كتبت: شيماء الجيزي

خلاص أخدت قرار شراء غسالة أطباق؟ أو حتى لو لسه بتفكر، أكيد في أسئلة كتير بتدور في دماغك ومش لاقي لها إجابة واضحة، احنا فكرنا في تجميع كل المعلومات اللي ممكن تساعدك في اختيار غسالة أطباق مناسبة بحسب إمكانياتك المادية بحيث يكون فيها أغلب الإمكانيات التي تحتاجها في البيت، وهنقولك برضه على مميزات وعيوب غسالة الأطباق، وكمان ازاي تستخدمها، وطريقة تنظيف غسالة الأطباق والمحافظة عليها.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

الغسالات الأكثر مبيعًا وفقًا لمستخدمي ياقوطة

سعر الغسالة بيتحدد في الغالب بحسب الخصائص والمميزات اللي بتقدمها، زي عدد البرامج، سعة حمولتها، أنواع البرامج الموجودة (تجفيف، تلميع، منع ضوضاء .. إلخ)

للإطلاع على أسعار غسالة الأطباق في مصر من هنا، يبدأ السعر من  2149 جنيه مصري

مميزات غسالة أطباق

1. وجود غسالة أطباق في المطبخ عامل مساعد جدًا في وقت الزنقة، بتساعدك في غسل الأطباق لو مثلًا عندك عزومة ومحتاجين كوبايات وأطباق كتير مغسولة في وقت قياسي.
2. مش بتشيل همّ وقت لغسل الأطباق، كلنا عارفين الخناقات اللي غالبًا بتحصل على مين يغسل الأطباق، بالتالي غسالة أطباق بتنهي الخناقات دي، وبتستفيد من الوقت ده في عمل مهمة تانية.
3. موفرة للمياه وكمان سائل التنظيف.
4.  تتوفر مع غسالة أطباق خاصية التعقيم وقتل الجراثيم.
5. وطبعًا هي مُهمة من حيث إنها بتنقذ الأيادي من الجفاف الناتج عن غسيل الأطباق اليدوي.

عيوب غسالة الأطباق

1. تأخذ غسالة أطباق  مساحة في المطبخ لأن حجمها كبير إلى حد ما بمعنى لو مطبخك صغير ممكن تعمل زحمة.
2. معندكيش حرية اختيار مكان الغسالة، لأن غسالة أطباق بتحتاج وصلات للمياه، فلازم تكون موجودة في مكان قريب للحوض.
3. لازم ملء غسالة أطباق بالصحون بشكل كامل، علشان ده بيحافظ على كفاءة المياه وكفائتها في استخدام الطاقة.

غسالة الأطباق لها مميزات كثيرة زي ما قولنا قبل كده، لكن فيه ميزة إنها بتغسل أدوات أخرى غير الأطباق  وأواني الطبخ بتغسلها ونظافتها بتبهر.

غسالة أطباق أل جي 14 فرد

ماذا تفعل غسالة الأطباق غير غسيل الأطباق

1. ممكن تغسل في  غسالة أطباق  مقابض الخلاطات وأغطية الدُش، لأنها تزيل عنها كل الترسيبات والأوساخ المتراكمة وتتركها نظيفة ولامعة.
2. لو عندك طفل صغير عنده ألعاب بلاستيكية يمكن غسلها في غسالة أطباق وكمان ممكن تعقيمها في الغسالة وطبعًا ده أفضل لطفلك.
3. خلاط المطبخ، فلتر الحنفية، أرفف الثلاجة يمكن غسلها في غسالة أطباق.
4. اسفنجة غسل الصحون اليدوية.
5. لو بتربي قطط أو كلاب يمكنك غسل أدوات الطعام الخاصة بهم في غسالة أطباق.
6. أدوات المكياج يمكن غسلها وتعقيمها في غسالة أطباق.
7. الطواقي والأحذية.

