروسة؛ لأنها بتوضح العيون وبتحددها ما عدا صاحبات العيون البارزة بالنسبة للاى شادو ألوان البنى، و الذهبي، والأوكسيديه بمختلف درجاتهم مناسب جدًا.

شوفى بالت اى شادو هنا، بسعر 775 جنيه مصري.

شوفي اى شادو هنا،  بسعر 119 جنيه مصري.

شوفي ماكس فاكتور ماسكارا من هنا، بسعر يبدأ من 95 جنيه مصري.

لو عايزة تعرفى أكتر عن موضة مكياج 2016 و ايه الألوان الجديدة و ازاى تختاري المكياج حسب الملامح ولون البشرة قد يعجبك قراءة: موضة مكياج ربيع وصيف 2016.

المهم انك تستمتعى بالمناسبة سواء أنتي العروسة أو معزومة عيشي اللحظة وحافظي على جمالك.

قد تنفد المنتجات من المتاجر – out of stock-  في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com في فيسبوك.