كتبت: ميّ نور

الصيف وصل بدري السنة دي، وبدأنا نشوف الناس بتروح المصايف وإحنا لسه في شهر أبريل، وعلشان معظمنا بيحب يستخدم الموبايلات هناك في التصوير، سواء بنتصور مع بعض عشان نفتكر لمتنا والذكريات، أو حتى نصور جمال الطبيعة والشواطئ والأماكن اللي زورناها، بننصحكوا تختاروا موبايلات مقاومة للمياه، عشان كده النهارده في ياقوطة بنقدملكم أهم ٥ موبايلات مقاومة للمياه تقدروا تستخدموهم هناك من غير ما تقلقوا عليهم، وهنتعرف على أهم مميزاتهم وعيوبهم، ولو عجبك موبايل وعاوز تشتريه، تقدر من خلالنا تعرف أحسن الأسعار ليه وتقارن بينهم وتطلبه من خلالنا كمان، وهيوصل لغاية عندك في أسرع وقت.

المنتجات الواردة في المقال ده، اخترناها بناءً على الأجهزة الأكتر شعبية على ياقوطة، وآراء المستخدمين، ورأي كاتب المقال.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعوده وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

المواصفات

موبايل Samsung Galaxy S9

المميزات

• شاشة الموبايل كبيرة وبتيجي بدقة وضوح وعرض عالية جدًا، وكمان جاية مع الأبعاد الجديدة ودا يخليها مناسبة لمشاهدة الأفلام ومقاطع الفيديو.
• الشركة ركزت على الكاميرا الخلفية جدًا، وشركة سامسونج بتقول إن الكاميرا بتاعتها هي أفضل كاميرا موجودة في الوقت الحالي. وده بسبب حاجات كتير أهمها فتحة العدسة اللي جت بحجم f/1.5 ودا اللي بيخليها قادرة إنها تلتقط كمية ضوء كبيرة أثناء التصوير. علشان كده هتلاقي الصور واضحة والتفاصيل فيها باينة بشكل كويس.
• الشركة طورت تقنية الواقع المعزز وتقدر بعد كده تعمل إيموجي متحركة بنفس شكل وجهك، كل اللي هتعمله إنك هتخلي كاميرا السيلفي تاخد لك صورة وتقدر تحولها بعد كده لكرتون تستخدمه كإيموشن مع أصحابك في الشات.
• التصوير البطيء تطور بشكل كبير جدًا.
• الموبايل حاصل على معيار IP68 وده أعلى معيار في مقاومة المياه والغبار. يعني لو فيه عاصفة ترابية قوية وإنت ماشي بالموبايل فيها مش هيتأثر خالص، وتقدر تاخده معاك في المصايف من غير ما تخاف عليه وممكن ينزل لحد عمق متر ونص تحت المياه لمدة نص ساعة كاملة.
• سماعات الموبايل الداخلية أقوى من كل إصدارات سامسونج قبل كده، وده بفضل التعاون اللي تم بين سامسونج و AKG، والنتيجة صوت سماعات أقوى وأوضح.
• معالج جديد من سامسونج موفر للطاقة بنسبة توصل لـ ٢٥٪ على الأقل من الإصدار السابق.

العيوب

• الموبايل جه ببطارية بسعة ٣٠٠٠ مللى أمبير ودي نفس السعة بتاعت السنة اللي فاتت اللي جات مع Samsung Galaxy S8، وكنا نتمنى الشركة تخليها أكبر من كده شوية.
• الرامات جات بحجم ٤ جيجابايت. ودي نفس الحجم اللي كان موجود في Samsung Galaxy S8 برضه، وكنا نتمنى كانت ٦ أو ٨ جيجابايت زي كتير من الموبايلات المنافسة له.

تجربة المستخدم

• الألوان بتاعة الشاشة تحسها واقعية وجميلة جدًا، ودقة الصورة عالية وواضحة بشكل كويس.
• الموبايل خفيف جدًا حتى أخف من موبايل Samsung Galaxy S8 وده بيخلى التحكم فيه بإيد واحدة حاجة سهلة وممكنة.
• لو إنت بتحب الألعاب فالموبايل هيكون كويس جدًا معاك ومش هتحس بأي مشاكل سواء مع الألعاب العادية أو التقيلة.
• بطارية الموبايل بتتشحن بسرعة كبيرة وده بسبب تقنية الشحن السريع.
• واجهة المستخدم بتاعة الموبايل مريحة وشكلها جميل جدًا.

