كتب: خالد عاصم

راجل أو ست، كبير أو صغير، فكتير من الناس بيتأثر جدًا بالجو، سواء كان الجو حر أو برد، فكل فصل فيه ناس مبتحبوش مش بس عشان التفضيل الشخصي لكن كمان بسبب تأثير الفصل ده عليهم، والتأثير ده ساعات بيكون صحي ممكن يوصل لمراحل خطيرة، وساعات بيكون على مستوى الجلد والبشرة وده كمان ممكن يوصل لمراحل مؤذية ممكن بعضها يكون شكلي بس وممكن بعضها شكلي ومؤلم في نفس الوقت.

ومع فصل الشتاء وانخفاض درجة الحرارة وزيادة برودة الجو، كتير مننا بيتأثر بشكل سلبي على مستوى الجلد أو البشرة، وعشان كده ممكن نلاحظ إن الأجواء شديدة البرودة اللي بتوصل لمرحلة نزول التلج مثلًا في بعض الدول، بنلاحظ إن الموجودين في المناطق دي حتى من السكان الأصليين بتتأثر بشرتهم بشكل كبير وده بيبان أوي في إحمرار واضح جدًا أحيانًا بيوصل لدرجة الحكة الشديدة اللي بتأثر على الجلد بشكل سلبي واضح، وده بينعكس على كل أشكال برودة الجو حتى لو لدرجة نزول التلج.

وده ممكن ينطبق عليك لو كنت في مصر، فممكن تكون/تكوني من الناس اللي جلدهم أو بشرتهم بتتأثر بشكل سلبي جدًا من برودة الجو، وده معناه إن صحة البشرة والجلد والعناية بيهم مسألة مهمة جدًا، لأن صحة البشرة مش بس مهمة على المستوى الشكلي، لا كمان مهمة جدا للصحة بشكل عام وده بسبب المهام المتنوعة اللي بيقوم بيها الجلد على أجسامنا، فالجلد هو خط الدفاع الأول قصاد كتير من الفيروسات والبكتريا اللي بنتعرف ليها كل يوم، وكمان هو خط الحماية الأساسي من الأشعة فوق البنفسجية الناتجة عن الشمس واللي من بين أثارها إنها بتعمل على قتل الخلايا، ده غير إن صحة الجلد بتزود قدرة الإنسان على الإحساس بمحيطه من ألم أو ضغط أو اختلاف في درجة الحرارة وده بيساعد العقل على اتخاذ القرار المناسب للتعامل مع الظروف دي في الوقت المناسب.

ولأن شهور الشتاء وبرودة الجو ليها أثار سلبية كتير على الجلد زي الجفاف أو الإكزيما اللي ممكن تتطور لمراحل صعبة من الألم والشكل غير المحبب، فلازم ناخد بالنا من مجموعة من النصايح المهمة اللي هنقدر بيها نحافظ على صحة البشرة والجلد في الشتاء.

ولو أي منتج من اللي هنتكلم عنهم عجبك هتقدر تطلبه من خلالنا في ياقوطة وهيوصلك لحد باب البيت وكمان تقدر تشتري المنتجات دي بالتقسيط من خلال شهري أول وأسهل تطبيق للتقسيط في مصر واللي مش بيحتاج منك غير صورة البطاقة وصورة إيصال مرافق وبس، ومن غير زيارة ولا ضامن واستمتع كمان بتوصيل مجاني لكل مشترياتك من خلاله.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.
*المنتجات المرشحة بناءً على الأكتر شهرة والأكتر مبيعًا من خلال مستخدمين ياقوطة. وليس شرطًا أن يكون كل الأكتر شهرة، أو الأكتر مبيعًا هو الأفضل من حيث الجودة، والسعر، وخدمة ما بعد البيع.

نصائح الحفاظ على صحة البشرة في الشتاء

التلطيف والترطيب اليومي

المرطبات المعتمدة على مشتقات البترول أو أساس الكريم، هي الخيار الأفضل للبشرة العادية والجافة بالمقارنة باللوشن، أما في حالة البشرة الحساسة فلازم اختيار المرطبات الخالية من العطور، ويفضل إن المرطبات تتحط على الجلد المبلل بعد الحمام لأن الكريم المرطب في الحالة دي هيقدر يحفظ رطوبة الجلد بسبب المياه.

تنضيف الجلد دون مبالغة

تنضيف الجلد أو البشر مسألة مهمة جدًا في خطوات صحة البشرة بشكل عام، بس المبالغة في التنضيف بيادي في النهاية بإزالة الترطيب الطبيعي للبشرة، وعشان كده كفي جدًا إنك تغسل وشك وإيدك ورجلك وبين المناطق المطوية المختلفة في الجسم مرة واحدة يوميًا، أما الرجلين أو الدراع وغيرهم فمش من الضروري استخدام الصابون أو المنظف معاها يوميًا.

