أجمد 5 ألعاب اكس بوكس و بلاى ستيشن

كتب يوسف هارفي و ترجمة دينا أمير

لو بتحب تلعب بلاى ستايشن أو اكس بوكس و بتدور على ألعاب جديدة يبقى القائمة دى مناسبة جدا ليك عشان فيها أجمد 5 ألعاب للبلاى ستيشن و اكس بوكس .

كل الألعاب دى مناسبة لأجهزة اكس بوكس و بلاى ستيشن 4. لو بتحب اللعب أوى كده مش هتكون حابب تضيع وقت و تنزل تشترى و تدور على الألعاب الجديدة وعشان كده ياقوطة جيبالك كل الألعاب لحد عندك تختارها من وأنت فى البيت وتطلبها وهتوصلك لحد البيت. و دى أجمل حاجة فى الشراء أونلاين إن مش لازم تتعب نفسك وتنزل وكل حاجة هتجيلك لحد عندك.

1. GTA V

وصف

لو بتحب ألعاب المغامرات و فكرة انك تقتل حد وتهرب وتحس بثقة وحرية ونشاط يبقى اللعبة دى هتحبها. اللعبة دى بتمثل مدينة لوس انجلوس الامريكية بس غيروا اسمها إلى لوس سانتوس و القصة بتدور حول 3 اشخاص أساسيين هم: مجرم وارهابى ونصاب. اللعبة تقريبا ملهاش نهاية ومشوقة جدا وبتديك احساس انها حقيقية. هتلاقى نفسك بتتكلف بمهمات جانبية كتير لإنجازها.

نوع

مغامرة

خصائص

اللعبة دى هتديك فرصة أنك تاخد أى عريبة تعجبك و تخلى شكلها زى ما أنت عايز.. ممكن تدهنها أى لون بتحبه. هتركب يخوت و طيارات و تسوقهم كمان ببساطة. اللعبة دى هتعيشك حياة المليونيرات أو تجار السلاح و حياة الرفاهية اللامتناهية. ممكن تشترى أسلحة أو تسرق اسلحة و تعمل بيهم كل الحاجات اللى نفسك فيها. فى امكانية انك تلعب أنت و أصحابك اونلاين و تعملوا سباقات فى وسط اللعبة أو تشوفوا مين هيهرب من الشرطة أكتر.

العيوب

اللعبة بتشتغل كويس ومع الحد الأقصى للإطارات. ونادرًا لما يحصل خلل بسيط لكنه مش هيقصر عليك وأنت بتلعب.

التقييم

10/10 لعبة تستحق و اكيد هتكون من ضمن ألعابك المفضلة.

نصايح هتفيدك و أنت بتلعب

دى حيل ممكن تستخدمها لكنها هتمنعك من تحقيق أى انجازات

1. O, L1, Triangle, R2, X, Square, O, Right, Square, L1, L1, L1 : الصحة والدروع.

2. Right, left, X, Triangle, R1, O, O, O, L2: هجمات انفجارية.

3. Right, X, Right, Left, Right, R1, Right, Left, X, Triangle: محدش هيقدر عليك.

4. لو اخدت كل الجوائز فى اللعبة و شوفت 5 اطباق طايرة فى 5 اماكن مختلفة بعيدا إن شكلهم حلو دى زى مكافئة لأدائك الباهر.

سعرها 515 جنيه مصرى هتلاقي لعبة GTA V هنا

DEVIL MAY CRY 5 (DMC).2

وصف

لعبة أكشن بس مفهاش لعب أونلاين ولا لاعب تانى هى بتركز على لاعب واحد بس. الشخصية الأساسية (دانت) نصه ملاك ونصه شيطان فى عالم من المغامرة والتشويق والصراع. دانت بيستخدم أدوات رمزية زى العاج و خشب الأبانوس ده غير المسدس و السيف اللى تقريبا بتحس إنه جزء من جسمه من كتر ما هو شايله فى كل مكان.

نوع

أكشن / مغامرة / لعبة تقمص الأدوار (RPG)

خصائص

فكرة اللعبة واضحة وصريحة جدا و ده ممكن يعوضك عن قصتها شوية بالإضافة لوجود المؤثرات الصوتية اللى بتسمعها وانت بتقضى على أعدائك والتقنيات الصوتية المميزة وتقنيات الحركة. واكتسبت شهرتها كواحدة من أصعب ألعاب الفيديو فى العالم. وضع متعة التحدى (fun challenging mode) والقصر الدموى هيسمح لك بقتل عدد رهيب من الأعداء مما يتطلب ردة فعل سريعة و تقنية عالية فى القتال.

