كتب: خالد عاصم

على الرغم من أن تليفزيونات سامسونج هي القطب الأول في عالم صناعة التليفزيون، مع الاعتبار بأن تليفزيونات LG هي القطب التاني، إلا إنه في الفترة الأخيرة انتشرت بعض الشكاوى من بعض شاشات التليفزيون من سامسونج، وده بسبب انتشار كتير من الموديلات القديمة بأسعار منخفضة أو بعروض مغرية، وأحيانًا بيكون ده لعيوب صناعة أو لعدم توفر قطع غيار التليفزيون في مراكز الخدمة، وبالتالي لما بيحصل فيه أي عطل بيكون تصليحه في التوكيل أو خلال فترة الضمان مسألة صعبة جدًا، ومن هنا زادت الشكاوى خلال الفترة اللي فاتت.

وعشان السبب ده ناس كتير بقت تسأل، إزاي أعرف سنة صنع تليفزيون سامسونج قبل ما اشتريه؟

وانت بتشتري أي تليفزيون من تليفزيونات سامسونج هتلاحظ أنه مش بالضرورة تلاقي تاريخ الصنع على الكرتونة، وممكن ماتعرفش توصلها من دليل المستخدم، وأكيد مابتكونش مكتوبة على الشاشة نفسها، بس اللي متعرفوش إنك ممكن تعرف سنة صناعة التليفزيون من رقم الموديل ومن على أي موقع زي ياقوطة مثلًا.

لما تبص على رقم موديل كامل لأي تليفزيون من سامسونج هتلاقيه بييجي بصيغة شبه دي على سبيل المثال، QN65Q800TAFXZA، والرقم ده فيه كل المعلومات اللي ممكن تكون محتاجها عن التليفزيون، ودلوقتي هنفصص الرمز ده واحدة واحدة عشان نعرف إيه معناها.

أول حرف بيدل على تقنية صناعة التليفزيون وبتبقى كالتالي:

• Q معناها QLED
• U معناها LED
• P معناها Plasma
• L معناها LCD
• H معناها DLP
• K معناها OLED

اما الحرف التاني فبيدل على السوق الموجه ليه التليفزيون يعني على سبيل المثال حرف N معناه إنه موجه لأمريكا الشمالية، وE يعني أوروبا وA يعني أسيا، أما الرقمين بعد الحرف ده فبيدل على قطر الشاشة يعني ٦٥ في المثال اللي احنا كاتبينه معناه إن قطر الشاشة 65 بوصة وهكذا، ودلوقتي الجزء اللي يهمنا وهو الجزء اللي بعد الرقمين وهو في المثال ده Q800T وده ليه تقسميه هو كمان وبيختلف بالكامل باختلاف التليفزيون يعني ممكن الرمز ده يبقى LS03T مثلًا، وفي الرمز ده أول حرف أو حرفين بيدلوا على سلسلة التليفزيون يعني LS معناها Lifstyle TV واللي منها تليفزيونات The Frame مثلًا، أما Q فدي لتليفزيونات QLED وتليفزيونات OLED بيكون رمزها S، اما تليفزيونات Full HD أو UHD أو S-UHD فدي ليها تقسميه من حرفين والحرفين ليهم دلالة على جودة العرض وسنة الصنع وهنتكلم عنها كمان شوية.

بالنسبة لكل الأنواع اللي في الأول فالحرف الأخير هو اللي بيدل على سنة الصنع، يعني حرف B معناه سنة ٢٠٢٢، وحرف T معناه ٢٠٢١ في موديلات و٢٠٢٠ في موديلات تانية، وحرف A برضه معناه ٢٠٢١ في موديلات QLED وحرف R لسنة ٢٠١٩ وأحيانًا ٢٠١٨، أما المجموعة التانية فحروف AU لسنة ٢٠٢١ وحروف TU وT لسنة 2020 وحروف RU وR لسنة ٢٠١٩.

اما بعد الجزء ده وباقي الحروف، فاول حرف بيشير للجيل يعني حرف A هو الجيل الأول، وحرف B هو الجيل التاني، والحرف اللي بعده بيشير لنوع التيونر في التليفزيون، والحرف اللي بعده ده بيكون غالبًا ثابت، أما الحرفين في الأخر فدول للإشارة لكود الدولة بتاعة التليفزيون.

وبكده تكون عرفت إزاي تقدر تعرف كتير من المعلومات الأساسية ومنها تاريخ الصنع لأي تليفزيون من تليفزيونات سامسونج ودلوقتي هنتعرف على مجموعة من أحدث التليفزيونات دي في السوق المصري والمتوفرة على ياقوطة.

ولو أي تليفزيون من اللي هنتكلم عنهم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع 

أفضل تليفزيونات سامسونج من الموديلات الجديدة في السوق المصري

تليفزيون سامسونج QLED بقطر ٦٥ بوصة ذكي 4K موديل 65Q80B

تليفزيون سامسونج من أفضل موديلات تليفزيونات سامسونج لسنة ٢٠٢٢، التليفزيون بقطر ٦٥ بوصة بتقنية QLED بجودة 4K بدقة ٣٨٤٠ × ٢١٦٠ بيكسل بيدعم معدل تحديث لحد ١٠٠ هيرتز، والتليفزيون بيعتمد على معالج Quntum Processor 4K اللي بيخليه قادر يدعم تقنيات كتير جدًا زي خاصية 1 بليون لون، مع دعم لخاصية Quantum HDR 12X، ودعم لتقنية HDR10 Plus ومجموعة تانية كبيرة من التقنيات البصرية زي خاصية AI Upscale اللي بتقدر ترفع جودة أي فيديو بشكل تلقائي، وخاصية Motion Xcelerator Turbo Plus.

