بتعتبر البوجيهات أو زي ما بتتسمى (شمعات الاحتراق) من أهم أجزاء العربية واللي بتتحكم في أداءها وحركتها، وأي عطل في البوجيه ممكن يتسبب في مشاكل كتيرة في العربية أحياناً بتوصل لتعطلها عن العمل تمامًا، ده لأن البوجيهات هي المسئولة عن عمل الشرارة اللي بتقوم بعمل حرق ما بين الهوا البنزين الموجود في سلندرات الموتور، واللي بدوره بيولد الضغط المناسب على المباسم عشان تقدر تنتج الطاقة المسئولة عن تحريك العربية، وكالعادة أي عربية دايمًا بتحتاج لصيانة دورية ومصاريف كل فترة، وعشان كده النهارده في ياقوطة هنتكلم معاكوا عن المؤشرات الأساسية لتغيير البوجيهات وكمان هنعرضلكم أحسن ١٠ أنواع لبوجيهات العربية هتوفرلكم أعلى أداء، بأسعار مناسبة.

المقال ده كتبناه بالتعاون مع Oddigo. أول محل قطع غيار أونلاين في مصر. Oddigo حاليًا بقى من ضمن أكتر من ١٠٠ محل على ياقوطة، وتقدر تشوف كل منتجاتهم من هنا. هتلاقي كل قطع الغيار والإكسسوارات إللي محتاجاها عربيتك عندهم بأسعار منافسة للسوق جدًا. اللطيف في الموضوع إنك تقدر تطلب قطع الغيار وإنت في مكانك من خلال الويب سايت بتاعهم، وهتوصلك لحد باب البيت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

مؤشرات مبدئية لمشاكل البوجيه

١- لو العربية قطعت مسافة أكتر من ٩٠٠٠٠ كيلو متر

مش دايمًا كل البوجيهات بتبدي تتآكل بعد المسافة دي، لكن دي تعتبر متوسط المسافة اللي بعدها المفروض نروح نكشف على البوجيه، وأحيانًا بتكون المسافة أقل وأحيانًا بتكون أكتر لو انت مستخدمين نوع نضيف.

٢- زيادة معدل استهلاك العربية للبنزين

دي حاجة صعب نتأكد منها  بشكل مباشر إلا لو العربية معانا بقالها فترة ومتعودين وعارفين معدل استهلاكها للبنزين عامل إزاي، وكمان مؤشر البنزيل اللي هينزل بسرعة هو أكتر حاجة ممكن تأكدلنا ده، ولو حصل ده يبقى لازم نكشف على البوجيه، وغالبًا بيكون السبب هو عدم انتظام عمليات الانفجار في البوجيه.

٣- ضعف العزم في العربية

لو العربية مش بتسحب زي الأول أو عزمها بقى قليل، وخصوصًا على الطرق السريعة، ولو لاحظتوا أي صوت عالي في الموتور أو تقطيع، يبقى ده مؤشر قوى على وجود مشكلة في البوجيهات.

إزاي تعرف إنه البوجيه محتاج يتغير

بعد ملاحظة المؤشرات اللي اتكلمنا عنها، لو فكينا البوجيهات بعد كده ولقيناها متفحمة أو عليها أي آثار للزيت أو الكربون، يبقى دي علامة أكيد على ضرورة تغييرها، وممكن كمان بسهولة تفكوا بوجيه واحد بس من النص (مش الأول ولا الأخير) ولو لقيتوا عليه العلامات دي يبقى البوجيهات بالكامل محتاجة تتغير.

أحسن ١٠ بوجيهات على مستوى العالم بحسب تصنيف موقع Amazon
١٠- Autolite HT15 Platinum

معظم البوجيهات في المجموعة دي تم تصميم عشان تشتغل مع محركات ماركة فورد في أغلب الأوقات، وخصوصًا محركات 6.8 L4.6 ،5.4L ،L -3 valve motors.

