كتب: محمد عبد الرحمن

شركة تكنو  من الشركات الجديدة في سوق الموبايلات المصري، لكنها وفي وقت قصير قدرت تبني ثقة معقولة بينها وبين المشتري وده مش من فراغ ولكن بفضل موديلاتها المتنوعة من الموبايلات وتميز السعر اللي بتخاطب بيه فئات كتيرة من المشتريين.

 ومن ضمن الموديلات اللي بتحاول تكنو بيها إنها تنافس الشركات الكبيرة في السوق هو موبايل تكنو كامون سي إكس، واللي حطّت فيه مزايا موبايلات منافسة ليها وغالية في السعر عنها لكنها حافظت في موبايل تكنو كامون سي إكس على أسعارها اللي متعودين عليها شركة من تكنو.

في المقال ده هنتعرف أكتر على مزايا وعيوب الموبايل وتقدر تعرف عن طريق ياقوطة أفضل سعر ليه وممكن كمان تطلبه ويوصل لغاية عندك.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

مواصفات موبايل Tecno Camon CX

*تقدر تشوف من على موقع MobiHub موديلات مختلفة ومتميزة للموبايلات وتقدر كمان تعمل مقارنات بين أكتر من موبايل.

تقييم موبايل Tecno Camon CX

التصميم

المزايا

• على الجهة اليمين هنلاقي منفذ كارت الذاكرة وزراير التحكم في الصوت وزرار منفصل للباور.
• على الجهة اليسرى للموبايل هنلاقي منفذ لشريحتين الاتصال.
• على الجهة العليا للموبايل هنلاقي منفذ لسماعات الأذن.
• على الجهة السفلى للموبايل هنلاقي سماعة للمكالمات والسماعات الخارجية.
• في منتصف الشاشة هنلاقي الكاميرا السيلفي وفلاش خاص بيها.
• الجهة الخلفية للموبايل هنلاقي كاميرا خلفية وفلاش أعلى الجهة اليمنى وفي منتصف ضهر الموبايل هنلاقي زرار البصمة.

العيوب

• للأسف الموبايل مش موجود فيه ميكروفون مانع للضجيج.

تجربة المستخدم

• تصميم فخم ومميز للموبايل وخصوصًا إن تصميمه هو مزيج من شكل HTC وiphone.
• مكان البصمة مش موجود حواليه أي بروز ولو خفيف، فهيكون مش مريح ليك في الأول إنك تميزها بسهولة. إنما عن أداءها فهو سهل الاستخدام وسرعة الاستجابة مثالية وممكن عن طريقها تصور سيلفي وتأمن ملفاتك الخاصة وصورك الشخصية يعني مش هتحتاج تحمّل على الموبايل برامج للتأمين.
• فصل زرار الباور عن الزرارين المسئولين عن التحكم في الصوت بيسهل التفرقة بينهم عند الاستعمال.

الشاشة

المزايا

• شاشة IPS بحجم ٥٫٥ بوصة بدقة وضوح FHD وكثافة بكسلات عالية ٤٠٤ ودقة وضوح ١٩٢٠×١٠٨٠ بكسل.
• الشاشة مزودة بطبقة حماية من الشروخ والكسر.
• الشاشة مزودة بلمبة إشعارات LED.

العيوب

• للأسف رغم إن الموبايل مزوّد بطبقة حماية من الشروخ والكسور لكنها مش جوريلا جلاس.

تجربة المستخدم

• الموبايل بييجي معاه «اسكرينة» ملزوقة على الشاشة للحماية فمش هتحتاج تشتري واحدة وتركبها.
• تكنو بتقدم ضمان مجاني على الشاشة في حالة الكسر «أول ٣ شهور بس».
• زوايا الرؤية والتعامل مع الموبايل مميزة، مش الأفضل لكنها بتؤدي الغرض منها وممكن تزود الإضاءة في أشعة الشمس وهتشوف كويس خصوصًا لو هنقارنها بالفئة السعرية اللي بتقدمها تكنو في تليفونها.

الأداء

المزايا

• بروسيسور ثماني النواة من نوع MediaTek MT6750T بتردد ١٫٥ جيجاهرتز.
• الموبايل بييجي بنسخة أندرويد الأحدث نوجا.
• ممكن تضيف ذاكرة خارجية بسعة توصل لـ ١٢٨ جيجابايت.
• الموبايل بيدعم الاتصال بتقنية الجيل الرابع 4G.
• الموبايل بيدعم تقنية OTG.
• بيدعم تشغيل خطين اتصال.
• بيدعم إضافة كارت ميموري.
• الموبايل بيدعم تشغيل راديو FM.

