كتب: محمد عبد الرحمن

شركة ميزو من الشركات الصينية الجديدة نسبيًا في السوق المصري، واللي بتحاول تكسب ثقة المشتري المصري عن طريق توفير أكتر من موديل في الفئة المتوسطة.

هنتكلم النهارده عن موبايل Meizu M5 Note واللي حاولت فيه ميزو إنها توفق بين الإمكانيات المميزة زي الكاميرا والأداء وقوة البطارية من ناحية والسعر من ناحية تانية. وهنتعرف أكتر في الريفيو ده على مزايا وعيوب الموبايل اللي لو عجبك تقدر تعرف أفضل الأسعار ليه وتطلبه كمان وهيكون عندك في أسرع وقت عن طريق موقع ياقوطة.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

المواصفات

*ممكن تشوف مواصفات الموبايلات بالتفصيل على mobihub من هنا.

موقع mobihub هو موقع مصري بيعرض عليك تشكيلة كبيرة من الموبايلات لأكبر وأشهر الشركات في مصر والعالم وتقدر تعرف من خلاله مختلف أنواع الموبايلات وإمكانياتها ومميزاتها وعيوبها وكمان أسعارها وتقدر تقارن بين أسعار الموبايلات من عليه.

تقييم موبايل Meizu M5 Note

• تصميم الموبايل من المعدن وفيه فواصل بلاستيكية على حواف الموبايل لتسهيل توصيل الشبكة، وعلى يمين الموبايل هنلاقي زرار الباور، وزرارين للتحكم في الصوت، أما على الجهة المقابلة هنلاقي منفذ خاص بشريحتين الموبايل.
• الجهة السفلية للموبايل هنلاقي منفذ شحن الموبايل وعلى يمينه هنلاقي سماعة الموبايل الخارجية، وعلى شماله هنلاقي منفذ سماعة المكالمات ومنفذ لسماعات الأذن.
• الجهة الخلفية للموبايل هنلاقي كاميرا خلفية وفلاش مزدوج.
• الجهة العليا للموبايل هنلاقي ميكرفون خاص مانع للضجيج.
• الجهة الأمامية للموبايل تحت الشاشة هنلاقي مستشعر خاص بالبصمة

التصميم

المزايا

• الموبايل مصمم بالكامل من المعدن.
• الموبايل فيه مستشعر بصمة الإصبع، ومزود كمان بميكرفون إضافي مانع للضجيج.

العيوب

• شاشته مش مزودة بطبقة حماية.

تجربة المستخدم

• الموبايل مصمم من المعدن وده بيديه شكل جميل، وهنلاحظ وجود ميل خفيف على أطراف الموبايل من الجوانب وده هيسهل على المستخدم إنه يتحكم في الموبايل ويمسكه بإيد واحدة لوقت كبير.
• المستخدم كمان هيلاقي سهولة في الوصول والتمييز بين زرار الباور وزراير التحكم في الصوت لإن تصميمهم منفصل عن بعض.

الشاشة

المزايا

• الموبايل بييجي بشاشة IPS بدقة وضوح ١٩٢٠×١٠٨٠ بكسل، وكثافة بكسلات ٤٠٣ بكسل.
• شاشة الموبايل بتدعم لغاية ١٠ نقط.

العيوب

• سهولة كسر وخدش الشاشة لإنها مش مزودة بطبقة حماية إضافية، ودي نقطة ضعف كبيرة خصوصًا إن كان فيه طبقة حماية إضافية ضد الخدش بالإصدار الأصغر.

تجربة المستخدم

• زوايا الرؤية والوضوح وألوان الشاشة مميزين في ظروف الإضاءة العالية والضعيفة.
• الشاشة اختيار مناسب لو كنت من عشاق مشاهدة الأفلام وممارسة الألعاب المختلفة.
• المستخدم هيحتاج يشتري طبقة حماية إضافية من الزجاج لحماية الشاشة من الخبطات واللي ممكن جدًا تكسر الشاشة.

الأداء

المزايا

• الموبايل بييجي ببروسيسور ثماني النواة Mediatek، وبييجي بميموري داخلي ٣٢/١٦ جيجابايت، وممكن تضيف ميموري خارجي لغاية ٢٥٦ جيجا، وبييجي كمان برام ٣ جيجابايت، وبيدعم تشغيل شريحتين اتصال.
• الموبايل بيدعم تقنية الاتصال للجيل الرابع، وبيدعم كمان تقنية الجيروسكوب، والـ OTG، وعداد الخطوات.