والمجموعة دي بتيجي مع عدد من الخصائص المميزة جدًا زي هيكل من الفولاذ الصلب، وخاصية تآكل الفجوات مصغرة، وطرف من البلاتينيوم بأسلاك رفيعة.

وفي النهاية قدرت المجموعة دي من البوجيهات إنها تحصل على تقييم متوسط 4.3 نجوم، وده من أصل ٦٠ ريفيو عنها من المستخدمين على أمازون، واللي ٧٥٪ منهم إدوها تقييم ٥ نجوم.

٩- Motorcraft SP-515

كمان بوجيهات ماركة موتور كرافت تم تصميمها عشان تكون مناسبة أكتر للعربيات من ماركة فورد، وقدرت تستحوذ على إعجاب كتير من سواقين Tritons و Expeditions اللي كانت تعلقياتهم عليها إيجابية جدًا.

وقدرت المجموعة دي إنها تحصل على تقييم متوسط ٤٫٤ نجوم، وده من أصل أكتر من ٢٠٠ ريفيو عنها من المستخدمين على أمازون، واللي ٧٥٪ منهم إدوها تقييم ٥ نجوم.

٨- Bosch 4417 Platinum+

أكتر حاجة بتميز بوجيهات بوش، إنها بتيجي مناسبة لعدد كبير جدًا من أنواع العربيات، ومنها عربيات ماركة هوندا وميتسوبيشي وتويوتا و بي إم دابليو.

كمان بتتميز البوجيهات بفجوة قطب كهربائي في المصنع، مع إلكترودات أرضية محسنة من الإيتريوم، بتقدر تساعدها إنها توصل لخليط الهوا والبنزين بشكل أفضل، وبالتالي بتولد عملية احتراق مناسبة تمامًا.

حصلت المجموعة دي على تقييم عام ٤٫٣ نجوم، وده من أصل ١٧٥ ريفيو عنها من المستخدمين على أمازون، واللي ٧٦٪ منهم إدوها تقييم ٥ نجوم.

٧- NGK 3403 G-Power Platinum

لو تغيير البوجيهات كان عشان التوفير في استهلاك البنزين للعربية، يبقى بوجيهات NGK هتكون هي الخيار الأمثل ليك.

المجموعة دي قدرت تاخد تقييم متوسط ٤٫٦ نجوم، وده من أصل ٨٥ ريفيو عنها من المستخدمين على أمازون، واللي ٧٩٪ منهم إدوها تقييم ٥ نجوم.

تقدروا تشوفوا بوجيهات مجموعة NGK 3403 G-Power Platinum على ياقوطة من هنا.

٦- NGK 7090 BKR5EGP G-Power

مجموعة تانية من بوجيهات NGK، واللي بتتميز بسبائك البلاتين G-power اللي بتقدم قوة أكتر في الأداء واستهلاك أقل في البنزين، ومهم كمان تعرفوا إن الشمعات دي مش بتتقفل في المصنع، لكن تصميم القطب الكهربي من سبيكة البلاتين اللي بتيجي معاها بتضمن إنه الفجوة المثالية للعربية تفضل دقيقة ومظبوطة طول فترة حياة شغلة الأشعال.

وفي النهاية المجموعة دي قدرت تاخد تقييم متوسط ٤٫٦ نجوم، وده من أصل ١٥٠ ريفيو عنها من المستخدمين على أمازون، واللي ٨١٪ منهم إدوها تقييم ٥ نجوم.

تقدروا تشوفوا بوجيهات مجموعة NGK 7090 BKR5EGP G-Power على ياقوطة من هنا.

٥- Denso (4504) PK20TT Platinum TT

أما النوع ده من البوجيهات فهو قدر يكسب ثقة كتير من المستخدمين على أمازون لجودته العالية والمستقرة، وعشان كده الشركة دي أخدت لقب البائع المثالي على أمازون، وده بناءً على تقييم ٢٠٠ مستخدم.

