استمتع بمسلسلات رمضان مع أفضل شاشات سمارت من ياقوطة
كتب: خالد عاصم
رمضان كريم وكلنا بدأنا نستعد بجدول المسلسلات عشان نعرف كل مسلسل بيتذاع على أي قناة وطبعًا كلنا عارفين إننا هنعاني مع الكم الكبير من الإعلانات اللي تقريبًا بتاخد وقت أكتر من ضعف المسلسل، يعني الحلقة اللي ممكن تتشاف في نص ساعة هتشوفها تقريبًا في ساعتين، ده غير إنك ملزم بمواعيد عرض المسلسلات دي واللي ممكن ماتكونش مناسبة ليومك.
الكلام ده كله ممكن تريح دماغك منه بمجرد ما تشتري تليفزيون سمارت أو اندرويد TV واللي من خلالهم تقدر تشترك في أي منصة من منصات العرض اللي على الإنترنت وتتفرج على كل اللي نفسك فيه في أي وقت ومن غير إعلانات ولا إزعاج ولا تضييع وقت، وكمان تعيد الحلقة اللي عجبتك وقت ما تحب، ولو انت لسا معندكش تليفزيون سمارت ولا اندرويد تي في ففي المقال ده هنعرفك على مجموعة من أبرزهم على ياقوطة.
ولو أي تليفزيون من اللي هنتكلم عنهم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
مواصفات وأسعار أحدث موديلات تليفزيونات سامسونج على ياقوطة
كتب: خالد عاصم
على الرغم من أن تليفزيونات سامسونج هي القطب الأول في عالم صناعة التليفزيون، مع الاعتبار بأن تليفزيونات LG هي القطب التاني، إلا إنه في الفترة الأخيرة انتشرت بعض الشكاوى من بعض شاشات التليفزيون من سامسونج، وده بسبب انتشار كتير من الموديلات القديمة بأسعار منخفضة أو بعروض مغرية، وأحيانًا بيكون ده لعيوب صناعة أو لعدم توفر قطع غيار التليفزيون في مراكز الخدمة، وبالتالي لما بيحصل فيه أي عطل بيكون تصليحه في التوكيل أو خلال فترة الضمان مسألة صعبة جدًا، ومن هنا زادت الشكاوى خلال الفترة اللي فاتت.
وعشان السبب ده ناس كتير بقت تسأل، إزاي أعرف سنة صنع تليفزيون سامسونج قبل ما اشتريه؟
وانت بتشتري أي تليفزيون من تليفزيونات سامسونج هتلاحظ أنه مش بالضرورة تلاقي تاريخ الصنع على الكرتونة، وممكن ماتعرفش توصلها من دليل المستخدم، وأكيد مابتكونش مكتوبة على الشاشة نفسها، بس اللي متعرفوش إنك ممكن تعرف سنة صناعة التليفزيون من رقم الموديل ومن على أي موقع زي ياقوطة مثلًا.
لما تبص على رقم موديل كامل لأي تليفزيون من سامسونج هتلاقيه بييجي بصيغة شبه دي على سبيل المثال، QN65Q800TAFXZA، والرقم ده فيه كل المعلومات اللي ممكن تكون محتاجها عن التليفزيون، ودلوقتي هنفصص الرمز ده واحدة واحدة عشان نعرف إيه معناها.
أول حرف بيدل على تقنية صناعة التليفزيون وبتبقى كالتالي:
- Q معناها QLED
- U معناها LED
- P معناها Plasma
- L معناها LCD
- H معناها DLP
- K معناها OLED
اما الحرف التاني فبيدل على السوق الموجه ليه التليفزيون يعني على سبيل المثال حرف N معناه إنه موجه لأمريكا الشمالية، وE يعني أوروبا وA يعني أسيا، أما الرقمين بعد الحرف ده فبيدل على قطر الشاشة يعني ٦٥ في المثال اللي احنا كاتبينه معناه إن قطر الشاشة 65 بوصة وهكذا، ودلوقتي الجزء اللي يهمنا وهو الجزء اللي بعد الرقمين وهو في المثال ده Q800T وده ليه تقسميه هو كمان وبيختلف بالكامل باختلاف التليفزيون يعني ممكن الرمز ده يبقى LS03T مثلًا، وفي الرمز ده أول حرف أو حرفين بيدلوا على سلسلة التليفزيون يعني LS معناها Lifstyle TV واللي منها تليفزيونات The Frame مثلًا، أما Q فدي لتليفزيونات QLED وتليفزيونات OLED بيكون رمزها S، اما تليفزيونات Full HD أو UHD أو S-UHD فدي ليها تقسميه من حرفين والحرفين ليهم دلالة على جودة العرض وسنة الصنع وهنتكلم عنها كمان شوية.
بالنسبة لكل الأنواع اللي في الأول فالحرف الأخير هو اللي بيدل على سنة الصنع، يعني حرف B معناه سنة ٢٠٢٢، وحرف T معناه ٢٠٢١ في موديلات و٢٠٢٠ في موديلات تانية، وحرف A برضه معناه ٢٠٢١ في موديلات QLED وحرف R لسنة ٢٠١٩ وأحيانًا ٢٠١٨، أما المجموعة التانية فحروف AU لسنة ٢٠٢١ وحروف TU وT لسنة 2020 وحروف RU وR لسنة ٢٠١٩.
اما بعد الجزء ده وباقي الحروف، فاول حرف بيشير للجيل يعني حرف A هو الجيل الأول، وحرف B هو الجيل التاني، والحرف اللي بعده بيشير لنوع التيونر في التليفزيون، والحرف اللي بعده ده بيكون غالبًا ثابت، أما الحرفين في الأخر فدول للإشارة لكود الدولة بتاعة التليفزيون.
وبكده تكون عرفت إزاي تقدر تعرف كتير من المعلومات الأساسية ومنها تاريخ الصنع لأي تليفزيون من تليفزيونات سامسونج ودلوقتي هنتعرف على مجموعة من أحدث التليفزيونات دي في السوق المصري والمتوفرة على ياقوطة.
ولو أي تليفزيون من اللي هنتكلم عنهم عجبكم هتقدروا تطلبوه من خلالنا في ياقوطة وهيوصلكم لحد باب البيت وكمان تقدروا تشتروا المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.
Recent Comments