كتب: محمد عبد الرحمن

الموبايل الشخصي ما بيفارقش إيدينا معظم أوقات اليوم، وكتير مننا بيشتكي من عمر البطارية اللي بينتهي قبل اليوم ما يخلص، وكتير مننا بيمشي بباور بانك علشان لو الموبايل فصل شحن يقدر يشحنه في أي مكان.

ورغم إن الباور بانك وسيلة مهمة لإنقاذ الموبايل، لكن تفضل بطارية الموبايل والوقت اللي بتفضي فيه شحنها مهم، وكل ما الوقت ده كان طويل كل ما راحة صاحب الموبايل زادت.

إحنا في ياقوطة بنفكر في اللي يريحك، وهنعرض عليك في المقال ده مجموعة مختلفة من الموبايلات اللي صدرت في سنة ٢٠١٧ وبتقدم تجربة أداء مميزة جدًا في ممارسة الألعاب المختلفة وكمان مشاهدة فيديوهات على اليوتيوب. مش كده وبس، احنا هنتعرف كمان على مميزات وعيوب الموبايلات دي، وتقدر تعرف كمان أحسن الأسعار ليها ولو عجبك موبايل منهم ممكن تطلبه من خلالنا ويكون عندك في أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

وممكن تشوف مواصفات الموبايلات بالتفصيل من mobihub من هنا.

موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.

موبايل LG G6

المميزات

• شاشة الموبايل بتيجي بحجم 5.7 بوصة، ودقة وضوح QHD بكثافة بكسلات 1440×2560 بكسل بتقنية Amoled، وكثافة بكسلات 564 بكسل، واللي بتيجي كمان بطبقة حماية إضافية ضد الكسر والشرخ Corning Gorilla Glass 3.
• رامات بحجم 4 جيجابايت وميموري داخلي 64 جيجابايت وممكن تضيف ميموري لغاية 256 جيجابايت.
• كاميرا الموبايل مزدوجة بدقة 13 ميجابكسل وفتحة عدسة F 1.8 واحدة منهم مزود بتقنية الـ OIS والتانية لأ ومزودة بفلاش مزودج وتقنية الليزر.
• الموبايل فيه ميكرفون إضافي مانع للضجيج، وراديو FM وبيدعم تقنية الـ NFC والجيروسكوب.
• الموبايل مزود ببصمة الإصبع، وفيه كاميرا مزدوجة لصور مميزة جدًا.
• بطارية الموبايل بتدعم تقنية الشحن السريع.
• الموبايل مقاوم للمياه والأتربة.

العيوب

• بطارية الموبايل مش بتدعم تقنية الشحن اللاسلكي.
• ما تقدرش تشغل خطين اتصال وميموري خارجي في نفس الوقت ولازم تستغنى عن واحد منهم.
• معالج الموبايل مش الأقوى ولا الأحدث في السوق، ونفس الكلام بخصوص طبقة الحماية خصوصًا إنها من الجيل الثالث مش الخامس.
• وزن الموبايل تقيل شوية 163 جرام.
• كاميرا سيلفي بدقة قليلة جدًا 5 ميجابكسل.

تجربة المُستخدم

• شاشة الموبايل مميزة وهتعرض عليها الصور والأفلام المفضلة بشكل مريح للمستخدم.
• مُستخدم الموبايل مش هيقدر يتعامل ولا يوصل لكل أجزاء الشاشة بإيد واحدة وهيحتاج يستعمل إيديه الاتنيين وخصوصًا عند الوصول لإشعارات الموبايل.
• واجهة إل جي بتسمح للمُستخدم بإضافة فلتر بيحمي العين من القراية لساعات طويلة.
• أداء الموبايل مميز في الاستخدام اليومي من تصفح إنترنت وتصوير وفتح أكتر من برنامج في نفس الوقت، ولو كنت من عشاق الألعاب فالموبايل اختيار مقبول ليك، لكن لو حبيت تحمل عليه ألعاب بحجم كبير هيكون الأداء مرضي، وهتلاحظ سخونة بسيطة للموبايل.
• كاميرا الموبايل بتقدم أداء كويس قوي في ظروف الإضاءة العادية وحتى في الإضاءة الضعيفة وفيها أكتر من وضع تصوير مميزين وسهل التعامل والوصول ليهم، وتقدر عن طريق برنامج التصوير إنك تلقط صورك الخاصة وتعرضها على الشاشة وقت التقاط صور تانية، وكمان بتصور فيديو بتقنية الـ 4K.
• رغم إن الموبايل مقاوم للمياه لكن المُستخدم هيلاحظ إن صوته عالي وأعلى من موديلات منافسة ليه مقاومة للمياه.
• بسبب حجم الشاشة الكبير شوية وطريقة عرض الصور عليها واللي بتكون 9:18 فهتلاحظ إن فيه مجموعة كبيرة من البرامج مش بتتعرض على الموبايل بشكل واضح كفاية وهتلاقي حدود سودا في جوانب الشاشة وقت تشغيل البرامج أو الألعاب.
• مع إن سيلفي الموبايل مش الأقوى في السوق لكنه بيسمح ليك بتصوير سيلفي مهما كان العدد كبير بفضل عدسة الكاميرا الواسعة واللي هتسهل عليك التصوير لكن ما تقدرش تاخد بيها صور كويسة في الإضاءة الضعيفة بسبب غياب الفلاش.
• بطارية الموبايل بتدي للمُستخدم شحن الموبايل شحنة كاملة في أقل من 100 دقيقة بس.

