احدث صيحات موضة المكياج للربيع والصيف

كتب دينا أمير

لكل سيدة وبنت بتحب المكياج وعايزة تعرف جديد صيحات موضة المكياج للربيع والصيف، خبيرة المكياج «دعاء حمودة» هتقولنا الجديد في الصيحات العالمية وايه ممكن ينفع معانا في مصر، وعلى حسب شكل الوجه ولون البشرة تقدر كل واحدة تستعمل ايه وماتستعملش ايه. «دعاء» اتخرجت من جامعة مصر الدولية وكانت من وهي طفلة موهوبة في المكياج، أول ما خلصت جامعة سافرت لبنان وأخدت كورس مع «سامر خوزام» وهو من أكبر خبراء المكياج في العالم وحصلت على شهادة معتمدة منه ثم بدأت حياتها المهنية. تعتمد دعاء على انستاجرام وفيسبوك عشان توصل لعملائها وتسوق شغلها.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

موضة ربيع و صيف 2016

زي ما دعاء قالت لنا «الموضة السنة دي مختلفة عن كل سنة لأن الألوان كلها أزرق، وأخضر، وأحمر، وأزرق مخضر و ده اللي موجود في عروض الأزياء العالمية زي ديور، وسيلين.. والايلاينر أزرق وأخضر والايشادو كمان.  و ده معناه أن الموضة في الألوان الصارخة والواضحة بعكس السنين اللي قبل كده  اللي كانت الألوان الهادئة والترابية هي السائدة.  يسود الروج النبيتى والايشادو الدهبى والرموش الكتيرة في موضة ربيع 2016.»

دعاء قالت «أن مصر مش هتتبع الموضة دى بحذافيرها فمثلًا الروج الغامق والايلاينر الألوان ممكن يكونوا موضة لكن الايشادو الأخضر والأزرق صعب يكونوا في مصر.»

شوفى هنا أحمر شفاه ماط من ماك ، بسعر 260 جنيه مصري.

 أحمر شفاه من مايبلين ، بسعر 110 جنيه مصري.

ايلاينر أزرق، بسعر 63 جنيه مصري.

ايلاينر كريم، بسعر 100 جنيه مصري.

 ايلاينر أسود، بسعر 54 جنيه مصري.

ايلاينر أسود وأخضر، بسعر 250 جنيه مصري.

دعاء وضحت لنا كمان أن «بالنسبة لأحمر الخدود  Blusher اللون بنحدده حسب لون البشرة لأن فى نوعين نوع دافي زي لون بشرة الأوروبيين و ده بيكون محمر ويستخدم درجات الوردي، أما النوع البارد زي غالبية المصريين و ده بيكون قمحي أو خمري ويستخدم ألوان طبيعية أو ترابية/ أرضية زي الدهبيات والبني بدرجاته والخوخي.»

شوفي هنا فرشاة لأحمرالخدود blusher ، بسعر 34 جنيه مصري.

فرشاة أحمر الخدود الدائرية ، بسعر 55 جنيه مصري.

بالت ايشادو و بلاشر، بسعر 135 جنيه مصري.

موضة 2016 فيها الروج الأحمر، و ده يرجعنا إلى موضة الثمانينات والتسعينات و ده واضح كمان في الهدوم.

كريم الأساس

زى ما دعاء وضحت لنا في مدرستين في المكياج المدرسة الأوروبية والمدرسية الأمريكية، تركز المدرسة الأمريكية على وضع طبقات كثيرة من كريم الأساس لكن المدرسة الأوروبية بتركز أكثر على تصليح عيوب الوجه.

• قبل ما تشتري كريم الأساس جربيه على عظمة الفك السفلى لأنها اللون الوسط بين الرقبة والوجه لأن لون كريم الأساس لازم يكون نفس لون البشرة مش افتح منها، ممكن تسألي أصحابك لو ملاحظين وجود أي مكياج بعد كريم الأساس أو لأ ولو ملاحظوش يبقى دي الدرجة الصح.
• لو سنك فوق الأربعين اعتمدي على كريم الأساس المرطب عشان ميعملش خطوط في الوجه.
• حطي مرطب أو بريمر قبل كريم الأساس.
• حطى بودرة (Loose powder) بعد كريم الأساس عشان ميعملش خطوط وتشققات في الوجه.

شوفي كريم أساس ماكس فاكتور سائل، بسعر 80 جنيه مصري.

ماكس فاكتور كريم اساس Ivory ، بسعر 85 جنيه مصري.

ماك كريم أساس سائل، بسعر 425 جنيه مصري.

إخفاء العيوب Contouring

دعاء وضحت «أن الـ Contouring مش موضة جديدة ولا حاجة هو بس انتشر الفترة اللي فاتت». هو كل فكرته أنه يخفي عيوب الوجه ويبين المميزات، ولقد أضافت دعاء «عشان يوصل الوجه للشكل البيضاوي اللي يعتبر مثالي، فمثلًا الوجه الطويل خط الـ contouring  بيكون أعلى من الوجه المتوسط مثلًا، ولو الجبهة طويلة وحجمها كبير بنحط خط غامق عشان يعدل شكلها وتظهر أصغر.».. الـ contouring لازم يكون على شكل رقم 3 فأول خط من الجبهة، وثانى خط تحت عظمة الخد، وثالث خط من عظمة الفك.