كمان المجموعة دي قدرت تاخد تقييم متوسط ٤٫٦ نجوم، وده من أصل ٢٠٠ ريفيو عنها من المستخدمين على أمازون، واللي ٨١٪ منهم إدوها تقييم ٥ نجوم، ده غير إنها تعتبر الأرخص والأكتر انتشاراً بين كل البوجيهاات اللي بنتكلم عنها النهارده.

٤- NGK (5464) BKR5EIX-11 Iridium IX

أما البوجيهات دي فهي مخصوصة للي بيدوروا على الأداء العالي، وده لأنها بتيجي من سبيكة الإريديوم عالية الجودة، واللي بتيجي بدرجة انصهار أعلى، يعني هتضمن درجة حرق أعلى ونسبة تآكل أقل، وده بفضل الطلاء المعدني Trivalent اللي بيمنع التلوث والتآكل وتسرب الاحتراق.

وفي النهارية قدرت المجموعة دي تاخد تقييم متوسط ٤٫٧ نجوم، وده من أصل ٣٠٠ ريفيو عنها من المستخدمين على أمازون، واللي ٨٣٪ منهم إدوها تقييم ٥ نجوم، ده غير إنها تعتبر الأرخص والأكتر انتشاراً بين كل البوجيهاات اللي بنتكلم عنها النهارده.

٣- NGK (6418) BKR6EIX Iridium IX

في المركز التالت بنلاقي برضه بوجيهاتف NGK وبيفرق بين الموديل ده والموديل الرابع إن الموديل ده بيناسب عدد أكبر من العربيات.

قدرت المجموعة دي تاخد تقييم متوسط ٤٫٥ نجوم، وده من أصل ١٥٠ ريفيو عنها من المستخدمين على أمازون، واللي ٨٤٪ منهم إدوها تقييم ٥ نجوم، ده غير إنها تعتبر الأرخص والأكتر انتشاراً بين كل البوجيهاات اللي بنتكلم عنها النهارده.

تقدروا تشوفوا بوجيهات مجموعة NGK (6418) BKR6EIX Iridium IX على ياقوطة من هنا.

٢- NGK 3403 NGK G-Power

أما ده فهو الموديل الأكتر شهرة من بين موديلات NGK، واللي بيثق فيه عدد كبير جدًا من الستخدمين، وده لإنه متين جدًا وبيقدم أداء عالي وتوفير في البنزين، وبيختلف عن معظم الموديلات التانية في إنه بيوصل من المصنع للأسواق جاهز على التركيب بس، وله شعبية كبيرة جدًا بين سواقين لينكولن وبويكس وفيوردز.

بعد ١٢٥ ريفيو من المستخدمين على موقع أمازون، قدرت المجموعة دي تحصل على تقييم عام ٤٫٧ نجوم، وكمان 84٪ من المستخدمين قيموها بـ ٥ نجوم كاملة.

تقدروا تشوفوا بوجيهات مجموعة NGK 3403 NGK G-Power على ياقوطة من هنا.

١- NGK 6619 Iridium

وطبعًا المركز الأول هنا بيروح لماركة NGK اللي اتكررت كذا مرة معانا في الترتيب واللي قدرت تاخد ثقة عدد كبير جدًا من المستخدمين، لكن الموديل ده بالذات بيتميز بإنه بيجي مع نقطة انصهار عالية في الـ Iridium.

بعد ١٠٠ ريفيو من المستخدمين على موقع أمازون، قدرت المجموعة دي تحصل على تقييم ٤٫٨ نجوم، وكمان ٩٠٪ من المستخدمين قيموها ب ٥ نجوم كاملة، وخصوصًا سواقين تويوتا و بي إم دابليو اللي قالوا عنها إنها الحل المثالي للعربية.

تقدروا تشوفوا بوجيهات مجموعة NGK 6619 Iridium على ياقوطة من هنا.

* قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.