كتب: محمد عبد الرحمن

شركة هواوي من الشركات اللي قدرت في وقت قليل إنها تفرض اسمها في سوق الموبايلات في مصر والعالم كله، وده بفضل الاهتمام باحتياجات المستخدم من ناحية ومن ناحية أسعار موبايلاتها واللي بتحاول فيها إنها ترضي شريحة كبيرة من المستخدمين.

هنتكلم النهارده عن واحد من أنجح موبايلاتها اللي نزلتها في سنة 2017 وهو موبايل Huawei GR5 2017 واللي قدرت من خلاله هواوي إنها تكسب بيه احترام شريحة كبيرة من مستخدمي الموبايل في مصر.

هنتعرف في الريفيو ده أكتر على مميزات وعيوب الموبايل، ولو عجبك تقدر تطلبه من خلال ياقوطة وهيكون عندك في أسرع وقت وبأفضل سعر.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

*ممكن تشوف مواصفات الموبايلات بالتفصيل من mobihub من هنا.

موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.

تقييم موبايل Huawei GR 5 2017

• الموبايل مُصمم بالكامل من المعدن.
• الجهة اليمنى للموبايل هنلاقي زراير الصوت، وزرار الباور.
• الجهة اليسرى للموبايل هنلاقي منفذ منفصل لشريحة الاتصال.
• الجهة العليا للموبايل هنلاقي منفذ لسماعات الأذن، وميكروفون إضافي مانع للضجيج.
• الجهة السفلية للموبايل هنلاقي سماعات الموبايل، وميكروفون المكالمات، ومنفذ الشحن.
• شاشة الموبايل فيها كاميرا سيلفي ولمبة إشعارات LED.
• ضهر الموبايل فيه كاميرتين وفلاش LED، ومستشعر لبصمة الإصبع.

التصميم

المزايا

• الموبايل مصمم من المعدن.
• الموبايل مزود بميكروفون إضافي مانع للضجيج، ولمبة إشعارات LED، ومستشعر لبصمة الإصبع.
• وزن مناسب ١٦٠ جرام.

العيوب

• لا يوجد.

تجربة المستخدم

• الموبايل بييجي بتصميم معدني لامع وده بيزوّد من شكله الجمالي في أشعة الشمس، هنلاحظ وجود انحناء بسيط على جوانب الموبايل وده بيسهل على المستخدم مسك الموبايل واستعماله بإيد واحد من غير ما يقع، وده كمان بسبب سمكه القليل واللي بيوصل لـ ٨ ملم تقريبًا.
• هواوي صممت زراير الصوت منفصلة عن زرار الباور علشان تسهل على المستخدم التفرقة بينهم عند الاستعمال.
• مكان بصمة الموبايل معتاد من هواوي ومفيش فيه تغيير وكتير من المستخدمين بيشوف إن المكان ده (تحت الكاميرا) هو أفضل مكان ليها لإنها بتسهل من الوصول ليها عند الاستعمال.

الشاشة

المزايا

• شاشة الموبايل IPS بحجم مناسب ٥٫٥ بوصة ودقة وضوح ١٩٢٠×١٠٨٠ بكسل، وكثافة بكسلات ٤٠٣ بكسل، وبتيجي بتقنية D5.
• الشاشة بتدعم اللمس المتعدد لغاية ١٠ أصابع.
• شاشة الموبايل مزودة بلمبة إشعارات LED.

العيوب

• للأسف الشاشة مش مزودة بطبقة حماية إضافية ضد الكسر.

تجربة المستخدم

• شاشة الموبايل بتيجي بحجم مناسب لكل هواة مشاهدة وعرض أفلام الفيديو على الموبايل.
• ألوان وزوايا الرؤية والتعامل مع الموبايل مميزة جدًا حتى في أشعة الشمس المباشرة.
• الشاشة بتقدم ميزة حلوة للمستخدم غاوي القراءة لأوقات طويلة، أو في الإضاءة الضعيفة. فعن طريق ميزة تقليل إضاءة الشاشة وتلوينها بلون أصفر يقدر يقرا لوقت طويل من غير ما يحس بإجهاد ولا إرهاق لعينيه.
• رغم وجود لمبة إشعارات LED للموبايل واللي بتدّي أكتر من لون على اختلاف الإشعارات، لكن للأسف الإضاءة بتاعة اللمبة دي بتقل بشكل واضح في أشعة الشمس المباشرة ومش بتكون واضحة قوي.
• لازم كمستخدم تحمي الشاشة بطبقة حماية ضد الكسر والشرخ علشان تحافظ على الشاشة من الكسر، لإن طبقة الحماية إللي بتيجي مع الموبايل من البلاستيك.
• حجم الشاشة مناسب ومن السهل الوصول لكل أجزاءها بإيد واحدة.
• زراير التنقل للموبايل موجودة جوه شاشة الموبايل وده بيقلل شوية من إحساس المستخدم بحجم الشاشة وهيحس إنها أقل من حجمها الطبيعي ٥٫٥ بوصة.