بالنسبة للأنف بنحط خط على كل جنب من الجانبين لكن مش بنكمله للآخر، الأنف عشان متظهرش طويلة يستحسن الخطين ينتهيا مع نهاية عظمة الأنف وعلى طرف الأنف من الآخر ونحط Contouring غامق عشان يقلل طولها.

ولقد وضحت دعاء «أن بعد الـ Contour هنحط الـ Blush وبعد كده الـ highlighter عشان نبرز ملامح الوجه وجماله.»

شوفي المكياج المتوفر في ياقوطة.

خافي عيوب العينين Concealer

أكدت دعاء أن «من الأخطاء الشائعة فكرة أن الـ Concealer لونه يكون افتح من البشرة لأن كده مش بيخفي الهالات السوداء زي بالظبط لو حطينا  تيشيرت أسود تحت قميص أبيض هيفضل باين، لكن لو القميص لونه غامق هيبقى صعب نفرق بينهم عشان كده الـ concealer يكون لونه غامق أفضل.»

وأضافت دعاء «أنها بتحب تستخدم concealer برتقالي أو أحمر وتوزعه وبعد كده الدرجة الغامقة عشان تسترجع لون الجلد الطبيعي.»

لو في أي انتفاخات تحت العين بنحط الـ concealer تحت الانتفاخ مش عليه.

Concealer من Bourjois ، بسعر 83 جنيه مصري.

مزيل سواد العينين من ماكس فاكتور، بسعر 49 جنيه مصري.

مكياج العينين

ايه نوع الميك أب والرموش المناسبة لكي؟

عيون لوزية: لو عينيكي من النوع ده فأنتي محظوظة لأن أي مكياج أو رموش هتناسبك.

عيون مستديرة: الايلاينر مناسب لكي جدًا والرموش هتكون جميلة لو حطينا رموش قصيرة في الأول وتطول على آخر الجفن، لكن بلاش تكون كلها طول واحد عشان متزودش تدويرة العين.

العيون المنتفخة: بلاش رموش، ولو عايزة رموش يُفضل تملي بيها الفراغات بس، المكياج الـ Smokey هيكون مناسب لكي.

العيون الناعسة: بالنسبة للايلاينر يُفضل تبدئي بخط رفيع ويزيد سمكه وأنتي خارجه لبره مع upper wing ، أما بالنسبة للرموش فنبدأ قصير من جنب العين والطرف الخارجي بس هو اللى يتحط له رموش متوسطة الطول، للإطلالة اليومية ممكن ايلاينر أبيض على الجفن الأسفل، وماسكرا، وايشادو خفيف.

العيون ذات الجفون العميقة: نفس الايلاينر المناسب للعيون الناعسة لكن الرموش تبدأ قصيرة ثم متوسطة الطول ثم قصيرة فبنستخدم رموش منفصلة.

الايشادو Eye shadow

فى أكثر من مدرسة منهم الإيطالية، والـ open banana ، والـ  cut crease، والـ Smokey eyes.

أشهر واحدة هي المدرسة الإيطالية، والتي تناسب كل العيون فهي بتبدأ بلون فاتح مع بداية الجفن وبيغمق ناحية الطرف الخارجي وعلى الطرف يكون أغمق درجة. أما مدرسة الـ Smokey eyes، يبدأ بلون فاتح على الجفن ويغمق اللون في اتجاه الحاجب.

شوفي هنا رموش سوداء منفصلة متوسطة، بسعر 28 جنيه مصري.

رموش سوداء منفصلة قصيرة، بسعر 28 جنيه مصري.

رموش بني منفصلة متوسطة، بسعر 28 جنيه مصري.

أحمر الشفاه Lipstick

دعاء قالت لنا أن في 3 أنواع: Matte، وSatin ، وGlossy

الـ Matte: لشفاه مرطبة ومش بتعاني من الجفاف.

الـ Satin: لشفاه جافة.

الـ Glossy: للسن الصغير أو الكبير.

لأصحاب البشرة الدافئة، ممكن ألوان زي أحمر التفاح، ودرجات الوردي، والنبيتي. أما البشرة الباردة، فالألوان الطبيعية، ودرجات الوردي، والوردي على بني لكن بلاش درجات الأحمر على بني زي الـ Vampy بس ممكن الـ Diva. وعلى مدار اليوم الألوان الطبيعية مناسبة جدًا.

ونصيحة أخيرة من دعاء «لازم تختاري بين التركيز على حاجة من اتنين فى الوجه أما العيون أو الشفاه لكن الاتنين نادرًا ما بيكون شكلهم حلو سوا.»

أحمر شفاه من ماك ، بسعر 260 جنيه مصري.

أحمر شفاه وردي من ماك ، بسعر 250 جنيه مصري.

ماك أحمر شفاه غير لامع من ماك kinda sexy، بسعر 250 جنيه مصري.

الأسعار المذكورة هى المتاحة وقت نشر المقال وذلك قابل للتغير، قد تنفد المنتجات من المتاجر في أي وقت لكن غالبًا تصبح متاحة بعد فترة وجيزة، إذا صادفتك مشكلة مع أي منتج من فضلك إبلاغنا فى تعليق أو من خلال صفحة Yaoota.com في فيسبوك.