قد يعجبك: ازاي تختار وتشتري ميكروويف مناسب ؟

نصائح هامة قبل شراء غسالة الأطباق

طريقة استخدام غسالة الأطباق

*راجع دائمًا كتيب تعليمات أي جهاز كهربائي قبل استخدامه، وهنا ننصحك بمراجعة كتيب تعليمات غسالة الأطباق قبل استخدامها.

• كل غسالة أطباق لها برنامج غسل خاص بها بتستخدمه ( بعد مراجعة كتيب التعليمات المرفق) في الكتيب بيوضّح لك الحاجات اللي ممكن تغسلها في الغسالة، لأنها مش بتغسل أطباق وكوبايات زجاج بس.
• ممكن تغسل كل الحاجات المصنوعة من الاستانلس والألومنيوم.
• مناسبة لغسيل أدوات أكل الأطفال البيبي.
• ما عدا الحديد، لأن الحديد بيتأكسد وبيأثر كمان على كفاءة الغسالة.

طريقة تنظيف غسالة الأطباق والمحافظة عليها

غسالة أطباق فريش الفوريرة 6 أفراد

المحافظة على غسالة الأطباق وعمرها بيكون بتنظيفها المستمر، يعني مثلًا:

1. لتنظيفها من الخارج ممكن مسحها بفوطة مبلولة بالخل.
2. فرشاة الأسنان هتكون مفيدة في تنظيف الأماكن التي يصعب الوصول إليها.
3. استخدم الخميرة ( من 4 إلى 5 ملاعق) في قاع الغسالة واتركها لمدة ليلة وبعدين ادعك الخميرة بفرشاة الأسنان.
4. نظف القاع بعد كده بالخل والصابون المخلوطين بالمياء الدافئة.
5. بعد التنظيف، عليك تشغيل الغسالة على دورة الشطف.

تحتاج غسالة الأطباق دورة خل كل شهر، في برنامج الشطف علشان ينضف الغسالة نفسها.

نصائح ما قبل شراء غسالة الأطباق

1. اختار حجم غسالة أطباق على حسب مساحة مطبخك.
2. ضروري غسالة أطباق تناسب عدد أفراد عائلتك أو أكثر منه برقم.
3. نوع غسالة عليه علامة توفير الطاقة اختيار جيد لتوفير الطاقة الكهربائية.
4. لازم تعرف إنك هتستخدم إيديك في غسل الأطباق، وغسل الأدوات اللي مبتتغسلش في الغسالة، لأن في غسالات لازم تشطف الأطباق قبل ما تحطها فيها، في غسالة فيها برنامج الشطف قبل الغسل ( ممكن تختارها لتجنب شطف الأطباق قبل غسيلها في الغسالة).
5. الصابون السائل العادي لا يصلح لغسالة الأطباق، لأنها لها سائل غسيل خاص بها.

اقرأ أيضًا: تنظيف الأجهزة الكهربائية المنزلية

أنواع غسالات الأطباق على حسب الحجم

غسالة الأطباق المناسبة للأسرة الصغيرة

لو أسرتك صغيرة يبقى هتحتاج غسالة لعدد 6 أفراد، بنرشح لك غسالة أطباق وايت ويل 6 أفراد مكونة من شبكتين لو محتاج تحط أطباق عادية، وممكن إزالة الشبكة الثانية علشان تحط الحلل كبيرة الحجم.

شاهد فيديو تعريفي بالغسالة الأطباق وايت ويل 6 أفراد

غسالة الأطباق المناسبة للأسرة الكبيرة

غسالة أطباق فريش 12 فرد

لو أسرتك كبيرة هتحتاج غسالة كبيرة، في أكتر من نوع من الغسالات اللي بتوصل لـ 14 فرد، بس احنا بنرشح لك غسالة أطباق فريش 12 فرد، حجمها في حجم الغسالة الأوتوماتيك، بها 2 شبكة، و 7 برامج أساسية، و 3 برامج تكميلية، أزرار التشغيل بالداخل لتجنب عبث الأطفال، ومن أهم مميزات غسالة الأطباق فريش إمكانية وضع الحلل بكل أنواعها حتى الألومنيوم.