*الموبايل ده كان أقل موبايل في استنزاف البطارية في ممارسة الألعاب المختلفة ومشاهدة الأفلام على اليوتيوب.

شوف موبايل LG G6 من هنا.

موبايل Samsung S8 Edge+

المميزات

• شاشة بحجم 6.2 بوصة بدقة Super Amoled وQuad HD+ ودقة وضوح 1440*2560 بكسل وكثافة بكسلات 529 بكسل، وكمان مزودة بطبقة حماية ضد الكسر Corning Gorilla Glass 5.
• جسم الموبايل كمان مزود بطبقة حماية Corning Gorilla Glass 5.
• الموبايل مضاد للمياه والأتربة لغاية عمق 1.5 متر و٣٠ دقيقة.
• بروسيسور ثماني النواة Exynos 8895 Octa بمعمارية 10 نانو متر مع رام بحجم 4 جيجا بايت ومعالج رسومي Mali-G71 MP20، وميموري الموبايل الداخلية بحجم 64 جيجا بايت وممكن تضيف له ميموري خارجي بسعة توصل لـ 256 جيجا بايت.
• الموبايل بيدعم تقنية الـ OTG، والجيروسكوب، والـ NFC.
• الموبايل مزود بتقنية بلوتوث 5 واللي بتنقل البيانات بخمس أضعاف سرعة النقل في الإصدار السابق.
• كاميرا بدقة وضوح 12 ميجا بكسل بفتحة عدسة F1.7 بحجم بكسل 1.4 ميكرون، ومزودة بفلاش خلفي LED، وبتصور فيديو بدقة عرض 4K، وسيلفي الموبايل بدقة 8 ميجابكسل بفتحة عدسة F1.7 من غير فلاش.
• بطارية بسعة مميزة 3500 مللي أمبير، وبتدعم الشحن السريع والشحن اللاسلكي، والشحن اللاسلكي السريع.

العيوب

• الموبايل بييجي بسماعة واحدة بس Mono.
• للأسف الموبايل مش بيدعم تشغيل راديو FM.
• ما تقدرش تشغل في الموبايل شريحتين اتصال وكارت ميموري ولازم تستغنى عن واحد منهم.