شوف موبايل Samsung Galaxy S9 من هنا.

موبايل iPhone X

المميزات

• موبايل iPhone X هو أول موبايل عمل خاصية فتح القفل عن طريق التعرف على الوجه.
• الكاميرا بتاعة الموبايل كويسة جدًا وتقنية البورتريه فيها متطورة، كمان فيها الواقع المعزز واللي من خلاله تقدر تعمل إيموجي متحرك لشكلك وتستخدمه في الشات مع أصحابك.
• التصميم بتاع الموبايل كويسة جدًا، حتى إن شركات كتير الفترة الأخيرة بدأت تقلدها زي أوبو وهواوي وغيرهم.
• الشاشة بتاعة iPhone X هي أحسن شاشة لموبايل أيفون في الوضوح، وده بسبب إن شركة سامسونج هي اللي عاملاها واللي معروف إنها متميزة في المجال ده.
• الموبايل حاصل على معيار IP68 وده أعلى معيار في مقاومة المياه والغبار. يعني لو فيه عاصفة ترابية قوية وإنت ماشي بالموبايل فيها مش هيتأثر خالص، وتقدر تاخده معاك في المصايف من غير ما تخاف عليه وممكن ينزل لحد عمق متر ونص تحت المياه لمدة نص ساعة كاملة.

العيوب

• سعر الموبايل غالي جدًا، حتى بعد ما سعره نزل شوية لسه أغلى من غيره، حتى أغلى من موبايل Samsung Galaxy S9 واللي لسه نازل من كم شهر وجاي بإمكانيات قريبة جدًا له.
• الشركة غيرت طريقة فتح البرامج الموجودة في الخلفية عن باقي التليفون وخليتها عن طريق إنك تلمس الشاشة أكتر من لمسة بطريقة معينة وده خلى ناس كتير مش متعودة عليها.

تجربة المستخدم

• الموبايل تصميمه جميل والتحكم فيه بإيد واحدة سهل وبسيط.
• الشاشة بتقدر تعرض الصور بجودة عالية جدًا.
• الكاميرا الخلفية بتقدر تصور صور بتفاصيل واضحة لدرجة كبيرة جدًا وهي واحدة من أحسن الكاميرات الموجودة في العالم.
• الموبايل أداؤه سريع ومش بيهنج أو بيتأخر في فتح البرامج.

شوف موبايل iPhone X من هنا.

موبايل Huawei Mate 10 Pro

المميزات

• كاميرا الموبايل الخلفية قوية جدا وده بسبب فتحة العدسة اللي جت بحجم f/1.6 ودي كانت أفضل فتحة عدسة لحد ما تم الإعلان عن موبايل موبايل Samsung Galaxy S9 اللي جه مع فتحة عدسة f/1.5.
• الموبايل تصميمه وشكله الخارجي جميل جدًا، ومريح كمان في الاستخدام. 
  البطارية بتاعة الموبايل قوية جدًا.
• المساحة الداخلية حجمها ٦٤ أو ١٢٨ جيجابايت.

العيوب

• الموبايل مابيقبلش تركيب كارت ميموري.
• الموبايل مش بيدعم خاصية الشحن اللاسلكي الموجودة في كتير من الموبايلات حوالينا دلوقتي.
• الموبايل مش بيدعم تشغيل الراديو.

تجربة المستخدم

• الشاشة مناسبة إنك تتفرج على أفلام وفيديو بشكل حلو جدًا، ودا بسبب الحجم الكبير بتاع الشاشة والدقة العالية كمان.
• البطارية قوية جدًا ويمكن من أقوى البطاريات اللي شوفناها خلال الفترة الأخيرة، وكمان بتدعم تقنية الشحن السريع، وده بيخلي البطارية متاخدش وقت كتير في الشحن.
• التصوير باستخدام الموبايل تجربة تستحق تتعاش فعلًا، ولو إنت بتحب التصوير فالموبايل هيكون مفيد جدًا بالنسبة ليك.
• الموبايل حاصل على معيار IP67 وده معيار مميز في مقاومة المياه والغبار. يعني لو فيه عاصفة ترابية قوية وإنت ماشي بالموبايل فيها مش هيتأثر خالص، وتقدر تاخده معاك في المصايف من غير ما تخاف عليه وممكن ينزل لحد عمق متر ونص تحت المياه لمدة نص ساعة كاملة.
• أداء الموبايل سريع جدًا، وعملية فتح البرامج بتتم بشكل سريع من غير أي تهنيج.