مكونات غسالة الأطباق واحتياجاتها

• الغسالة من الداخل مكونة في العادة من 2 رف على حسب سعتها التي تتحدد على حسب حجم الأسرة.
• الملح مهم جدًا لغسالة الأطباق، وده علشان الملح بيفك الترسيبات اللي ممكن تسد الغسالة من الداخل، مكان وضع الملح تحت الشبكة السفلى، بتشيل الغطاء وبتحط القمع الخاص بصب الملح بعد فتح زرار التشغيل، غالبًا الغسالة تحتاج كيلو ملح لفترة من شهر لـ 3 شهور، إذا احتاجت الغسالة ملح هتنوّر لمبة خاصة به.
• مساعد الشطف: يساعد على شطف الصابون، لأن صابون غسالة الأطباق قلوي جدًا، كمان السائل مساعد الشطف مهم للمساعدة في عملية التجفيف، لكن لازم نعرف إنه بيكون سبب أساسي إن الأطباق تطلع مجيره، وبرضه له لمّبة بتنور لما الغسالة بتحتاجه( مكان الصابون ومساعد الشطف في باب الغسالة من الداخل).
• للتخلص من الجير المتراكم على الأطباق عليك أن تظبط المؤشر الخاص بمساعد الشطف على 2 مش ترجعه للآخر أثناء صبّ سائل مساعد الشطف.
• الصابون: مكانه موجود في باب الغسالة، وله مكان آخر في الـ pre wash ( في برامج بتحتاج وضع صابون في الغسالة نفسها وصابون في الـ pre wash)
• الغسالة مكوّنة من رفين، الرف السفلي خاص بالأطباق، والمعالق، والسكاكين، والأشياء الرفيعة، أما الرف العلوي بنرص فيه الأشياء الخفيفة، زي طبق الفاكهة وكبايات الشاي والعصير ..إلخ

قد يعجبك: ازاي تشتري وتختار ثلاجة جديدة

برامج غسالة الأطباق المختلفة

غسالة أطباق klugmann 

أي غسالة أطباق تقريبًا بيكون فيها 7 برامج أساسية هي:

Strong – قوي

• مدته: ساعتين ونصف.
• بيتحطله صابون في الغسالة والـ pre wash
• يتم تشغيله مع الأدوات التي تحتاج تنظيف قوي مثل: الحلل، والصواني زي البايركس والاكروبال والستانلس أو التيفال أو علب الميكروويف.
• الحلل المتسخة زيادة عن اللزوم ومليانة دهون لا يناسبها هذا البرنامج.

Normal – عادي

• مدته: تقريبًا ساعة ونصف.
• بيتحطله صابون في الغسالة والـ pre wash .
• يُستخدم مع الأطباق والكوبايات والأدوات العادية اللي بقالهم فترة متسخين.

Economy – اقتصادي

• مدته: ساعة
• بيتحطله صابون في الغسالة فقط.
• درجة حرارته متوسطة.
• يُستخدم مع الأدوات المتسخة حديثًا، اللي هي المواعين اليومية والبلاستيك.
• البرنامج كويس جدًا مع العزومات وموفر للوقت.

Rinse – شطف

• برنامج شطف للحاجات الخفيفة زي الكاسات ويعمل على درجة حرارة 30.
• مبيتحطش فيه صابون.
• يمكن استخدامه لشطف الخضراوات والفواكه.

Glass – للزجاج

• للأدوات الرقيقة والكاسات، درجة الحرارة بتكون خفيفة، بيحتاج صابون ربع المعيار تقريبًا.

Rapid – سريع

• ده بيحتاج صابون قليل في الغسالة، وهو برنامج سريع للحاجات الخفيفة

Soak – للنقع

• يُستخدم لبل الأدوات لو كانت ناشفة.

يمكنك شراء غسالة الأطباق أونلاين وتدفع عند الاستلام وتصلك إلى باب البيت، للإطلاع على أسعار غسالات الأطباق المتنوعة من هنا.

قد تنفد المنتجات من المتاجر – out of stock-  في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com في فيسبوك.