مميزات وعيوب شاشات عرض LED وOLED

كتبت: منى عوض

الدنيا بتتطور طول الوقت، فبعد ما كان المستهلك ما يعرفش غير التليفزيون اللي بيشتغل بتكنولوجيا أشعة القطب السالب اللي كانت سائدة زمان، دلوقتي بقى فيه أنواع كتير من الشاشات اللي بتشتغل بتكنولوجيا إضاءة اتطورت بسرعة بمرور الوقت وخصوصًا في السنوات القليلة الأخيرة.

في الأول ظهرت شاشات البلازما وشاشات الكريستال السائل LCD، وبعدين ظهرت تليفزيونات الإضاءة المشعة أو الصمام الثنائي الباعث للضوء LED، بعدها ظهرت تكنولوجيا الصمام الثنائي الباعث للضوء العضوي OLED لتتوالي بالتالي التطورات التكنولوجية في عالمنا بمرور الوقت.

بس تنوع وتطور التكنولوجيا ده وتمتُّع كل شاشة عرض بخصائص ومميزات وعيوب مختلفة عن التانية خلى المستهلك يعاني من حيرة وتوهان في وسط دوامة مخلياه مش عارف يشتري إيه؟ وإيه أفضل نوع شاشة وإيه أكتر نوع مناسب لاحتياجاته، عشان كده ياقوطة قررت إنها تمد متابعيها بدليل لتوضيح الفرق بين تقنيتي LED وOLED ومواصفات ومميزات وعيوب كل تقنية منهم.

ممكن كمان عن طريق ياقوطة تشوف وتقارن بين المنتجات المعروضة وتعرف أحسن حاجة فيهم وأفضل سعر ليها، ولو عجبك تليفزيون منهم ممكن تطلبه وهيوصل لحد عندك في أسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

وجه المقارنة شاشات LED شاشات OLED
المميزات
  • أنحف وأخف وزن.
  • بتدعم تكنولوجيا 3D.
  • نسبة التباين في الألوان أعلى وأفضل.
  • أقل استهلاكًا للكهرباء.
  • أقل استهلاكًا للكهرباء.
  • بتدعم تكنولوجيا 3D.
  • بتتمتع بأكبر نسبة تباين صناعي.
  • سرعة استجابتها عالية.
العيوب
  • سرعة استجابتها بطيئة.
  • تسرب الإضاءة الخلفية.
  • ضبابية اللون الأسود.
  • عمرها الافتراضي قليل.
  • سعرها عالي.

أولًا: تقنية LED

من المعروف أن تقنية LED تُعتبر أكتر التكنولوجيات المتقدمة المستخدمة في شاشات التليفزيون، وده لأنها تُعتبر النموذج المتقدم لتقنية  LCD، فهي بتستخدم ضوء ثنائي متقدم بيشتهر باسم الديود الضوئي في إضاءة الجزء الخلفي من الشاشة بدلًا من الضوء التقليدي اللي بيتم استخدامه في شاشات الـ LCD واللي بيُعرف باسم مصابيح الفلورسنت سالب القطب.

كمان الشاشات الـ LED متوافر منها ٣ أنواع أساسية وهي:

  • شاشات LED RGB، وفيها بيتم وضع لمبات الليد على لوحة خلف شاشة العرض، وبتكون ألوان اللمبات دي أزرق وأخضر وأحمر.
  • شاشات LED EDGE، وهنا بتكون إضاءة اللمبات الليد بيضاء اللون محيطة بكل أنحاء شاشة العرض أو من جهتين وبينتشر الضوء على كل نقاط الشاشة من خلال لوحة عاكسة للضوء.
  • شاشات FULL LED، نفس فكرة شاشات LED RGB وفيها بيتم وضع لمبات الليد على لوحة خلف شاشة العرض، ولكن المرة دي لمبات الليد بيكون لونها أبيض وده بدوره بيساعد في توفير مستوى عالي من التباين.

المواصفات

  • شاشات LED بيُستخدم فيها مئات من قطع الديود الضوئي اللي بدورها بتساعد في التخلص من البقع السوداء اللي كانت بتظهر نتيجة استخدام مصابيح الفلورسنت في الشاشات القديمة.
  • نسبة التباين في الألوان أعلى وأفضل، يعني هيكون الفرق بين اللونين الأسود والأبيض أعلى وأوضح أو بمعنى تاني الصورة الغامقة هيكون لونها الغامق أكتر والفاتحة هتظهر بشكل أوضح.

المميزات

  • جودة الصورة الرائعة.
  • عرض الصورة على نطاق أوسع من الزوايا.
  • بتستهلك الطاقة بشكل أقل من أنواع الشاشات التانية.
  • عمرها الافتراضي أطول من غيرها (العمر الافتراضي هنا بينتهي مع ضعف قوة الإضاءة الخلفية في الشاشة).
  • أخف في الوزن وأقل سمكًا بالمقارنة مع أنواع الشاشات التانية.
  • بتدعم التكنولوجيا الثلاثية الأبعاد 3D لكن مهم جدًا نهتم ونعرف هل التليفزيون اللي هنشتريه بيدعم التقنية دي ولا لأ، لإنها مش متاحة في كل الإصدارات.

