كتب: محمد عبد الرحمن

يوم ورا يوم بتحاول شركة One Click إنها تثبت نفسها في سوق الموبايلات المصري بتنوّع إصداراتها وفهمها لمتطلبات المستخدم، وبسلسلة موبايلاتها الأخيرة One Click Pop بتحاول تستقطب جزء كبير من عشاق الموبايلات.

هنتكلم النهارده عن موبايلها الأحدث One Click Pop3 واللي يُعتبر من أرخص الموبايلات المُتاحة في السوق المصري برامات قوية وذاكرة داخلية مميزة، في محاولة منها للفت انتباه شريحة جديدة من المستخدمين.

هنتعرف أكتر في المقال ده على مزايا وعيوب الموبايل، ولو عجبك تقدر عن طريق ياقوطة تعرف أفضل الأسعار ليه وتطلبه كمان ويوصل لغاية عندك وفي أسرع وقت.

*أسعار المنتجات في المقال هي الأسعار المدرجة في المتاجر وقت نشر المقال، الأسعار متغيرة صعودًا وهبوطًا وفقًا لحركة الأسواق.

مواصفات موبايل One Click Pop3

*تقدر تشوف من على موقع MobiHub موديلات مختلفة ومتميزة للموبايلات وتقدر كمان تعمل مقارنات بين أكتر من موبايل.

تقييم موبايل One Click Pop3

التصميم

المزايا

• الموبايل مصنوع بالكامل من البلاستيك واللي يُعتبر طبيعي بالنسبة لسعره.
• وزن الموبايل «١٨٠» جرام.
• الجانب اليمين للموبايل هنلاقي زرار الباور وزارير التحكم في الصوت.
• الجهة العليا للموبايل هنلاقي منفذ الشحن ومنفذ توصيل السماعات.
• أسفل الموبايل هنلاقي مايك المكالمات وسماعة الموبايل اللي هتكون ناحية الشمال.
• الموبايل بيدعم تشغيل راديو FM.
• الجهة الخلفية للموبايل هنلاقي الكاميرا ومعاها فلاش أحادي وتحتهم شعار شركة وان كليك.
• الجهة الأمامية للموبايل هنلاقي سماعتين للموبايل، وكاميرا أمامية ومستشعر بصمة.
• ضهر الموبايل قابل للإزالة علشان تقدر توصل للشريحيتن وكارت الميموري.

العيوب

• مش موجود زرار لمنع الضجيج.
• الموبايل مش بيدعم لمبة LED.

تجربة المستخدم

• تصميم الموبايل وخامات التصنيع من البلاستيك اللي بنحس إنه مطّ شوية.
• الموبايل لما تمسكه هتحس بسماكة شوية «١٢ مللي تقريبًا» وتُقل في الحجم «١٨٠ جرام تقريبًا» وده بسبب حجم البطارية اللي سعتها ٥٠٠٠ مللي أمبير.
• زراير الباور والتحكم في الصوت بارزين بشكل واضح وسهل التحكم فيهم.
• هنلاقي على جوانب الموبايل Frame من المعدن للحفاظ عليه من الخبطات.
• الجميل من الشركة إنها وفرت «اسكرينة» مع الموبايل ضد الكسور لحمايته من أي خبطات مفاجئة وكمان وفرت معاه Cover سيليكون خلفي لحمايته من أي صدمات وهنلاقي بروز واضح عند الجوانب لزيادة التأمين.
• الجزء السفلي من الموبايل رغم إنه بيوفر سماعة واحدة على الشمال لكن هنلاقي في الجهة المقابلة ليها شكل سماعة تاني علشان يحافظ على الشكل الجمالي ليه.

الشاشة

المزايا

• شاشة بحجم ٥ بوصة بدقة وضوح HD، وكثافة بكسلات ١٢٨٠×٧٢٠.
• زراير التحكم في الموبايل موجودة جوه الشاشة.

العيوب

• اللون الأبيض لشاشة الموبايل بيظهر مش نقي وبيكون فيه درجات بسيطة من اللون الأزرق.
• للأسف الموبايل مش بيدعم بصمة الإصبع ودي تُعتبر نقطة ضعف فيه خصوصًا إن الجيل اللي قبله Click One Pop 2 كان بيدعم تقنية البصمة.
• تقدر تفتح الشاشة عن طريق النقر عليها مرتين ورا بعض وتقفلها بنفس الطريقة.

