مواصفات وأسعار أحدث موديلات تليفزيونات سامسونج على ياقوطة
كتب: خالد عاصم
على الرغم من أن تليفزيونات سامسونج هي القطب الأول في عالم صناعة التليفزيون، مع الاعتبار بأن تليفزيونات LG هي القطب التاني، إلا إنه في الفترة الأخيرة انتشرت بعض الشكاوى من بعض شاشات التليفزيون من سامسونج، وده بسبب انتشار كتير من الموديلات القديمة بأسعار منخفضة أو بعروض مغرية، وأحيانًا بيكون ده لعيوب صناعة أو لعدم توفر قطع غيار التليفزيون في مراكز الخدمة، وبالتالي لما بيحصل فيه أي عطل بيكون تصليحه في التوكيل أو خلال فترة الضمان مسألة صعبة جدًا، ومن هنا زادت الشكاوى خلال الفترة اللي فاتت.
وعشان السبب ده ناس كتير بقت تسأل، إزاي أعرف سنة صنع تليفزيون سامسونج قبل ما اشتريه؟
وانت بتشتري أي تليفزيون من تليفزيونات سامسونج هتلاحظ أنه مش بالضرورة تلاقي تاريخ الصنع على الكرتونة، وممكن ماتعرفش توصلها من دليل المستخدم، وأكيد مابتكونش مكتوبة على الشاشة نفسها، بس اللي متعرفوش إنك ممكن تعرف سنة صناعة التليفزيون من رقم الموديل ومن على أي موقع زي ياقوطة مثلًا.
لما تبص على رقم موديل كامل لأي تليفزيون من سامسونج هتلاقيه بييجي بصيغة شبه دي على سبيل المثال، QN65Q800TAFXZA، والرقم ده فيه كل المعلومات اللي ممكن تكون محتاجها عن التليفزيون، ودلوقتي هنفصص الرمز ده واحدة واحدة عشان نعرف إيه معناها.
أول حرف بيدل على تقنية صناعة التليفزيون وبتبقى كالتالي:
- Q معناها QLED
- U معناها LED
- P معناها Plasma
- L معناها LCD
- H معناها DLP
- K معناها OLED
اما الحرف التاني فبيدل على السوق الموجه ليه التليفزيون يعني على سبيل المثال حرف N معناه إنه موجه لأمريكا الشمالية، وE يعني أوروبا وA يعني أسيا، أما الرقمين بعد الحرف ده فبيدل على قطر الشاشة يعني ٦٥ في المثال اللي احنا كاتبينه معناه إن قطر الشاشة 65 بوصة وهكذا، ودلوقتي الجزء اللي يهمنا وهو الجزء اللي بعد الرقمين وهو في المثال ده Q800T وده ليه تقسميه هو كمان وبيختلف بالكامل باختلاف التليفزيون يعني ممكن الرمز ده يبقى LS03T مثلًا، وفي الرمز ده أول حرف أو حرفين بيدلوا على سلسلة التليفزيون يعني LS معناها Lifstyle TV واللي منها تليفزيونات The Frame مثلًا، أما Q فدي لتليفزيونات QLED وتليفزيونات OLED بيكون رمزها S، اما تليفزيونات Full HD أو UHD أو S-UHD فدي ليها تقسميه من حرفين والحرفين ليهم دلالة على جودة العرض وسنة الصنع وهنتكلم عنها كمان شوية.
بالنسبة لكل الأنواع اللي في الأول فالحرف الأخير هو اللي بيدل على سنة الصنع، يعني حرف B معناه سنة ٢٠٢٢، وحرف T معناه ٢٠٢١ في موديلات و٢٠٢٠ في موديلات تانية، وحرف A برضه معناه ٢٠٢١ في موديلات QLED وحرف R لسنة ٢٠١٩ وأحيانًا ٢٠١٨، أما المجموعة التانية فحروف AU لسنة ٢٠٢١ وحروف TU وT لسنة 2020 وحروف RU وR لسنة ٢٠١٩.
اما بعد الجزء ده وباقي الحروف، فاول حرف بيشير للجيل يعني حرف A هو الجيل الأول، وحرف B هو الجيل التاني، والحرف اللي بعده بيشير لنوع التيونر في التليفزيون، والحرف اللي بعده ده بيكون غالبًا ثابت، أما الحرفين في الأخر فدول للإشارة لكود الدولة بتاعة التليفزيون.
وبكده تكون عرفت إزاي تقدر تعرف كتير من المعلومات الأساسية ومنها تاريخ الصنع لأي تليفزيون من تليفزيونات سامسونج ودلوقتي هنتعرف على مجموعة من أحدث التليفزيونات دي في السوق المصري والمتوفرة على ياقوطة.