تقليل استخدام المياه السخنة والصابون

لو من الناس اللي بيتصابوا بحكة الشتاء أو أول ما الجو بيبرد بتحس إنك عايز تهرش في وشك على طول، فبننصحك إنك تقلل فترات الشاور السخن مع الاعتماد على منظفات للجسم مش بتضمن أي مادة كيماوية مثيرة للحساسية، وبعدها يفضل وضع طبقة سميكة من أي كريم بيعتمد على أساس من مشتقات البترول زي الفازلين.

الرطوبة

الهواء الجاف من أهم عوامل سحب الرطوبة من البشرة وعشان كده بيكون الاعتماد على أجهزة ترطيب الهواء المنزلية مهمة جدًا، بس لازم الحفاظ على نضافة الجهاز وتغيير المياه بتاعته باستمرار وطبقًا لتعليما التشغيل عشان تقليل نسب تكوين البكتريا.

الحماية من الرياح

في حالة الرياح الباردة القوية حاول دايمًا تغطي وشك ويفضل استخدام بدائل زبدة الكاكاو المعتمدة على أساس من مشتقات البترول، وكمان ممكن استخدام كريمات حماية البشرة المعتمدة على المشتقات البترولية أو السيراميد.

تفادي درجات الحرارة شديدة الانخفاض

درجات الحرارة شديدة الانخفاض ممكن تؤدي لمراحل خطيرة من الخلل في طبيعة الجلد بتوصل لحد المرحلة المعروفة باسم قضمة الصقيع، وعشان كده لازم زيارة دكتور متخصص فورًا في حالة ملاحظة أي تغيير في لون الأيد أو الرجلين مع الإحساس بالألم أو ظهور التقرحات، أما في حالة زيادة الألم والبدء في فقدان الإحساس بصباع في الإيد أو الرجل فدي ممكن تكون قضمة الصقيع، وعمومًا النصيحة دي هتهم أكتر المصريين اللي بيزوروا أماكن زي سانت كاترين في الشتاء مثلًا، أو المقيمين في المناطق الثلجية في أي مكان في العالم.

الحماية من الشمس

على الرغم من إننا بنتكلم عن فصل الشتاء، إلا إن ده مش معناه إن ممكن صحة البشرة تتأثر بالسلب بسبب الشمس، وعشان كده حتى في الشتاء لازم تحافظ على استخدام كريمات أو مستحضرات الحماية من الشمس بعامل حماية من 15 فأعلى خصوصًا في حالة تقضية وقت طويل بالنهار بره البيت.

أهمية فيتامين D

خلال فترة الصيف بنقدر نحصل على فيتامين D بشكل طبيعي بسبب التعرض المستمر للشمس، بس الشتاء بيكون الموضوع فيه أصعب شوية وعشان كده بننصح بالحفاظ على مستوى فيتامين D من خلال الأدوية المختلفة مع الحرص على الاهتمام بالجرعة المناسبة.

متتأخرش في زيارة الطبيب

في حالة ملاحظة في مشكلة زي تغير اللون أو الحكة القوية أو الألم الشديد أو جفاف الجلد المبالغ فيه، فلازم تزور الطبب المتخصص فورًا ودي نصيحة لازم تعمل بيها على مدار السنة مش بس في الشتاء.

الاستعانة بموقع ياقوطة

من خلال موقع ياقوطة هتقدر تشتري كل اللي محتاجة من منتجات ومستحضرات العناية بالبشرة والحفاظ على صحة الجلد، ومن خلال الموقع هتقدر تقارن ما بين أسعار كل المنتجات دي وهتقدر كمان تقارن ما بين كل منتج والتاني وتعرف تفاصيل كل منتج، وكده تقدر تطبق كل النصايح اللي قلناها دي من خلال المنتجات المتوفرة على ياقوطة.

اتعرف على عروض أسعار مختلف منتجات العناية بالبشرة المتوفرة على ياقوطة من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.

عن كاتب المقال

خالد عاصم مدوّن من ٢٠٠٧ ومن سنة ٢٠١٣ تخصصت في الكتابة في كل حاجه ليها علاقة بالتكنولوجيا خصوصًا الموبايلات والكمبيوتر وكمان الكاميرات. كتبت أكتر من ١٠٠٠ تقرير ومقال في مجال التكنولوجيا. بالإضافة للكتابة ليا خبرة في تسويق المنتجات الإلكترونية وده خلاني أقرّب أكتر من فهم طبيعة صناعة التكنولوجيا وسوقها، حاليًا بكتب في مواقع مصرية وغير مصرية من وأبرزها موقع مجلة ياقوطة وMobihall وMobilesgate. أول موبايل جبته كان سنة ١٩٩٩ وكان Ericsson 628 وبعده Nokia 3310 ومن ساعتها استخدمت موبايلات كتير جدًا منها سوني وسامسونج وإل جي وأيفون، واتعاملت مع كل أنظمة تشغيل الموبايلات تقريبًا من أول السيمبيان لحد أندرويد وiOS.