تجربة المستخدم

• الموبايل تصميمه وشكله جميل جدًا، لكن مع الاستعمال المطول بصمات الأصابع بتعلّم فيه وبتقلل من جمال التصميم بتاعه.
• بسبب حجم الشاشة الكبير شوية، فالمستخدم هيقابل صعوبة في الوصول لكل أجزاء الشاشة وخصوصًا منطقة الإشعارات، وهيحتاج يستعمل إيده التانية للوصول ليها.
• أداء البصمة سريع، لكن مكانه مش مناسب إطلاقا للمستخدم وخصوصًا إنه جنب الكاميرا بالظبط ومن غير بروز تفرق بينها وبين الكاميرا وهيكون من السهل إنك تتلبخط بينهم وده هيأثر على وضوح الكاميرا بسبب تكون تكون بصمات الأصابع عليها.
• شاشة الموبايل بتقدم تجربة عرض أفلام فيديو ومشاهدة صور مميزة جدًا مهما كانت ظروف الإضاءة المختلفة.
• أبعاد الشاشة مختلفة عن الموبايلات التانية وده بيأثر على متعة الفرجة على أفلام اليوتيوب بسبب ظهور Frame اسود في الجوانب، ولو حبيت تعالج المشكلة دي وتوسع زاوية الرؤية هتلاقي مشاهد من الفيلم ماظهرتش، ونفس المشكلة دي في الألعاب وده هيأثر على استمتاعك بالألعاب.
• شاشة الموبايل بتقدم تقنية تصغير الشاشة علشان تسهل الوصول لكل الأجزاء بإيد واحدة.
• مع إن الموبايل مقاوم للمياه فهنلاحظ إن صوته عالي ومش مكتوم قوي، لكن ممكن الصوت يكون مكتوم شوية من مسكتك للموبايل.
• أداء الموبايل مميز جدًا في الاستعمال اليومي والشاق والتنقل بين أكتر من تطبيق في نفس الوقت.
• الموبايل بيقدم ميزة حلوة خاصة للألعاب ماكانتش موجودة في الإصدار اللي قبل كده وهي عرضه للألعاب بجرافيك عالي ومن غير تقليلها ومع كده مش بيأثر على عمر البطارية وكمان مفيش سخونة ملحوظة بعد ممارسة الألعاب.
• زرار Bixby مش شغال وما تقدرش تتحكم في أي حاجة في للموبايل من خلاله.
• أداء مميز للكاميرا في أوضاع التصوير المختلفة، مع سرعة كبيرة جدًا في التقاط الصور بفضل الزرار الخاص بالكاميرا واللي بيسهل عملية فتح الكاميرا حتى لو كنت فاتح برامج تانية.
• أداء سيلفي الموبايل مرضي لكنه مش الأفضل وسط المنافسين.
• سعة البطارية تعتبر كبيرة، وبتدعم تقنية الشحن السريع واللي في أقل من ساعة ونص تتشحن البطارية شحنة كاملة.
• البطارية بتكفيك ليوم كامل مع الاستعمال المتوسط، ولو رفعت من كفاءة الشاشة ده مش بيأثر على عمر البطارية خالص.

*الموبايل ده تاني أقل موبايل في استنزاف البطارية في ممارسة الألعاب المختلفة ومشاهدة الأفلام على اليوتيوب.

شوف موبايل Samsung S8 Edge+ من هنا.

موبايل OnePlus 5

المميزات

• شاشة الموبايل بحجم مثالي لعشاق القراءة ومشاهدة أفلام الفيديو وبتيجي بدقة عرض وكثافة بكسلات 1920×1080 بكسل وكثافة بكسلات 401 بكسل، واللي بتيجي كمان بطبقة حماية إضافية ضد الكسر والشرخ Corning Gorilla Glass 3.
• الموبايل بييجي ببروسيسور ثماني النواة Qualcomm Snapdragon 835، أربعة أنوية بتردد 2.4 جيجاهرتز، وأربعة أنوية بتردد 1.9 جيجاهرتز، ومعالج رسومي Adreno 540.
• رام الموبايل بيكون بسعتين مختلفتين إصدار 6 جيجا، وإصدار 8 جيجا، وبييجي بميموري داخلي بسعة 64 جيجابايت، أو 128 جيجابايت.
• الموبايل بيدعم تقنية الاتصال للجيل الرابع، وبيدعم وجود بصمة للإصبع، وبيدعم تشغيل نضارات الواقع الافتراضي.
• كاميرا الموبايل الخلفية بقوة 16 ميجابكسل بفتحة عدسة 7 وفلاش LED، وسيلفي بنفس القوة وبفتحة عدسة F2.0.
• بطارية قوية بسعة 3300 مللي أمبير وبتدعم تقنية الشحن السريع.

العيوب

• الموبايل مش بيدعم تركيب وإضافية ميموري خارجي، ولا تشغيل راديو FM.