العيوب

  • تسرب الإضاءة الخلفية للشاشة في بعض الأحيان.
  • سرعة استجابتها بطيئة وبالتالي مش بيُنصح بيها في الأفلام أو البرامج اللي بيبقى فيها حركة كتيرة، لكن فيه بعض الشركات اتغلبت على التحدي ده من خلال تزويد الشاشات بتقنية الـ Motion flow اللي من الممكن تفعيلها في حال لاحظ المستخدم أي تأخير في العرض.
  • تكلفتها أعلى بالمقارنة مع شاشات LCD وتليفزيونات البلازما.
  • يُنصح بيها في الأماكن اللي إضاءتها عالية، وده لإن قوة سطوعها عالية وبتخليها مش مناسبة في الأماكن اللي إضاءتها منخفضة وكمان ممكن تأثر على العين.

تقدر تشوف شاشة أيكون IK-E32DF الأكتر شهرة وسط فئة شاشات الـ LED من هنا.

وأخيرًا تقدر توفر على نفسك الوقت وتعب اللف في المحلات وتشوف الأسعار والموديلات المختلفة لشاشات الـ LED على ياقوطة من هنا.

ثانيًا: تقنية OLED

الحروف OLED اللي بتُعرف إنها اختصار كلمة organic light-emitting diode ومعناها صمام ثنائي عضوي باعث للضوء، ودي تقنية ثورية في عالم شاشات العرض اللي بدورها بتدي المشاهدين تجربة مشاهدة استثنائية بتتمتع بألوان واضحة جدًا ودرجة سطوع عالية وجودة أداء ممتازة، وده لإنها بتصدر الضوء بدون الحاجة لإضاءة خلفية وبمجرد ما تتعرض لتيار كهربائي.

المواصفات

  • الشاشات المزودة بتقنية OLED بتعتمد على صمامات ثنائية موجودة جوه الشاشة عشان تقدر تصدر الضوء الخاص بيها بدلًا من توزيع الضوء، وده بدوره ساعد في إمكانية تصنيع شاشات OLED منحنية ومش مسطحة بس (الجدير بالذكر أن شركة LG للإلكترونيات هي أول الشركات اللي قامت بتصنيع الشاشات المنحنية).
  • شاشات الـ OLED أفضل من الشاشات الـ LED وLCD من حيث الجودة، وده لإنها مش بتحتاج لإضاءة خلفية.
  • بتصدّر درجات مختلفة من الألوان أكتر من الشاشات المزودة بالتقنيات التانية، وده على الرغم من إن درجة وضوح الألوان أفضل في شاشات الـ LED وLCD.

المميزات

  • تكنولوجيا الـ OLED واحدة من التكنولوجيات الأسرع في الأداء.
  • من الممكن تصنيع شاشات OLED منحنية وده بدوره بيفتح زوايا مشاهدة مختلفة وبالتالي بيديها أفضلية على شاشات LED وLCD.
  • استهلاك أقل للطاقة الكهربائية وانبعاث أقل للحرارة بالمقارنة مع شاشة LED.
  • درجة وضوح الشاشة عالي جدًا.
  • أنحف وأخف في الوزن من أنواع الشاشات التانية، وده لإن سُمكها بيتراوح ما بين ١٠٠ إلى ٥٠٠ نانوميتر.
  • سرعة استجابتها عالية بتوصل إلى ٠٫٠١ مللي في الثانية.
  • إمكانية المشاهدة بجودة عالية من أي زاوية.
  • بتتمتع بأكبر نسبة تباين اصطناعي وممكن نحس بده في الظروف المظلمة البحتة.
  • بتدعم التكنولوجيا الثلاثية الأبعاد 3D لكن مهم جدًا نهتم ونعرف هل التليفزيون اللي هنشتريه بيدعم التقنية دي ولا لأ، لإنها مش متاحة في كل الإصدارات.
  • بكسلات ألوان شاشات OLED بتظهر صحيحة وغير منحرفة.

العيوب

  • عمرها الافتراضي أقل من شاشات LED وLCD، وده اللي بتحاول الشركات المصنعة إنها تعالجه الفترة دي.
  • سعرها غالي بالمقارنة مع التقنيات التانية، وده لأن كل ما التكنولوجيا تطورت أكتر كل ما سعرها بقى أغلى.

تقدر تشوف شاشة إل جي 55EG910T الأكتر شهرة وسط فئة شاشات الـ OLED من هنا.

وقبل ما تنزل تلف في المحلات وفّر على نفسك الوقت وشوف الأسعار والموديلات المختلفة لشاشات الـ OLED على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل 
ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.

Leave a Reply

Your email address will not be published. Required fields are marked *