العيوب

• الموبايل مش بيدعم تقنية تشغيل راديو FM، ولا الـ NFC.
• ما تقدرش تشغل على الموبايل شريحتين الاتصال وكارت الميموري في نفس الوقت ولازم تستغنى عن واحد منهم.
• معالج الموبايل للرسوميات مش الأفضل.

تجربة المستخدم

• أداء الموبايل مريح في التعامل مع أكتر من برنامج في نفس الوقت.
• الموبايل اختيار مناسب ليك لو كنت من هواة الألعاب الخفيفة والمتوسطة واللي بيكون أداءه فيهم كويس، لكن لو كنت من هواة الألعاب الضخمة فالموبايل مش هيكون مناسب ليك وهتلاحظ بطء واضح في الألعاب وكمان الموبايل هيسخن مع الاستخدام المكثف للألعاب دي.
• واجهة ميزو فيها إضافات جميلة زي إنك تقدر تفتح وتقفل الشاشة عن طريق النقر مرتين عليها للفتح ومرتين تاني للقفل، ومكن ترسم أول حرف من اسم أي برنامج قمت بتحديده قبل كده ويشتغل معاك.
• أداء بصمة الموبايل قوي وسلس، مش الأفضل وسط المنافسين لكنه بيؤدي الغرض، مشكلة البصمة إنك ما تقدرش تفتح من خلالها الموبايل من أول لسمة ولكن بيتم عن طريق مرتين، أول ضغطة تنور الشاشة والتانية تفتح الشاشة معاك.
• الموبايل بييجي من غير حزمة برامج جوجل واللي هتضطر إنك تنزلها مع استعمالك الموبايل لأول مرة واللي بتكون بحجم ١٠٠ ميجابايت تقريبًا.
• صوت سماعات الموبايل عالي وقوي، لكنه مش الأنقى وسط المنافسين.
• زراير التحكم في الموبايل مش موجودة في الموبايل، والتحكم فيه بيكون عن طريق زرار البصمة، فعن طريق لمسة واحدة تقدر ترجع لورا، وعن طريق الضغط عليه ترجع للـ Home، وعن طريق المسح على الشاشة من تحت لفوق تقدر تشوف وتتنقل بين البرامج المفتوحة.
• أداء الـ GPS للموبايل مش سريع قوي، وبيحتاج ٧ ثواني تقريبًا لتحديد الموقع وأحيانًا كمان بيفقد الإشارة.

الكاميرا

المزايا

• الموبايل بييجي بكاميرا خلفية بقوة ١٣ ميجابكسل، وفتحة عدسة 2، وفلاش ثنائي.
• الموبايل بيصور فيديو بدقة ١٠٨٠ بكسل/٣٠ ثانية.

العيوب

• سيلفي الموبايل بييجي بقوة ٥ ميجابكسل بس ومن غير فلاش.

تجربة المستخدم

• أداء كاميرا الموبايل مقبول في ظروف الإضاءة الخارجية وفي أشعة الشمس المباشرة، لكن الجودة دي بتقل في الأماكن الداخلية وفي الإضاءة الضعيفة وهنلاحظ وجود Noise.
• الموبايل بيصور صور بانوراما وبيدعم تقنية الأوتو فوكس، لكن مجملًا هنلاحظ وجود بهتان في ألوان الصور.
• سيلفي الموبايل مقبول في الإضاءة القوية وبتقل دقة وجمال الصور في التصوير الليلي وخصوصًا إنه مش موجود معاه فلاش.

البطارية

المزايا

• بطارية قوية بسعة ٤٠٠٠ مللي أمبير.
• بتدعم تقنية الشحن السريع.

العيوب

• بطارية الموبايل ما تقدرش تغيرها بنفس.

تجربة المستخدم

• أداء بطارية الموبايل قوي وبيكفي لغاية يوم كامل من الاستعمال المتوسط والشاق.
• الموبايل بيتم شحنة كاملة في ٩٠ دقيقة تقريبًا، وده معدل وقت كويس جدًا.
• رغم إن الموبايل هو الأخ الأكبر لميزو 3 نوت لكن بطاريته كانت بسعة أقل من التانية بـ ١٠٠ مللي أمبير ودي نقطة مش مفهومة من الشركة.

شوف موبايل Meizu M5 Note من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.