تجربة المستخدم

• شكل وتصميم الموبايل المصنوع من مادة السيراميك بيدي فخامة كبيرة في الاستعمال وبيتميز بسهولة مسكه والتعامل معاه لوقت طويل من غير تعب.
• شاشة الموبايل مميزة في التعامل والرؤية في ظروف الإضاءة المختلفة ومش هتلاقي تعب لو كان استعمالك للموبايل في أشعة الشمس لوقت كبير.
• الموبايل خيار مريح جدًا لكل عشاق وهواة الألعاب ومش هتحس بأي سخونة عند ممارسة الألعاب المختلفة، وبخصوص التصفح وفتح أكتر من تطبيق في نفس الوقت والتنقل بينهم فالموبايل هتلاقي أداءه خفيف جدًا معاك.
• صوت سماعات الموبايل عالي ونقي.
• كاميرا الموبايل واحدة من أهم الكاميرا اللي صدرت في سنة 2017 بسبب حجم العدسة بتاعتها ومع تقنية الزووم المضاعف فصورك مهما كانت ظروفها هتكون مميزة جدًا، ونفس الشيء بخصوص سيلفي الموبايل واللي صوره هتبهرك كل مرة.
• بطارية الموبايل بتدعم تقنية الشحن السريع، واللي بتشحن أكتر من 50% من البطارية في نص ساعة بس، وبتكفي معاك أكتر من يوم من الاستعمال المتوسط والشاق.

*الموبايل ده كان تالت أقل موبايل في استنزاف البطارية في ممارسة الألعاب المختلفة ومشاهدة الأفلام على اليوتيوب.

شوف موبايل OnePlus 5 من هنا.

موبايل Huawei P10 PLUS

المميزات

• شاشة الموبايل بتيجي بحجم 5.5 بوصة، ودقة وضوح QHD بكثافة بكسلات 1440×2560 بكسل بتقنية Amoled، وكثافة بكسلات 540 بكسل، واللي بتيجي كمان بطبقة حماية إضافية ضد الكسر والشرخ Corning Gorilla Glass 5.
• الموبايل كله مزود بنفس طبقة حماية الشاشة من الكسر Corning Gorilla Glass 5.
• الموبايل بييجي برام بقوة 4/6 جيجا بايت مع بروسيسور ثماني النواة HiSilicon Kirin 960 ومعالج رسومي Mali-G71 MP8، وبييجي بميموري داخلي بسعتين 64 / 128 جيجا بايت وممكن تضيف ليه ميموري خارجي لغاية 256 جيجا بايت.
• الموبايل مزود كاميرتين خلفيتين واحدة منهم بقوة 20 ميجابكسل والتانية بقوة 12 ميجابكسل، وفلاش LED، وفتحة عدسة 8، وسيلفي بقوة 8 ميجابكسل بفتحة عدسة F1.9.
• بطارية الموبايل بتدعم تقنية الشحن السريع، بفضل مدخل الشحن Type-C.
• الموبايل مزود ببصمة إصبع، وبيدعم توصيل الجيروسكوب، والـ IR، والـ OTG وكمان ميكرفون إضافي مانع للضجيج.

العيوب

• ما تقدرش تشغل على الموبايل شريحيتن اتصال وميموري خارجي في نفس الوقت.
• الموبايل مش بيدعم تشغيل راديو FM.
• للأسف الموبايل مش مضاد للمياه.
• بطارية الموبايل مش بتدعم تقنية الشحن اللاسلكي.

تجربة المُستخدم

• شاشة الموبايل من عوامل قوته وتميزه وهتعرض عليها صورك المميزة وأفلامك المفضلة وهتستمتع بيها بشكل ممتاز.
• أطراف الموبايل وحوافه عريضة شوية وده مدي الموبايل شكل أكبر وضخم شوية، لكن ده مش بيقلل من جماله.
• زرار الباور ملون باللون الأحمر لسهولة التفرقة والتمييز بينه وبين زراير التحكم في الصوت.
• رغم إن شاشة الموبايل مزودة بطبقة حماية إضافية لكن هواوي زودت الشاشة بطبقة حماية إضافية ضد الكسر يعني حماية قصوى.
• كاميرا الموبايل بتاخد صور أبيض واسود، والتانية 12 ميجا بتاخد الصور بالألوان وتعملهم دمج فتطلع الصورة بقوة 20 ميجابكسل مشبعة بالتفاصيل، والإضاءة المنخفضة صور الموبايل فيها واضحة.
• كاميرا الموبايل بتديلك قدرة تقريبة لغاية 3 مرات من غير ما تفقد الصور تفاصيلها أو تبكسل.
• بصمة الموبايل مكانها جديد المرة دي وموجود تحت شاشة الموبايل، وتقدر من خلاله تشغل الهوم وتتنقل جوه الموبايل براحتك، وكمان تقدر تتحكم في فتح التطبيقات الموجودة بخلفية الموبايل وكمان تفتح مشغل جوجل، وميزة حلوة للمُستخدم وهي إن التاتش بتاعه 3D وعن طريق إحساسه بقوة اللمسة بيحدد إنت عاوز من إيه.
• أداء الموبايل في البرامج والتطبيقات خفيف، ولو كنت من عشاق الألعاب فالموبايل اختيار ممتاز ومش هتحس بأي تقل في اللعبة ولا أي سخونة.
• تقدر تنسخ أكتر من برنامج تواصل اجتماعي على الموبايل وتشغلهم مع بعض.