عيوب

إقفال النظام محبطا في بعض الأحيان لتأثيره على مدى تفوقك على أعدائك.

تقييم

10/9

نصايح هتفيدك و أنت بتلعب

1. ركز مع تصرفات اعدائك عشان بيكون ليهم حركة أو صيحة معينة قبل ما يبدأوا هجومهم عليك.

2. العب القصر الدموى عشان تاخد نقط تستعملها و تجرب تشكيلة جديدة.

3. أى حاجة صعبة ممكن تعديها بضربة مسدس واحدة لأن كل حاجة بتموت بسهولة بما فيهم أنت !

4. Dante must die أو Son of Sparda أصعب تحديات بس the bosses and daemons هيستخدموا تكتيك أكتر عشان يقضوا عليك.

سعرها 581 جنيه مصرى  هتلاقي  لعبة (Devil May Cry 5 (DMC هنا.

اقرأ ايضًا: مقارنة بين اكس بوكس وبلاي ستيشن

3. Diablo 3 Reaper of Souls

وصف

لو بتحب المغامرة ودقيق جدا وبتحب تاخد قرارات وتنظيم وتشوف نتيجة تنظيمك سواء بالمكافأة والنجاح أو العقاب يبقى اللعبة دى هتعجبك. اللعبة دى 6 مستويات: راهب و صائد الشياطين و بربرى و فرد فى الحملات الصليبية و صاحب قوى خارقة والطبيب المشعوذ. حسب صفتك كلاعب بتختار المستوى اللى هتلعب فيه، مثلًا السرعة والرشاقة تناسب مستوى الراهب وصائد الشياطين..

نوع

  لعبة تقمص الأدوار RPG.

خصائص

نظام الحملة أو المغامرة ممكن تلعبوا لوحدك أو مع صحابك . لو حاسس انك كده وحيد أوى و مش عاجبك النظام ده يبقى ممكن تدخل فى مجتمع اللعبة وتتعامل مع لاعبين تانيين. ممكن تنضم لمجموعة أو حتى تكون مجموعة أو حزب خاص بيك و تبدأوا تلعبوا سوا. هتطلع قوتك كلها وتشبع رغباتك الدموية و أنت بتحارب من أجل الجنس البشرى. اللعبة هتساعدك أنك تلاقى كنزك المفقود وممكن تحسن تسليحك على حسب اختيارك. تحديات القادة و المعارك هتختبر قدراتك و مهاراتك.

تقييم

10/8 اللعبة دى هتخليك ترجع تلعب تانى بعد كل محاولة.

 نصايح هتفيدك و أنت بتلعب

1. خد وقتك و اقرأ العلامات اللى هتلاقيها أو الرسايل اللى هتشوفها عشان هتفيدك فى اللعبة.

2. كل ما تزيد نسبة ضرباتك الحاسمة هتاخد دفعات اضافية للتدمير وتستخدم AOE وممكن تأمن وسيلة لهروبك.

3. دايما أمن لنفسك فرصة هروب و حافظ على وسائل مساعدتك عشان هتحتاجها.

4. متفوتش فرصة لعب الغول عشان ده هيكسبك كنوز كتير و ممكن تكون محتاجها. 

سعرها 420 جنيه مصرى هتلاقي  لعبة Diablo 3 Reaper of Souls هنا.

FIFA 2015 .4 

وصف

لو بتحب كرة القدم أوعايز تغير جو اللعب اللى كله دم وقتل يبقى لازم تجرب فيفا 2015. هتتبسط و ترفه عن نفسك بعيد عن الظلمة و الوحوش و اشباح كل الالعاب التانية. الاصدار ده مفهوش جديد عن الاصدارات السابق و افكارها اللى قبل كده بنفس التعليمات.

نوع

رياضة

خصائص

EA زودت عدد المشجعين اللى هيهيصوا لك وأنت بتلعب و كأنك فى الاستاد بجد. أوامرك هتتنفذ بسرعة أكتر. اللعيبة شكلهم بقى أوضح و حتى تعبيرات وشهم هتحسسك انهم حقيقين بجد. كل ده هيزود حماسك و أنت بتلعب و هيخليك تدخل فى جو اللعبة أكتر.