شوف موبايل Huawei Mate 10 Pro من هنا

موبايل Samsung Galaxy Note 8

المميزات

• شاشة الموبايل حجمها كويس جدًا ٦٫٣ بوصة، ومناسبة إنك تتفرج على فيديوهات وأفلام.
• أداء الموبايل سريع وممتازا في تشغيل الألعاب.
• الكاميرا بتقدر تصور صورة بجودة عالية، وبتعرف
• تجيب أدق التفاصيل.
• البطارية جاية مع خاصية الشحن السريع والشحن اللاسلكي.

العيوب

• حجم الموبايل كبير شوية وممكن يبقى صعب على بعض الناس التحكم فيه بإيد واحدة.
• مكان مستشعر البصمة مش مناسب أبدًا وصعب الوصول له، وكمان ممكن تبصم على الكاميرا بالغلط.
• رغم إن الموبايل نازل من سنة إلا إن سعره لسه غالي شوية بالنسبة لبعض الناس.

تجربة المستخدم

• بطارية الموبايل كويسة جدًا وبتقعد وقت طويل، وفيها ميزة كويسة إنها مش بتاخد وقت طويل علشان تشحن، وده بسبب تقنية الشحن السريع اللي موجودة فيها.
• الشاشة كبيرة ولو إنت بتحب قراءة الكتب فالشاشة مناسبة لكده.
• الموبايل حاصل على معيار IP68 وده معيار عالي جدًا في مقاومة المياه والغبار. يعني لو فيه عاصفة ترابية قوية وإنت ماشي بالموبايل فيها مش هيتأثر خالص، وتقدر تاخده معاك في المصايف من غير ما تخاف عليه وممكن ينزل لحد عمق متر ونص تحت المياه لمدة نص ساعة كاملة.
• أداء الموبايل في منتهى الروعة من حيث فتح البرامج والتنقل بينها وفتح الألعاب التقيلة.

شوف موبايل Samsung Galaxy Note 8 من هنا.

موبايل LG V30 Plus

المميزات

• حجم شاشة الموبايل ٦ بوصة، وزوايا الرؤية والوضوح مميزين في أشعة الشمس وظروف الإضاءة المختلفة.
• لحد نهاية ٢٠١٧ فتحة العدسة بتاعة الكاميرا الخلفية للتليفون كانت أوسع فتحة عدسة في الموبايلات وكانت بتسمح بدخول كمية ضوء كبيرة علشان كده كنا بنشوف الصور بتاعة الكاميرا دي بتفاصيل أوضح من أي كاميرا تانية لحد ما سامسونج تفوقت عليها ونزلت موبايل Samsung Galaxy S9.
• تصوير الفيديو في الموبايل بييجي مع خصائص كتيرة بتخليه مشابه لكاميرات التصوير الاحترافية، يعني ممكن تصور فيلم كامل من التليفون ويطلع بجودة عالية.
• سماعات التليفون متميزة جدًا وبتقدم صوت عالي بنقاء مظبوط.
• شاشة الموبايل حجمها مناسب جدًا لإنك تشوف فيديوهات وأفلام عليها.
• البطارية قوية وتقدر تعيش معاك فترة كويسة.

العيوب

• صعوبة إنك تلاقي الإكسسوارات بتاعة الموبايل في مصر.
• حجم الموبايل كبير شوية.
• الكاميرا الأمامية كانت ممكن تبقى أحسن من كده، وفيه كاميرات كتير في الفئة دي أحسن شوية.

تجربة المستخدم

• الصور اللي بتاخدها بالكاميرا الخلفية للموبايل جودتها عالية جدًا وفيها كمية تفاصيل مميزة.
• حواف الموبايل منحنية علشان كده سهل تمسكه لفترة طويلة من غير ما تتعب.
• وزن الموبايل مش تقيل بالنسبة لحجمه.
• الموبايل حاصل على معيار IP68 وده أعلى معيار في مقاومة المياه والغبار، يعني لو في عاصفة ترابية قوية وإنت ماشي بالموبايل فيها مش هيتأثر خالص وتقدر تاخده معاك في المصايف من غير ما تخاف عليه وممكن ينزل لحد عمق متر واحد تحت المياه لمدة نص ساعة كاملة.

شوف موبايل LG V30 Plus من هنا

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.