تجربة المستخدم

• رغم إن الزراير في شاشة الموبايل مضيئة، وجودها داخل الشاشة بياكل من مساحتها فمساحة الـ ٥ بوصة بتقل.
• تاتش الموبايل كويس وبيستجيب بسهولة لكن الجزء من الشاشة الخاص بزرار المسافة بيعلّق ساعات.
• ألوان الشاشة مميزة ووضوحها حلو في أشعة الشمس المباشرة.
• فيه ميزة حلوة في الشاشة زي إنك تقدر تفتح الكاميرا عن طريق رسم حرف C على الشاشة.

الأداء

المزايا

• الجهاز راماته «٣ جيجا رام» وذاكرته الداخلية «٣٢ جيجابايت» ومعالج رباعي النواة Mediatek MT6737، ومعالج رسومي Mali-T720.
• ممكن تضيف ميموري خارجي بسعة توصل لـ ٦٤ جيجابايت.
• الموبايل بييجي بنسخة أندرويد مارشميلو وبيقبل للتحديث للنسخة الأحدث نوجا.
• الموبايل بيدعم تقنية الشبكات للجيل الرابع.
• الموبايل بيدعم تشغيل راديو FM.
• الموبايل بيدعم تشغيل خطين اتصال، وبيسمح بإضافة كارت ميموري خارجي.
• الموبايل بيدعم تقنية الـ OTG.
• تقدر تستعمل الموبايل كباور بانك للموبايلات التانية.

العيوب

• للأسف الموبايل مش بيسمحلك باستخدام الشريحتين مع كارت الميموري ولازم تختار بينهم.
• الموبايل مش بيدعم تقنية الجيروسكوب ولا البوصلة.

تجربة المستخدم

• رام الموبايل ٣ جيجا بتسهل وتسرع من القيام بالمهام المطلوبة من الموبايل، ورغم إن البروسيسور رباعي النواة لكنه مناسب لسعر الموبايل.
• أداء الموبايل مع البرامج والألعاب كويس ومش هتحس بسخونة أو بطء في الأداء.
• صوت سماعات الموبايل مش قوي، ولو كنت من هواة الصوت العالي فمش هتلاقي الميزة دي في موبايل وان كليك بوب 3.
• مستشعرات الموبايل زي الـ GPS استجابته لتحديد المواقع بتاخد وقت طويل شوية واللي ممكن يوصل لـ ١٠ ثواني.

الكاميرا

المزايا

• موبايل One Click Pop3 بييجي بكاميرا خلفية بدقة ٨ ميجابكسل بعدسة مصنعة من سوني وبتقدم تقنية Auto Focus ومزودة بفلاش أحادي.
• كاميرا سيلفي بقوة ٥ ميجابكسل من غير فلاش.

العيوب

• دقة الكاميرا الخلفية مش الأفضل لو هنقارنها بمعظم الموبايلات المتاحة في السوق دلوقتي.
• دقة الكاميرا الأمامية ٥ ميجابكسل على الورق بس لكن في الواقع صورها بتكون مش بالقوة المناسبة خصوصًا إن مش موجود معاها فلاش وده معناه صعوبة التصوير السيلفي في الإضاءة الضعيفة.

تجربة المستخدم

• صور الكاميرا الخلفية مقبولة مقارنةً بالسعر وبإمكانيات الموبايل عمومًا، وإن كان بيظهر Noise في الصور الخاصة بيها.
• تطبيق الكاميرا فقير في الخيارات اللي بتقدمهاله One Click وده بسبب إنها مقدمة أندرويد لولي بوب نقي تمامًا ومن غير أي إضافات.
• رغم وجود فلاش أحادي للكاميرا لكنه بيتأخر شوية في التقاط الصور وده معناه إنك لازم تثبت إيدك كويس قوي وقت التصوير.

البطارية

المزايا

• بطارية قوية بسعة ٥٠٠٠ مللي أمبير.
• بيدعم تقنية الشحن السريع.

العيوب

• البطارية غير قابلة للإزالة.

تجربة المستخدم

• سعة البطارية كبيرة وبتسمحلك باستخدام قوي ومطول للموبايل لمدة يوم ونص أو يومين.
• البطارية بتشتغل في وضع تشغيل الشاشة بوصع مستمر لأكتر من ٨ ساعات.
• بييجي مع البطارية شاحن بقوة ٢ أمبير واللي بيشحن البطارية في وقت يعتبر قياسي (٢٫٥ ساعة بس).

شوف موبايل One Click Pop3 من هنا.

*قد تنفد بعض المنتجات من المتاجر في أي وقت لكن غالبًا ما تصبح متاحة بعد فترة وجيزة، إذا صادفتك مشكلة مع أي منتج من فضلك قم بإبلاغنا في تعليق أو من خلال صفحة Yaoota.com على فيسبوك.