العيوب

• حجم الذاكرة الداخلية ١٦ جيجابايت ودي سعة قليلة.
• رام الموايل ٢ جيجا بس.
• الموبايل مش بيدعم الجيروسكوب.

تجربة المستخدم

• رغم صغر مساحة الذاكرة الداخلية «١٦ جيجابايت» وحجم الرام «٢ جيجا» إلا إن الموبايل بيؤدي الوظايف المطلوبة منه بشكل مقبول جدًا، فتقدر تفتح أكتر من تطبيق في نفس الوقت وتقدر كمان تمارس ألعابك المفضلة بسلاسة مقبولة وده بيرجع لقوة المعالج اللي هيساعدك تعمل كده، بس كان هيبقى أفضل لو تكنو زودت الرام بتاعها علشان تستمتع بطاقة المعالج بشكل أفضل.
• الموبايل فيه ميزة حلوة قوي وهي إنك تقدر تنسخ برامج ليك زي الفيسبوك وواتس آب وكل برنامج فيه مستقل بنفسه وله رقمه والحساب المختلف تمامَا عن التاني.
• تقدر تشغل خطين اتصال وكارت ميموري «لغاية ١٢٨ جيجا بايت» في نفس الوقت ومش هتحتاج تستغنى عن واحدة فيهم.
• فيه إضافات جميلة في الموبايل زي إنك ترسم حرف C على الشاشة فتفتح تطبيق الكاميرا، وإنك ممكن تقفل الشاشة عن طريق النقر مرتين عليها وتفتحها بنفس الطريقة.
• السماعة الخارجية للموبايل صوتها عالي وواضح جدًا.
• رغم إن الموبايل بييجي من غير دعم لتقنية الجيروسكوب لكن عن طريق تحديث الموبايل هتلاقي التقنية دي اشتغلت عندك عن طريق بوصلة الموبايل.
• مجموعة كبيرة جدًا من الثيمات مش هتحس معاها بأي نوع من الملل من شكل الموبايل.

الكاميرا

المزايا

• كاميرا خلفية بقوة ١٦ ميجابكسل بفتحة عدسة واسعة مع فلاش رباعي.
• كاميرا أمامية بدقة ١٦ ميجابكسل بفتحة عدسة واسعة مع فلاش ثنائي.
• الكاميرا الأمامية بتصور فيديوهات بدقة ٧٢٠ بكسل.
• الكاميرا الخلفية بتصور فيديو دقة ١٠٨٠ بكسل.

العيوب

• للأسف الكاميرا الخلفية مش موجود فيها خاصية المثبت البصري، ودي هتأثر على صورك لو إيدك اتهزت وانت بتصور.

تجربة المستخدم

• قامت شركة تكنو بإضافة مستشعر عدسة الكاميرا من إنتاج شركة سوني وهو نفس المستشعر الموجود بموبايلات أغلى منه في السعر زي هواوي ميت 8 ودي ميزة قوية زودت من جمال ونقاء الصور.
• مع ١٦ ميجابكسل قوة كاميرا خلفية مع فلاش رباعي انت فعليًا مش هتحتاج حاجة تاني علشان تطلع صور مميزة جدًا، بغض النظر عن ظروف الإضاءة قوية أو خارجية أو حتى ضعيفة.
• يمكن هتلاقي Noise بسيط في الصور اللي إضاءتها ضعيفة لكن مش هتبان قوي بفضل الفلاش.
• أداء حلو من الكاميرا السيلفي وبفضل العدسة الواسعة هتطلع كل أصحابك معاك في السيلفي.
• كاميرا موبايل تكنو كامون سي إكس تعتبر أحسن كاميرا موبايل في الفئة السعرية بتاعته.
• واجهة التعامل مع الكاميرا سهلة وبسيطة وفيها أكتر من وضع تصوير مميز زي البانورما والـ Beauty والـ HDR.

البطارية

المزايا

• البطارية بقوة ٣٢٠٠ مللي أمبير.
• البطارية بتقبل الشحن السريع.

العيوب

• رغم إن سعة البطارية ٣٢٠٠ مللي أمبير لكن أداءها مش بيوازي قوتها.
• البطارية ما تقدرش تغيرها ولازم تروح بيها التوكيل.

تجربة المستخدم

• البطارية بتشحن تمامًا في ساعتين بس.
• استعمال متوسط ممكن تكمل يوم ولو انت شغلك على الموبايل تقيل فهتوصل معاك لغاية ١٥ ساعة.

شوف موبايل Tecno Camon CX من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا فى تعليق أو من خلال صفحة Yaoota.com على فيسبوك.