الموبايل ده كان رابع أقل موبايل في استنزاف البطارية في ممارسة الألعاب المختلفة ومشاهدة الأفلام على اليوتيوب.

شوف موبايل Huawei P10 PLUS من هنا.

موبايل HTC U11

المميزات

• شاشة الموبايل 5.5 بوصة بتقنية Super LCD5 بكثافة بكسلات 1440×2560 بكسل بتقنية Amoled، وكثافة بكسلات 534 بكسل، واللي بتيجي كمان بطبقة حماية إضافية ضد الكسر والشرخ Corning Gorilla Glass 5.
• رام الموبايل بسعة 6 جيجابايت وبروسيسور ثماني النواة وميموري داخلي بسعة 46 جيجا و 128 جيجا بايت وممكن تضيف له ميموري خارجي لغاية 256 جيجابايت.
• الموبايل مقاوم للمياه والأتربة وفيه مستشعر بصمة، وجسم الموبايل كله مزود بطبقة حماية إضافية ضد الكسر.
• الموبايل بيدعم تقنية الـ NFC والجيروسكوب.
• كاميرا أمامية بدقة 12 ميجابكسل بمثبت بصري OIS وفتحة عدسة 7، وسيلفي بدقة 16 ميجابكسل بفتحة عدسة F 2.0.
• بطارية الموبايل بتدعم تقنية الشحن السريع.

العيوب

• الموبايل مش مزود بتقنية راديو FM، ولا الـ HDMI.
• الموبايل مش مزود بمدخل خاص للسماعات 5مللي.
• بطارية الموبايل ما تقدرش تغيرها بنفسك.

تجربة المستخدم

• شاشة الموبايل بتقدم زوايا رؤية ووضوح ممتازة في ظروف الإضاءة العالية لكن في أشعة الشمس هتلاحظ عن الألوان والصور مش بنفس الوضوح في الإضاءة الداخلية.
• حجم الموبايل بيدي صعوبة للمستخدم في التعامل معاه بإيد واحدة أو حتى إنه يكون في جيبه بسهولة وده بسبب كبر حجم حواف الموبايل، وهتلاحظ كمان إن جسم الموبايل بيشيل بصمات وده بيقلل كتير من شكله الجمالي.
• للأسف الموبايل من السهل جدًا إنه يقع من إيد المستخدم بسبب نعومة ملمسه الخارجي ولو استعملت له جراب هيفقد كتير من جماله.
• الموبايل بيدي للمستخدم خاصية جديدة وهي الضغط على جوانب الموبايل فتقدر تفتح برنامج معين بتقوم بتحديده.
• أداء الموبايل مميز في التعامل مع البرامج والتطبيقات والألعاب المختلفة ومش هتحس بأي بطء أو سخونة من الاستعمال المطول ليه.
• ما تقدرش كمستخدم للموبايل تشحن الموبايل وتستعمل السماعات الخارجية بسبب غياب المنفذ الخاص بيها وده بيقلل من استمتاعك بالأغاني في كل وقت.
• كاميرا الموبايل بتقدم أداء مميز في ظروف التصوير المختلفة وده لوجود الفلاش المزدوج وتقنية الـ OIS، ولو كنت من عشاق السيلفي فالموبايل بيقدم تجربة كويسة جدًا ليك.
• الموبايل بيقدم للمستخدم تصوير فيديو بجودة صوت كبيرة وده بسبب تزويد الموبايل بأربع مكبرات صوت فمش هتقلق من ضعف صوت أفلام الفيديو.
• واجهة الموبايل خفيفة وده بسبب تقليل HTC لجزء كبير من برامجها المختلفة واللي جوجل بلاي بيحل محلها.
• بطارية الموبايل بتشحن الموبايل شحنة كاملة في ساعة واحدة تقريبًا وهتكمل معاك يوم كامل من الاستعمال الشاق.