عيوب

بعيدا عن كل التعديلات اللى حصلت فى اللعبة بس لسه ممكن تحس إن الحكم بيدى قرارت خطأ ومش منطقية لدرجة أنك هتحس أن عايز تضربه بسبب عدم كفاءته.

تقييم

10/7

نصايح هتفيدك و أنت بتلعب

1. دايما ركز انك تعمل خطة لعب و اصبر عشان هتفيدك لما اللعيبة تتعب.

2.احسن طريقة هجوم هى الدفاع. ركز إن كل فريقك يلعب كوحدة واحدة بدلًا من الاعتماد على اثنين أو ثلاثة لاعبين بس.

3.لو دخلت خط ال18 حود يمين او شمال سنة بسيطة و أنت بتشوط عشان تضمن إن الجول يجى.

4. متتعصبش دى مجرد لعبة للترفيه.

سعرها 489 جنيه مصرى هتلاقي لعبة FIFA 2015 هنا.

Black Ops 2 .5

وصف

لو بتحب العاب نهايات العالم والحاجات دى، يبقى اللعبة دى هتعجبك خصوصا إنها الجزء التانى من Call of Duty. بتاخدك اللعبة فى احداث تاريخية و توديك من الماضى للمستقبل. زيها زى أى لعبة First Person shooter و لكن الأموات الأحياء ( زومبي) اللى فيها بيخليها مختلفة عن الباقى شوية .

نوع

أكشن/ أموات أحياء ( زومبي)

خصائص

اللعبة دى رتمها سريع ومش هتاخد وقت طويل عشان تاخد أول مهمة ليك وهتقدم لك كل الاستراتيجيات اللى ممكن تحتاجها عشان تعدى المهمة. وجود اكتر من لاعب بيخليها مسلية أكتر عشان بيكون فى معارك اكتر وبتستخدم مهاراتك كلها. تحديات الزومبي بتخلى اللعبة شيقة أكتر. اللعبة فيها 3 تحديات ممكن تختار اللى يعجبك منهم و القصة بتدور فى مدينة مهجورة ومتدمرة بتختار شخصية من 4 الفرق بينهم فى الشكل و الكلام مش أكتر.

عيوب

اللعبة ممكن تبدأ تبقى مملة مع الوقت عشان كده في تكتيكات جديدة بتكون خاصة بكل مهمة واسلحة مختلفة و اعداء أكتر.

تقييم

10/7 رغم إن فيها عيوب لكن تحدى الزومبي يعوضك عن أى حاجة.

نصايح هتفيدك و أنت بتلعب

1. هتبتدى بسكينة و مسدس ولازم تتعايش و تقتل بيهم و ده يتوقف على قدرتك على التأقلم.

2. لو فى أكتر من لاعب خد وقتك و ركز عشان كل اللى معاك سلاحك و مهارتك فى المعركة.

3. دور على الخطط و الأساليب القتالية اللى تناسبك.

4. لما تحس انك بقيت متمكن من القتالات و المعارك ممكن تزود حساسية اللاعب عشان تزود سرعة رد الفعل.

5. شوف الخريطة الصغيرة اللى معاك و ركز على رموز الجمجمة لأنها بتوضح أماكن العدو او أماكن مقتل زملائك . خلى بالك عشان ساعات بيستخدموا الحركة دى عشان يجذبوا اللاعبين المبتدئين.

6. فى وضع الزومبى: سلاحك هيتضرب لما ذخيرته تنتهى.

7. حارب من غير ما تاخد أى مقاومات للموت عشان تحس بجمال اللعبة و تكون دايما مركز و على أعصابك عشان خايف تتقتل.

سعرها 490 جنيه مصرى هتلاقي لعبة Black Ops 2 هنا.

نتمنى تعجبكم القائمة دى زى ما احنا اتبسطنا و احنا بنشتغل عليها. خد وقتك و شوف الألعاب كلها من بيتك من غير ما تتعب نفسك وتنزل. الألعاب دى هتعجبك فكر تجربها ولو عايز تشوف أى ألعاب تانية ممكن تشوفها على www.Yaoota.com.