اما الصوتيات فبتتضمن دعم لتقنية دولبي أتموس وخاصية الصوت اللاسلكي عبر بلوتوث وبيعتمد التليفزيون على سماعات قوية مع توفر ووفر ودع لخرج صوت قوي جدًا بالإضافة لتقنيات صوتية تانية من أفضل التقنيات المتوفرة في الأجهزة المشابهة، والتليفزيون سمارت بيدعم خاصية الأوامر الصوتية وبيوفر مجموعة كبيرة من التطبيقات المختلفة.

اتعرف على عروض أسعار تليفزيون سامسونج ٦٥ بوصة QLED 4K من هنا.

تليفزيون سامسونج The Frame QLED بقطر ٤٣ بوصة بجودة 4K موديل 43LS03A

واحد من تليفزيونات سامسونج من سلسلة The Frame الممتازة اللي بتعتمد على تصميم نحيف جدًا وحواف نحيفة وبيتمتع بمجموعة من المواصفات الممتازة أبرزها الشاشة غير اللامعة اللي بتخليك تستمتع بالمشاهدة من غير أي انعكاس على الشاشة، ده غير تصميمه الجذاب جدًا واللي تقدر تغير لونه من خلال إطارات بتركب عن طريق المغناطيس عشان تتحكم في لون التليفزيون ويلائم الغرفة اللي فيها ويلائم ديكورها.

التليفزيون إمكانياته ممتازة لأنه بتقنية QLED عالية الجودة وهو بجودة 4K وبالإضافة لتقنيات التليفزيون المعتادة فهو فيه كمان مستشعر للحركة عشان يشتغل أو يتطفي بمجرد دخولك أو خروج من الغرفة، وكمان مستشعر السطوع اللي بيعدل سطوع الشاشة عشان تتوافق مع الإضاءة المحيطة بيها، ده غير التقنيات البصرية والصوتية الممتازة المعروفة بيها شاشات سامسونج.

اتعرف على عروض أسعار تليفزيون سامسونج The Frame QLED بقطر ٤٣ بوصة من هنا.

تليفزيون سامسونج QLED بقطر ٥٥ بوصة بجودة 4K موديل QA55A60B

موديل تاني من موديلات تقنية QLED لسنة ٢٠٢٢ بتقنية Quantum Dot اللي بتقدم دقة ألوان مالهاش مثيل بتخليك تحس إن الصورة بتنبض بالحياة فعلًا، التليفزيون تصميمه نحيف وجذاب جدًا وبقطر ٥٥ بوصة يعني مناسب لمساحات كتير للأوض، التليفزيون كمان بيتمتع بخاصية التباين السينمائي اللي بتخلي الفروق ما بين المناطق المظلمة والمضيئة في الشاشة تكون واضحة عن بعضها بشكل قريب جدًا من شاشات العرض السينمائي.

والتليفزيون بيعتمد على معالج Quantum Processor Lite 4K القوي والسريع والذكي واللي بيوفر مجموعة كبيرة من التقنيات الممتازة، وكمان بيدعم خاصية Motion Xcelerator وبيعتمد على تقنية Dual LED وكلها تقنيات بتخلي التليفزيون مثالي في كل سيناريوهات الاستخدام وخصوصًا في الألعاب عالية الجودة بالاعتماد على منصات ألعاب الجيل الجديد.

اتعرف على عروض أسعار تليفزيون سامسونج QLED بقطر ٥٥ بوصة 4K من هنا.

تليفزيون سامسونج QLED بقطر ٨٥ بوصة بجودة 4K موديل 85Q70B

لو عندك مساحة كبيرة وعايز تليفزيون يخليك تعيش تجربة مشاهدة استثنائية وكأنك جوا الحاجة اللي بتشوفها يبقى هو ده التليفزيون المثالي ليك وهو فعلًا يستحق كل جنيه هتدفعه فيه، التليفزيون بيتميز بقطر ضخم ٨٥ بوصة وبجودة 4K وهو من تليفزيونات سامسونج بتقنية QLED اللي بتجمع مجموعة كبيرة من التقنيات اللي اتعرفنا عليها في الموديلات اللي فاتت في المقال ده وعليها كمان تقنيات تانية ممتازة زي دعم معدل تحديث ١٢٠ هيرتز ودعم أحدث تقنيات HDR وغيرها من التقنيات البصرية والصوتية المختلفة.

اتعرف على عروض أسعار تليفزيون سامسونج بقطر ٨٥ بوصة 4K من هنا.

تليفزيون سامسونج Neo QLED بقطر ٦٥ بوصة بجودة 8K موديل 65QN700B

من تليفزيونات سنة ٢٠٢٢ اللي بتوفر أفضل تجربة مشاهدة ممكنة بدعم لجودة 8K اللي بدأت تنتشر وهتكون سائدة في المستقبل القريب بدل جودة 4K يعني تليفزيون هيعيش فعلًا لسنين كتير جايه، والتليفزيون بيدعم طبعًا أحدث النقنيات الممكنة اللي وصلت ليها سامسونج في عالم تطوير وصناعة التليفزيون زي تقنيات Quantum Matrix وQ Symphony الصوتية وأحدث تقنيات HDR ودولبي أتموس ودولبي فيجين وغيرها من التقنيات الممتازة.

اتعرف على عروض أسعار تليفزيون سامسونج Neo QLED بقطر ٦٥ بوصة 8K من هنا.

اتعرف على عروض أسعار مختلف تليفزيونات سامسونج المتوفرة على ياقوطة من هنا.

اتعرف على عروض أسعار مختلف التليفزيونات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.