ولو أي تليفزيون من اللي هنتكلم عنهم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
مقارنة بين تليفزيون سامسونج سمارت ٥٥ بوصة 4K وبين تليفزيون LG سمارت ٥٥ بوصة 4K
كتب: خالد عاصم
لكل مجال تكنولوجي شركاته العملاقه اللي منتجاتها بتتميز بسيطرتها الكاملة على السوق على المستوى التجاري ومستوى المبيعات، وكمان بتتميز المنتجات دي بإنها بتتضمن أحدث التقنيات للدرجة اللي بتخليها تقدر تحدد مستقبل المجالات دي، وفي عالم التكنولوجيا الاستهلاكية المنزلية وخصوصًا التليفزيونيات، تعتبر أكبر شركة سامسونج وشركة LG هما العمالقة تقريبًا من غير منافسة فعلية، يعني نقدر نقول إن المنافسة الرئيسية على القمة بتكون بين سامسونج وLG وباقي الشركات بتتنافس على المراكز التانية.
بتوفر سامسونج وLG مجموعة كبيرة ونطاق واسع من التليفزيونات المتميزة والمختلفة من حيث القطر طبعًا وكمان من حيث الجودة والإمكانيات والتقنيات وغيرها، ومن بين كل التنوع ده هنختار تليفزيون واحد من كل شركة عشان نقارنهم ببعض، واختيارنا النهارده هيكون لتليفزيون بمواصفات أساسية هي قطر 55 بوصة وجودة 4K وإنه يكون تليفزيون سمارت، وفي الوقت اللي بتوفر فيه الشركتين تليفزيونات كتير بنفس المواصفات دي، اخترنا أقربهم من حيث السعر للمستهلك.
من خلال المقال ده هنقارن بين تليفزيون سامسونج سمارت ٥٥ بوصة بجودة 4K وما بين تليفزيون LG بالمواصفات والخصائص نفسها، وهنتعرف على إمكانياتهم ومتوسط أسعارهم في السوق المصري، ولو اختارتوا واحد من الاتنين هتقدروا تطلبوهم من خلالنا في ياقوطة وهيوصلولكم لحد باب البيت أو مكان ما تحبوا بأسرع وقت ممكن.
أفضل المنتجات التي يمكنك الحصول عليها في البلاك فرايداي مع ياقوطة
كتب: خالد عاصم
بدأت فعاليات البلاك فرايداي، الموسم اللي كلنا بنستناه وفي أوقات بنأجل شراء احتياجاتنا لحد شهر نوفمبر بسببه، والسنة دي زي كل سنة البلاك فرايداي جاي ومعاه عروض ممتازة في مختلف أنواع المنتجات الاستهلاكية وخصوصَا المنتجات الأكتر شيوعًا واللي بيدور عليها المستهلكين دايمًا زي التليفزيونات وأجهزة المطبخ والتكييفات وأجهزة الألعاب، وفي المقال ده جمعنالكم أبرز التخفيضات على مختلف المنتجات الاستهلاكية المتميزة اللي انخفضت أسعارها بمناسبة البلاك فرايداي وموسم التخفيضات الأكبر في السنة، وطبعًا كل المنتجات اللي هنتكلم عنها هتقدروا تطلبوها من خلالنا في ياقوطة وهتوصلكم لحد باب البيت أو مكان ما تحبوا بأسرع وقت ممكن.
أفضل تليفزيونات Smart 4K لمشاهدة ممتعة لبطولة كأس الأمم الأفريقية
كتب: خالد عاصم
بعد حوالي ١٣ سنة رجعت بطولة الأمم الأفريقية لمصر مرة تانية، وهتستضيف الملاعب المصرية فعاليات البطولة في الفترة من ١٥ يونيو لحد ١٣ يوليو الجايين، يعني مش فاضل كتير ولازم نبدأ استعداداتنا للبطولة المميزة سواء كنت ناوي تتابع بعض الماتشات في الملاعب أو ناوي تتفرج عليها كلها في البيت من خلال التليفزيون.
لو ناوي تتفرج على البطولة في الملعب فكل اللي عليك إنك تشتري تذاكر الماتشات اللي ناوي تتفرج عليها من خلال الموقع الخاص اللي هتعلن عنه اللجنة المنظمة للبطولة قريب، أما باقي الماتشات اللي هتشوفها في البيت أو لو هتتفرج على كل الماتشات في البيت من الافتتاح للختام، فلازم تكمل المقال ده عشان هنعرفك على أفضل الطرق اللي تستمتع بيها بمشاهدة ممتعة للبطولة.
متابعة بطولة الأمم الأفريقية اللي هتقام في مصر من يونيو ليوليو ٢٠١٩ وبأفضل جودة ممكنة محتاجه إنك تكون مستعد بوجود تليفزيون 4K أو سمارت وفي المقال ده هنعرفك على أفضلهم، طبعًا أي تليفزيون من اللي هنتكلم عنهم النهاردة هتقدروا تطلبوهم من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.
Recent Comments