كتبت: منى عوض

الثلاجة تقريبًا واحدة من أكتر الأجهزة الكهربائية استخدامًا في أي بيت، عشان كدا طبيعي جدًا أنك تلاقي فيها آثار طعام أو بقع مأكولات أو مشروبات أو ممكن تلاقي فيها روائح كريهة نتيجة إتباع بعض العادات الخاطئة.

عشان كده ياقوطة حبت تقدم شوية نصائح وحيل هتساعدكم في الحفاظ على نظافة ثلاجتكم ونظامها ومتخليكوش تحسوا بأي تعب على الإطلاق أثناء تنظيفها.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

طرق تنظيف الثلاجة بشكل صحيح

• عشان تقدر تنظف الثلاجة بشكل كويس ومن غير مواجهة أي مخاطر، لازم في الأول تفصل التيار الكهربائي عن الثلاجة.
• بمجرد ما تفصل الثلاجة تبدأ تفضيها تمامًا من أي حاجة موجودة جواها ولو فيه طعام فاسد عمومًا أتخلص منه على الفور لأنها واحد من أسباب الرائحة الكريهة للثلاجة، واحتفظ بالطعام الجيد في علب محكمة الغلق أو علب مغطاه بالنايلون بشكل كويس جدًا.
• دلوقتي تقدر تشيل كافة رفوف وأدراج الثلاجة وتبدأ تغسلها بقطعة قماش أو إسفنجة مغمورة في مزيج مكون من ماء دافئ وخل أبيض أو ماء وصابون عادي وبعدين تشطفها بالماء فقط بشكل كويس وسيبها مع نفسها شوية في الهواء الطلق لحد ما تنشف تمامًا.
• ابدأ في تنظيف ومسح كافة الأجزاء الداخلية للثلاجة باستخدام منظف أو قطعة قماش مغمورة في مياه بصابون وكمان اتأكد من تنظيف الجزء المطاطي اللي في الباب وممكن تستخدم فرشاة أسنان للتنظيف في الخطوة دي.
• يفضل كمان تنظيف الثلاجة بمواد ماصة للروائح الكريهة زي الخميرة مثلاً ودي تقدر تستخدمها من خلال رش شوية من الخميرة الممزوجة في الماء على أرفف الثلاجة بعد إزالة الأطعمة وتركها لمدة نص ساعة وبعدين تمسحها باستخدام قطعة قماش مبللة وهتلاحظ أن كافة الروائح الكريهة الموجودة داخل الثلاجة اختفت تمامًا.
• استخدام قطعة قماش نظيفة وجافة تمامًا وامسح الثلاجة من جوا بمجرد ما تخلص خطوة تنظيفها بالماء والصابون.
• دلوقتي تقدر تركب الأرفف والأدراج جوا الثلاجة تاني وترتب الأطعمة والبرطمانات داخل الثلاجة بس بعد ما تتأكد أنك نظفتها من أي أوساخ عالقة فيها.
• ممكن دلوقتي تبدأ تنظف الجزء الخارجي من الثلاجة وتمسحه بقطعة قماش نظيفة مغمورة في مياه وصابون، وبعدين تنشفها على الفور باستخدام قطعة قماش نظيفة وجافة تمامًا.
• دلوقتي تقدر تعيد توصيل التيار الكهربائي للثلاجة مرة أخرى.

نصائح للحفاظ على نظافة الثلاجة لفترة أطول

• يفضل تنظيف أي بقع أو أطعمة مسكوبة في الثلاجة على الفور عشان تقدر تسيطر على البقع والروائح الكريهة قبل ظهورها.
• اتأكد دايمًا من تغليف الأطعمة أو وضعها في علب محكمة الغلق قبل وضعها في الثلاجة ومراقبة الأطعمة والتخلص من الأطعمة الفاسدة على الفور وده عشان تقدر تتجنب ظهور أي روائح كريهة في الثلاجة.
• ممكن تمسح الثلاجة بقطعة قماش مغمورة في خليط مكون من ماء والقليل من الفانيلا الطازجة عشان تدي الثلاجة رائحة عطرة ومميزة.
• يفضل تكرار عملية التنظيف الشاملة للثلاجة مرة كل أسبوعين عشان تحافظ على نظافتها وتحافظ كمان على الأطعمة اللي جواها ورائحتها.

ممكن تشتري الثلاجة اللي أنت عايزها من هنا.

لو عايز تشتري ثلاجة جديدة ومحتار، ممكن تشوف دليل ياقوطة لشراء ثلاجة جديدة.

ياقوطة قدمت في المقال ده شوية نصائح ومهارات عشان الأجهزة بتاعتك تعيش فترة أطول.

والمقال ده بيضم أهم النصائح اللازمة للتغلب على أضرار بعض أجهزة المنزل الكهربائية المهمة.

وده الجزء الثاني من المقال اللي بيضم أهم النصائح للتغلب على أضرار بعض أجهزة المنزل الكهربائية المهمة.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

منى عوض، كاتبة بقالي أكتر من سنتين، بكتب عادة عن التكنولوجيا اللي بقت جزء لا يتجزأ من حياتنا اليومية، وبحب دايمًا أني أقرأ وأدور كويس جدًا عن كل حاجة قبل ما أكتب عنها عشان أكون متأكدة من كل معلومة بكتبها ولو حسيت أن المعلومات اللي لاقيتها على الإنترنت مش كافية ببدأ أنزل وأسأل سواء أشخاص جربوا الحاجة دي أو في الأماكن اللي بتكون متخصصة في بيع الحاجة اللي بكتب عنها.