كتبت: ميّ نور

أحيانًا شاشات الموبايلات الصغيرة مش بتكون كافية، ما نقدرش ننكر إن فيه نسبة كبيرة من المستهلكين بتفضل الشاشات الكبيرة لأسباب مختلفة، وعشان كده بقى فيه أجهزة التابلت، لكن للأسف مش كل أجهزة التابلت بتقدر تقدملنا الأداء العالي وجودة الشاشة والكاميرا اللي بتقدمهم الموبايلات، وزي كل الأجهزة في الدنيا، أجهزة التابلت ليها فئات مختلفة من حيث الأسعار وجودة الأداء، والنهارده هنقدملكم واحد من أكتر أجهزة التابلت شعبية على ياقوطة، وهو لينوفو – تاب 3 – 7.0 بوصة، اللي بيقدم ممواصفات متوسطة بأسعار معقولة جدًا، تابعوا معانا عشان تعرفوا مواصفات ومميزات وعيوب التابلت، ولو عجبكم وعاوزين تشتروه تقدروا تعرفوا أفضل سعر ليه وتقارنوا بين الأسعار وتقدروا كمان تطلبوه من خلال ياقوطة وهيوصل لحد عندكم في أسرع وقت. 

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

التصميم

المميزات

• التابلت بييجي مع زوايا وأطراف منحنية عشان تسهل استخدامه ويكون مريح في مسكته.
• أبعاد التابلت كويسة جدًا، ومش هياخد مساحة كبيرة في الشنطة وممكن تقدر تمسكه بإيد واحدة.
• كمان بيدعم منفذ USB من نوع Micro بإصدار 2.0، يعني تقدر تلاقي وصلة الشحن بتاعته بسهولة، وممكن تستلفها من أي حد معاه موبايل حواليك، وكمان بيدعم منفذ للهاند فري بقطر 3.5 ملليمتر.
• من أهم المميزات في التابلت إنه بيدعم خاصية الـ OTG اللي تقدر من خلالها توصل التابلت بأي فلاشة أو ماوس أو كيبورد أو أي جهاز خارجي مع وصلة USB.

العيوب

• وزن التابلت كبير شوية وممكن يكون متعب لمفاصل الأيدين مع طول فترة الاستخدام.
• الهيكل بلاستيك ومعرض للكسر بسهولة، يعني هتحتاج تشتري غطاء لحماية التابلت.
• التابلت مش بيدعم أي معيار لمقاومة المياه أو الغبار أو الصدمات.
• التابلت مش بيدعم وجود مستشعر لبصمات الأصابع.
• كمان مش بيدعم لمبة إشعارات LED.

الشاشة

المميزات

• الشاشة بتدعم اللمس المتعدد.
• دقة التابلت معقولة بالنسبة للأجهزة في الفئة السعرية دي.

العيوب

• سرعة التاتش في الشاشة مش عالية قوي.
• الإضاءة مش كافية زي ما كنا متوقعين.
• مفيش أي طبقة حماية على الشاشة ضد الخدش أو الكسر.

الأداء

المميزات

• مساحة الذاكرة الداخلية ١٦ جيجابايت، وتعتبر كويسة جدًا بالنسبة للفئة السعرية دي.
• التابلت بيدعم إضافة بطاقة ذاكرة خارجية بسعة ٣٢ جيجابايت.
• نظام تشغيل الأندرويد 6.0 (مارشميلو) مناسب جدًا لقدرات التابلت ومش بيعاني من أي مشاكل.
• واجهة الأندرويد الخام بتحسن من أداء التابلت واستقراره، لإنها بتعتبر الواجهة الأصلية من جوجل ومفيش عليها أي إضافات ممكن تتسبب في أي عطل في النظام أو أي قصور في الأداء.
• التابلت بيدعم الاتصال بالبلوتوث والواي فاي، وخدمات المواقع (GPS).
• يدعم تشغيل راديو FM، وكمان بيدعم شبكات الجيل الثاني والثالث والرابع.

العيوب

• البروسيسور Mediatek MT8161 رباعي النواة بتردد 1.3 جيجاهرتز للأسف مش أفضل حاجة ممكن نشوفها في الفئة دي.
• الرامات ١ جيجابايت، ودي للأسف مش هتقدم أداء سريع في حالة تعدد المهام اللي ممكن تقوم بيها على التابلت.
• التابلت مش بيدعم خاصية التواصل قريب المدى NFC.
• ومش بيدعم خاصية O-share اللي بتساعد في نقل البيانات بشكل أسرع من اتصال البلوتوث.
• سماعات الـ Speaker صوتها مش عالي بالقدر الكافي، وكمان بتقدم صوت فيه تشويش.

الكاميرا

المميزات

• جودة تسجيل مقاطع الفيديو بتوصل لـ ١٠٨٠ بكسل، بسرعة ٣٠ لقطة في الثانية.

العيوب

• للأسف جودة التصوير بالكاميرا الأمامية والخلفية ضعيفة جدًا جدًا وتكاد تكون معدومة، وده شائع في أجهزة التابلت من الفئة السعرية دي.

البطارية

المميزات

• البطارية ليثيوم أيون وده أحسن نوع في بطاريات في العالم حتى الآن.
• كمان البطارية بتيجي بسعة ٣٤٥٠ مللي أمبير، ودي سعة مناسبة جدًا لإمكانيات التابلت ومساحة شاشته.
• البطارية ممكن تكمل يوم مع الاستخدام المتوسط.

العيوب

• البطارية غير قابلة للإزالة، يعني لو باظت أو حصل فيها أي مشكلة صعب تتبدل.
• التابلت مش بيدعم خاصية الشحن السريع أو اللاسلكي.

تجربة المستخدم

• في النهاية بعد ما تعرفنا على مميزات وعيوب التابلت، نقدر نتكلم بشكل عام ومختصر عنه، وليه ممكن تشتريه أو ما تشتريهوش. ببساطة لو محتاج تابلت للشغل أو للدراسة أو تابلت يستحمل معاك استهلاك قوي ويكون أداءه عالي، فللأسف التابلت ده مش هيكون مناسب ليك، لكن لو محتاج تابلت للاستخدام البسيط أو وللتسلية وتقدر من خلاله تتفرج على أفلام أو تفتح مواقع التواصل الاجتماعي وتتصفح الإنترنت وتستخدم بعض الألعاب البسيطة، ممكن التابلت ده يكون مناسب، وزي ما قولنا على قد الاستخدام الخفيف، لكن ما تعتمدش عليه بشكل أساسي. أما لو بتفكر تشتريه لأطفالك هيكون مناسب جدًا، وتقدر تزودله برامج حماية من المحتويات الغير مناسبة للأطفال. بكل سهولة، وهو هيكون مناسب للألعاب البسيطة والبرامج التعليمية.

تقدر تشوف لينوفو تاب 3 – 7.0 بوصة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.