كتب: خالد عاصم

من خلال المقال ده هنتكلم عن واحد من أبرز موبايل Huawei المتوسطة موبايل Huawei Y9s وهنتعرف على مواصفاته ومميزاته وعيوبه وكمان متوسط أسعاره في السوق المصري، ولو عجبكم الموبايل هتقدروا تطلبوه من خلالنا في ياقوطة وهيوصلكم لحد باب البيت أو مكان ما تحبوا بأسرع وقت ممكن.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

موبايل Huawei Y9s

• الأبعاد: ٨٫٨ × ٧٧٫٢ × ١٦٣٫١ مم بوزن ٢٠٦ جرام.
• البناء والصناعة: هيكل من الألومنيوم بزجاج أمامي وخلفي.
• شرائح الاتصال: ثنائي الشريحة.
• الشاشة: شاشة LTPS IPS LCD كاملة قطرها ٦٫٥٩ بوصة أما معدلها ١٩.٥:٩ وبتستحوذ على نسبة ٨٤٫٧ تقريبًا من مساحة الموبايل الأمامية، الشاشة دقة عرضها ٢٣٤٠ × ١٠٨٠ بيكسل بكثافة ٣٩١ بيكسل لكل بوصة.
• المكونات الداخلية: بيعتمد الموبايل على بروسيسور HiSilicon Kirin 710F بمعمارية ١٢ نانوميتر ثماني النواة وكارت جرافيكس Mali-G51 MP4، الموبايل بيصدر بإصدار واحد برامات ٦ جيجابايت رام بذاكرة داخلية سعتها ١٢٨ جيجابايت والموبايل بيقبل كروت الميموري لحد ٥١٢ جيجابايت.
• نظام التشغيل: اندرويد ٩ باي بواجهة مستخدم EMUI 9.1
• الكاميرا الخلفية: ثلاثية العدسات بقوة ٤٨ ميجا بيكسل بفتحة f/1.8 للعدسة الرئيسية العريضة وبقوة ٨ ميجا بيكسل بفتحة f/2.4 للعدسة التانية بالغة العرض وبقوة ٢ ميجا بيكسل بفتحة f/2.4 للعدسة التالتة الخاصة باستشعار عمق الصورة، والكاميرا بتصور فيديو بجودة 1080p بمعدل ٣٠ إطار في الثانية.
• الكاميرا الأمامية: منبثقة من الأعلى بقوة ١٦ ميجا بيكسل وفتحة f/2.2 وبتصور الفيديو بجودة 1080p بمعدل ٦٠ إطار في الثانية
• المنافذ: ٣٫٥ مم وUSb Type-C.
• المستشعرات: ماسح بصمة جانبي – التسارع – الدوران – التقارب – البوصلة.
• البطارية: غير قابلة للإزالة سعة ٤٠٠٠ ميللي أمبير في الساعة مش مدعومة بتقنية الشحن السريع.

مزايا وعيوب هاتف Huawei Y9s

مزايا هاتف Huawei Y9s

• الموبايل بيتميز ببناء قوي لانه بيعتمد على الألومنيوم في صناعة الهيكل وعلى الزجاج في صناعة الضهر والشاشة.
• يدعم الهاتف شريحتين اتصال.
• الموبايل بيتميز بشاشة كاملة لانه بيعتمد على كاميرا منبثقة من الأعلى ودي بتتيح الاستخدام الكامل للشاشة لان مفيهاش أي ثقوب أو شقوق وده بيخليها ممتازة لممارسة الألعاب ومشاهدة الفيديوهات من غير أي قص في مساحة الشاشة واللي بيحصل بسبب القطع اللي في الشاشة.
• دقة عرض الشاشة عالية تبلغ ٢٣٤٠ × ١٠٨٠ بيكسل.
• الشاشة كبيرة بتوفر مساحة رؤية ممتازة للغاية.
• بتتميز شاشة الموبايل بألوان رائعة ودقيقة التباين.
• الشاشة بتستحوذ على نسبة كويسة جدا من المساحة الأمامية للموبايل.
• يعتمد الموبايل على بروسيسور كويس وإن كان مش الأفضل من بين الموبايلات المنافسة إلا أنه قادر على تقديم أداء جيد لحد كبير
• بيتميز الموبايل بذاكرة عشوائية قوية سعتها ٦ جيجابايت رام.
• بيتميز الموبايل بسعة تخزينية داخلية كبيرة تبلغ ١٢٨ جيجابايت وهي من فئة UFS 2.1 اللي بالتتميز بالسرعة العالية عن الإصدارات السابقة من وحدات التخزين الداخلية.
• كاميرا خلفية كويسة إلى حد كبير رغم بعض عيوبها اللي هنتكلم عنها بعدين.
• بيتضمن الموبايل منفذ ٣٫٥ مم.
• الموبايل بيعتمد على منفذ USB Type-C في الشحن ونقل البيانات.
• يتضمن الموبايل مستشعر الدوران الداعم لتطبيقات وألعاب الواقع الافتراضي.

عيوب موبايل Huawei Y9s

• الموبايل مش محمي بأي طبقة من طبقات زجاج كورنينج جوريلا جلاس من أي إصدار سواء من حيث حماية الضهر أو الشاشة.
• الموبايل مش محمي لا ضد الغبار ولا ضد المياه.
• شاشة الموبايل مش من نوع AMOLED وده بيخليها تفتقد مجموعة من المميزات زي الوضوح والحدة في ضوء الشمس المباشر وزي خاصية الشاشة دائمة التيقظ.
• الشاشة مفيهاش أي تقنيات استثنائية زي إنها مش بتدعم عرض محتوى الفيديو بتقنية HDR10
• الموبايل بيشتغل باندرويد 9 باي من غير خدمات وتطبيقات جوجل وبيعتمد على خدمات هواوي ودي ممكن تكون نقطة سلبة لبعض المستخدمين.
• الموبايل مش بيتوفر بإصدارات كتير.
• الموبايل بيدعم كروت الميموري من خلال منفذ شريحة الاتصال التانية.
• الكاميرا الخلفية كويسة بس أقل من موبايلات كتير منافسة سواء من حيث الوظيفة والتعددية والإمكانيات كمان.
• كاميرا أمامية كويسة بس مش الأفضل برضه من بين الموبايلات المنافسة.
• الموبايل بيدعم إصدار بلوتوث 4.2 وده قديم شوية.
• الموبايل مش بيدعم تقنية NFC
• ماسح بصمة جانبي وده مش بيفضله مجموعة كبير من المستخدمين.
• البطارية سعتها 4000 ميللي أمبير في الساعة ودي سعة كبيرة بس كان ممكن تكون أفضل عشان إتاحة نقطة تنافسية أعلى.
• البطارية مش مدعومة بتقنية الشحن السريع.

اتعرف على عروض أسعار موبايل Huawei Y9s من هنا.

شوف عروض أسعار مختلف الموبايلات المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.