*الموبايل ده كان خامس أقل موبايل في استنزاف البطارية في ممارسة الألعاب المختلفة ومشاهدة الأفلام على اليوتيوب.

شوف موبايل HTC U11 من هنا.

موبايل Sony Xperia XZ Premium

المميزات

• شاشة بحجم مناسب 5.4 بوصة، بدقة وضوح للشاشة IPS LCD 3840×2160 بكسل، وكثافة بكسلات 807 بكسل، ومزودة بطبقة حماية ضد الكسر Corning Gorilla Glass 5 وكمان بتدعم لغاية 10 أصابع لمسية.
• الموبايل مزود ببروسيسور ثماني النواة Qualcomm Snapdragon 835 أربعة أنوية بتردد 2.25 جيجاهرتز، وأربعة أنوية بترد 1.9 جيجاهرتز، ورام الموبايل 4 جيجابايت وميموري 64 جيجابايت وميموري داخلي 256 جيجابايت ومعالج رسومي Adreno 540.
• الموبايل بيدعم مستشعر بصمة الإصبع، ومنفذ شحن Type-C 1.0.
• كاميرا مميزة بدقة 19 ميجابكسل بفتحة عدسة F2.0 مزودة بفلاش LED، وسيلفي الموبايل بقوة 13 ميجابكسل بفتحة عدسة f2.0 وتصوير فيديو بدقة 2160 بكسل.
• بطارية الموبايل بقوة 3230 مللي امبير، وبتدعم تقنية الشحن السريع.
• الموبايل بيشغل شريحتين اتصال وبيدعم تقنية الاتصال للجيل الرابع.
• الموبايل مقاوم للمياه والأتربة.
• بطارية قوية بسعة 3230 مللي أمبير.

العيوب

• وزن الموبايل تقيل شوية 195 جرام.
• الموبايل رغم مميزاته الكبيرة لكنه مش بيدعم وجود راديو FM ليه.

تجربة المستخدم

• شاشة الموبايل مميزة جدًا وبتدي تجربة عرض صور وفيديوهات قوية جدًا في ظروف الإضاءة المختلفة.
• تصميم الموبايل معتاد من سامسونج ومش بيقدم أي جديد، ولو كنت من الناس اللي بتحب الفخامة في موبايلتها فالموبايل رغم سعره مش بيديلك الإحساس ده.
• جسم الموبايل الخلفي بيجمع بصمات الأصابع بشكل كبير وده بيقلل من الشكل الجمالي للموبايل.
• أداء الموبايل مميز في تصفح وممارسة أكتر من برنامج في نفس الوقت، ويعتبر خيار كويس لعشاق الألعاب ومش هتحس بسخونة الموبايل.
• واجهة نوجا مميزة وسهلة ومش تقيلة خالص، وبتحمع خصائص بسيطة زي نقرتين لغلق الشاشة ونقرتين لفتحها.
• بصمة الموبايل موجودة مع زرار الباور للموبايل وأداءها سريع مع الوقت ومش هتهنج منك ولا مرة.
• كاميرا الموبايل مميزة كعادة سوني لكن هنا بتمسح للمستخدم بميزة التصوير التنبؤي، بمجرد ما تظبط الكاميرا على وضع التصوير هتلاقيها بتصور وبتدي ليك لغاية أربع لقطات متتالية تختار منهم اللي يناسبك، وكمان بتصور فيديو بدقة 4K.
• صوت سماعات الموبايل مقبول خصوصًا إنه مقاوم للمياه ودي ميزة بتقلل من جودة ونقاء الصوت شوية.
• الكاميرا صورها قريبة جدًا في ألوانها من الألوان الطبيعية ودقتها مميزة حتى في الإضاءة الضعيفة.
• سيلفي الموبايل مميز لكن جمال الصور بيقل في الإضاءة الضعيفة وخصوصًا مفيش فلاش لسيلفي الموبايل.
• بطارية الموبايل قوية وبتكمل معاك أكتر من يوم للاستعمال المتوسط.
• الموبايل ده كان أقل خامس موبايل في استنزاف البطارية في ممارسة الألعاب المختلفة ومشاهدة الأفلام على اليوتيوب.

*الموبايل ده كان سادس أقل موبايل في استنزاف البطارية في ممارسة الألعاب المختلفة ومشاهدة الأفلام على اليوتيوب.

شوف موبايل Sony Xperia XZ Premium من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.