الأداء

المزايا

• الموبايل بييجي ببروسيسور ثماني النواة من نوع Hisilicon Kirin 655 ومقسم أربعة أنوية بتردد ١٫٧ وأربعة أنوية بتردد ٢٫١، ومعالج رسومي Mali-T830MP2 ومزود بميموري داخلي بسعة ٦٤/٣٢ جيجابايت، ورام ٤/٣ جيجابايت، وممكن تضيف ليه ميموري خارجي لغاية ٢٥٦ جيجابايت.
• الموبايل بيدعم تشغيل راديو FM، ويدعم الاتصال بتقنية الجيل الرابع.
• الموبايل بيدعم تقنية الجيروسكوب والـ OTG.

العيوب

• الموبايل مش بيدعم تقنية الـ NFC.
• الموبايل مش بييجي بنسخة أندرويد نوجا زي الأخ الأصغر ليه Huawei GR 3 2017.
• ما تقدرش تشغل على الموبايل شريحتين اتصال وميموري خارجي في نفس الوقت ولازم تستغنى عن واحدة منهم.

تجربة المستخدم

• الموبايل بيقدم أداء كويس جدًا في فتح والتنقل بين أكتر من تطبيق ولعبة في نفس الوقت، والمستخدم مش هيلاحظ أي بطء في الاستجابة لأوامره أو تهنيج.
• واجهة هواوي بتمكن المستخدم من فتح برنامجين على الشاشة والعمل والتنقل بينهم في نفس الوقت بشكل كويس، وبتقدم ليك كمان ميزة تغيير خلفية الموبايل كل فترة فما بتحسش بالملل من شكل الخلفية أو تضطر تغيرها كل فترة بنفسك.
• أداء بصمة الموبايل سريع ومميز جدًا وتقدر من خلالها تحمي برامج وصورك الخاصة، وتقدر كمان تفتح الكاميرا وتتنقل بين الصور وتقفل المنبه وكمان ترد على المكالمات من خلالها.
• صوت الموبايل نقي وواضح وصوته عالي، لكن مش الأعلى وسط المنافسين.
• الموبايل اختيار مناسب ليك لو كنت من هواة الألعاب ومش هتحس بسخونة صادرة منه مع الاستخدام المكثف.
• ميموري الموبايل هيتبقى للمستخدم منها 2جيجابايت ودي سعة مناسب تمامًا، وبيتبقى ليك كمان من الميموري ١٫٥ أو ١٫٦ جيجا، واللي تعتبر برضه سعة مرضية.
• عن طريق الـ OTG تقدر تنقل ملفاتك المهمة من وإلى أي فلاشة خارجية.
• الموبايل بيقبل التحديث لنسخة الأندرويد الأحدث نوجا.

الكاميرا

المزايا

• الموبايل بييجي بكاميرتين خلفيتين بدقة ١٢ ميجابكسل، والتناية بدقة ٢ ميجابكسل ومزود بفلاش LED.
• سيلفي الموبايل قوي وبييجي بقوة ٨ ميجابكسل.
• الموبايل بيصور فيديو بدقة ١٠٨٠ بكسل.

العيوب

• الكاميرا مش مزودة بتقنية المثبت البصري للصورة.
• فلاش الموبايل LED أحادي مش مزدوج زي بعض الموبايلات المنافسة.
• سيلفي الموبايل مش مزود بفلاش.

تجربة المستخدم

• كاميرا الموبايل المزدوجة بتدي خيارات في التصوير حلوة للمستخدم زي ضبط بؤرة التركيز على جسم معين في الصور بشكل قوي، وتقدر كمان بعد ما تلتقط الصور تغير بؤرة التركيز على الجسم اللي صورته.
• أداء الكاميرا من فتحها لغاية التقاط الصورة بيتم في وقت مناسب وسريع.
• كاميرا الموبايل بتقدم أكتر من وضع وفلتر للتصوير وألوانه جميلة وواقعية، وكتير من المستخدمين شايف إن كاميرا موبايل Huawei GR5 2017 أحسن كاميرا في فئته السعرية وأحسن من منافسين ليه كتير.
• سيلفي الموبايل بتيجي بزاوية تصوير ٧٧ درجة، ومزودة بتقنية الـ Splash اللي تقدر من خلالها تصور وتعزل ألوان الصور لأبيض وإسود زي المصورين الكبار.
• رغم غياب الفلاش لكن صور الكاميرا السيلفي واضحة حتى في الإضاءة الضعيفة.
• لكل محبي التحكم في كل درجات الإضاءة وباقي عوامل التصوير فالموبايل قدم ليهم وضع Pro Photo واللي بيسمح ليهم بالتحكم بشكل كبير في إعداد الصور.
• كاميرا الموبايل فيها بروز بسيط ممكن يتسبب في خدشها لو كانت على سطح مش مستوي، لكن عن طريق كوفر الموبايل الخلفي تقدر تحميها من الخدش.

البطارية

المزايا

• بطارية بسعة كبيرة ٣٣٤٠ مللي أمبير.

العيوب

• ما تقدرش تغير البطارية بنفسك.
• مش بتدعم تقنية الشحن السريع

تجربة المستخدم

• بطارية الموبايل بتقدم أدء مرضي تمام لأكتر من يوم، وبتكفي لغاية ٦ ساعات في حالة تشغيل الإنترنت 3G، و٧ ساعات من تشغيل الإنترنت على الواي فاي.
• الموبايل بيتشحن شحنة كاملة في أكتر من ٣ ساعات ودي مدة كبيرة شوية وتعتبر نقطة ضعف لبطارية الموبايل.

شوف موبايل Huawei GR5 -2017  من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.